TA KƏLA 49:3 - Bibəl ta Sar̄

³ Ḭ̄ Ruben, ngōn̄ hágə́ḿ, dan balsááḿ tə́ ɓáý ní i ḭ̄-n m-ójiī kété ní. De gə̄ ɓōlə́n̄ ndílí tɔȳ yā ngákó̰ó̰í gə̄ ō, ḭ̄ i dɔ madí gə̄ tə́ malang ō.

Bible sar

³ Ḭ̄ Ruben, ngōn̄ hágə́ḿ, dan balsááḿ tə́ ɓáý ní i ḭ̄-n m-ójiī kété ní. De gə̄ ɓōlə́n̄ ndílí tɔȳ yā ngákó̰ó̰í gə̄ ō, ḭ̄ i dɔ madí gə̄ tə́ malang ō.

TA KƏLA 49:3 Referans Kwoze

PĀ GƏ̄ 78:51

Ni tɔ̄l̄ ngáń hágə́ kə́ dəngam kə́ Ejiptə tə́ gə̄ kɔ̄ɔ́ malang, nin̄ ń i tɔ́gə́də́ kə́ ta kəga dɔ kə́ kem kújə tandā yā Kam tə́ ní.

NDŪ NAJƏ̄ 21:17

Majə kadə̄ ger̄ na i ngōn̄ dəyá̰ ń ni tárən ngá̰ý aĺ ní n i ngōn̄ hágən ní. Adə̄ yá̰a̰ kənge yān malang ń ni a kēgə̄ yā kadə̄n ní, a adə̄n i loo nja kə́ jōó tə́ tɔdɔ̄ i ni n i ngōn̄ hágən ní ō, ta róbə kənge yá̰á̰ hágə i yān ō.

PĀ GƏ̄ 105:36

Nə́ɓā tɔ̄l ngáń hágə gə̄ malang kə́ kem ɓē yādə́ tə́ kɔ̄ɔ́, adə̄ i ngáńdə́ gə̄ ń ḭḭn̄ kə̄ nang tə́ á ojən̄ ní.

1 YÁ̰A̰ GƏ̄ 5:1

Ruben i hágə Jakob ɓá tā ba ni ɓīī kə nə̄yá̰ bɔbə̄neé adə̄ télən̄ kə yá̰a̰ ndəba yān kə́ loo ngōn̄ hágə́ tə́ adə̄n̄ i ngán Jəjep gə̄. Jəjep i ngōn̄ Israel ō. Adə̄ rāān̄ Ruben i ngōn̄ hágə̄ tə́ to̰ alé. Juda i de kə́ bo tɔȳ ngákó̰o̰n gə̄ malang. Mban̄g kə́ Israel tə́ teē i gír yān tə́. Banī ta róbə kənge yá̰a̰ ndəbā kə́ loo ngōn̄ hágə́ tə́ i yā Jəjep. Rī ngán Ruben kə́ hágə Jakob na i Hanok ō, Palu ō, Hesəron ō, Karmi ō.

