TA KƏLA 49:4 - Bibəl ta Sar̄

⁴ Ī-to tītə̄ man̄ kə́ nūgə́ kə ngangá ngá̰ý, ɓá tā ba ā ə́nge loo kə́ kété to̰ alé, tām̄ ī-sāā nə̄yá̰ḿ kem tə̄rá yāḿ tə́, ə́lań rɔ̄sɔl̄ dɔḿ tə́.

Bible sar

⁴ Ī-to tītə̄ man̄ kə́ nūgə́ kə ngangá ngá̰ý, ɓá tā ba ā ə́nge loo kə́ kété to̰ alé, tām̄ ī-sāā nə̄yá̰ḿ kem tə̄rá yāḿ tə́, ə́lań rɔ̄sɔl̄ dɔḿ tə́.

TA KƏLA 49:4 Referans Kwoze

TA KƏLA 35:22

Ndin̄ kə̄ noó anī Ruben aw̄ ɓīī kə Bila də̄yá̰ gidə ndogə̄ yā bɔbə̄neé, adə̄ bɔbə̄n Israel oō najə̄ ní. Ngán Jakob gə̄ i kutə gidə i jōó.

1 YÁ̰A̰ GƏ̄ 5:1

Ruben i hágə Jakob ɓá tā ba ni ɓīī kə nə̄yá̰ bɔbə̄neé adə̄ télən̄ kə yá̰a̰ ndəba yān kə́ loo ngōn̄ hágə́ tə́ adə̄n̄ i ngán Jəjep gə̄. Jəjep i ngōn̄ Israel ō. Adə̄ rāān̄ Ruben i ngōn̄ hágə̄ tə́ to̰ alé. Juda i de kə́ bo tɔȳ ngákó̰o̰n gə̄ malang. Mban̄g kə́ Israel tə́ teē i gír yān tə́. Banī ta róbə kənge yá̰a̰ ndəbā kə́ loo ngōn̄ hágə́ tə́ i yā Jəjep. Rī ngán Ruben kə́ hágə Jakob na i Hanok ō, Palu ō, Hesəron ō, Karmi ō.

NDŪ NAJƏ̄ 27:20

Deē ń ɓīī kə nə̄yá̰ bɔbə̄neé ní, ndɔ̄ĺ i dɔn tə́, tɔdɔ̄ un i kūbə̄ ń bɔbə̄n seĺ dɔ nə̄yá̰n tə́ ní kɔ̄ɔ́. Loo ń noō tə́ de gə̄ malang a ədan̄ na: A̰á̰ā̰ ādə̄ i tītə̄ ń noō.

NDŪ NAJƏ̄ 33:6

Moijə əda ɓáý to̰ na: Ādə̄ de kə́ gír ɓē yā Ruben tə́ gə̄ ndin̄ kə kumdə́ ō, oyn̄ aĺ ō. Ādə̄ deē yān kə́ sḛ́ý beē gə̄ ndin̄ kə kumdə́ kə̄ nodə́ tə́.

1 KORḚNTƏ 5:1

De gə̄ malang ədan̄ na háĺ kə́ majaĺ na to dansí tə́, ba yá̰á̰ ní na majaĺ ngá̰ý al̄ naā, adə̄ de gə̄ kə́ nin̄ i Jipə aĺ gə̄ gə̄gē na rāān̄ háĺ kə́ tītə̄ ń noō alé. Tɔdɔ̄ ənīn̄ gotə najə̄ yāsí, ədan̄ na deē kógə̄ḿ dansí tə́ na aw̄ bátə́ sāā nə̄yá̰ bɔbə̄n loo kaya tə́!

NDŪ NAJƏ̄ 5:21

Ī-lōō sāā ɓīī kə nə̄yá̰ madí. Ā ī-ndə̄ngā yá̰a̰ yān kógə̄ḿ alé. Ā ī-ndə̄ngā kújə yān aĺ ō, ndɔr̄ yān aĺ ō, nge kəla yān kə́ dəngam aĺ ō, kə́ dəyá̰ aĺ ō, man̄g yān aĺ ō, kərō yān aĺ ō.

TA KƏLA 46:8

Israel gə̄, adə̄ i Jakob nin̄ kə gír kaa yānneé ń reē ugə̄n̄ dɔ nang kə́ Ejiptə tə́ ní, rīdə́ n toó: Hágə Jakob i Ruben.

2 PIYER 3:16

I yá̰á̰ ń toō n ni ndang kem makətūbə̄ gə̄ malang ń ni-ɔr̄ najə̄ ń toō kemeé tə́ ní. Makətūbə̄ gə̄ ń ni ndang ní, loo ger̄ kum najə̄ kə́rēý gə̄ kə́ tū tə́ ngan̄g ngá̰ý. Adə̄ de kə́ ger̄ yá̰a̰ aĺ gə̄ ō, kə́ ngəradə́ əhɔ nang aĺ gə̄ ō, tūrə̄n̄ gír kɔ̄ɔ́, tītə̄ ń nin̄ a rāān̄neé kə gotə makətūbə̄ kə́ rang gə̄ yā Nə́ɓāá ní. Nin̄-nujən̄ kə rɔ̄də́ nin̄ kɔ́ gɔ̄ɔ́ i tītə̄ ń noō.

2 PIYER 2:14

Kumdə́ a ndəle i dəyá̰ kə́ ngé rāȳ gə̄ ō, asədə́ rāā yá̰á̰ kə́ majaĺ aĺ bátə́ ō. Nin̄-əyān̄ gūmbə̄ əhɔn̄neé de kə́ tɔ́gə́də́ gətóo gə̄ ō. Yá̰á̰ ń i rāā ta nar ní, nin̄-gerə̄n̄ ngá̰ý ō. Ndɔ̄ĺ yā Nə́ɓā i dɔdə́ tə́!