1 YÁ̰A̰ GƏ̄ 2:1

Rī ngán Israel gə̄ n toó: Ruben, Simeo̰, Lebi, Juda, Isakar, Jabulo̰,

TƏ́DA 1:20

Tə́dan̄ ngán Israel gə̄ i kə gō gír kaadə́ gēé ō, kə gō gír kojə yādə́ gēé ō. De kə́ dəngam gə̄ malang ń ɓāl̄də́ əla gír dɔ kutə jōó tə́ kum kə̄ dɔɔ́ á nin̄ i ngé rɔ̄ɔ̄ gə̄ ní, ndangən̄ rīdə́ makətūbūú. Əlan̄ gír i dɔ gír ɓē yā Ruben hágə Jakob tə́. Kutə de gə̄ ń tə́dan̄də́ ní n toó: De gə̄ kə́ gír ɓē yā Ruben tə́ i deē 46 500. De gə̄ kə́ gír ɓē yā Simeo̰ tə́ i deē 59 300. De gə̄ kə́ gír ɓē yā Gad tə́ i deē 45 650. De gə̄ kə́ gír ɓē yā Juda tə́ i deē 74 600. De gə̄ kə́ gír ɓē yā Isakar tə́ i deē 54 400. De gə̄ kə́ gír ɓē yā Jabulo̰ tə́ i deē 57 400. De gə̄ kə́ gír ɓē yā Epəraim ngōn̄ Jəjep tə́ i deē 40 500. De gə̄ kə́ gír ɓē yā Manase ngōn̄ Jəjep tə́ i deē 32 200. De gə̄ kə́ gír ɓē yā Benjamḛ tə́ i deē 35 400. De gə̄ kə́ gír ɓē yā Dan tə́ i deē 62 700. De gə̄ kə́ gír ɓē yā Aser tə́ i deē 41 500. De gə̄ kə́ gír ɓē yā Nepətali tə́ i deē 53 400.

TƏ́DA 26:5

Ruben i hágə Israel. Ngán Ruben gə̄ n toō: Hanok gə̄, i de gə̄ kə́ gír kaa yā Hanok ngōn̄ Ruben tə́. Palu gə̄, i de gə̄ kə́ gír kaa yā Palu ngōn̄ Ruben tə́,

TA KƏLA 48:18

əda bɔbə̄n na i beé alé, nge ń noō na i nga tɔ́gə, kə əndā jī ko̰n dɔn tə́.

TA KƏLA 46:8

Israel gə̄, adə̄ i Jakob nin̄ kə gír kaa yānneé ń reē ugə̄n̄ dɔ nang kə́ Ejiptə tə́ ní, rīdə́ n toó: Hágə Jakob i Ruben.

JEJU TEĒ KUM JA̰A̰ 3:14

Ī-ndang najə̄ ń toō ādə̄ de kə́ dɔ rā̰ tə́ yā Egəlijə kə́ Laodise: Najə̄ ń deē ń i Amen ō, ni i de kə́ kum tə́ kə́ nge ra dɔ ndūn tə́ ō, ni i de kə́ rɔ̄kum ō, Nə́ɓā əndā yá̰a̰ malang i kə ta kūl̄neé ō əda ní n toó:

NDŪ NAJƏ̄ 33:6

Moijə əda ɓáý to̰ na: Ādə̄ de kə́ gír ɓē yā Ruben tə́ gə̄ ndin̄ kə kumdə́ ō, oyn̄ aĺ ō. Ādə̄ deē yān kə́ sḛ́ý beē gə̄ ndin̄ kə kumdə́ kə̄ nodə́ tə́.

TA KƏLA 35:22

Ndin̄ kə̄ noó anī Ruben aw̄ ɓīī kə Bila də̄yá̰ gidə ndogə̄ yā bɔbə̄neé, adə̄ bɔbə̄n Israel oō najə̄ ní. Ngán Jakob gə̄ i kutə gidə i jōó.

TA KƏLA 35:23

Ngán Lea gə̄ n toó: Ruben hágə Jakob ō, Simeo̰ ō, Lebi ō, Juda ō, Isakar ō, Jabulo̰ ō.

NDŪ NAJƏ̄ 27:13

Ba de gə̄ kə́ gír ɓē yā Ruben tə́ ō, Gad tə́ ō, Aser tə́ ō, Jabulo̰ tə́ ō, Dan tə́ ō, Nepətali tə́ ō, a ran̄ dɔ mbal̄ Ebal tə́ yā kədań najə̄ kə́ to ndɔ̄ĺ gə̄.

EJEKIEL 48:6

Dɔ nang yā Ruben a ra kə gō ngāl̄ dɔ nang yā Epəraim, ḭḭ gír ɓē tə́ ugə̄ no ɓē tə́.