TA KƏLA 42:6 - Bibəl ta Sar̄

⁶ Jəjep ndi dɔ ɓē tə́. I ni n i nge kadə̄ de kə́ kem ɓēé gə̄ malang kōō kadə̄ mangən̄ ní. Ngákó̰o̰ Jəjep gə̄ reē ɔsən̄ nodə́ nang tə́ non tə́.

Bible sar

⁶ Jəjep ndi dɔ ɓē tə́. I ni n i nge kadə̄ de kə́ kem ɓēé gə̄ malang kōō kadə̄ mangən̄ ní. Ngákó̰o̰ Jəjep gə̄ reē ɔsən̄ nodə́ nang tə́ non tə́.

TA KƏLA 42:6 Referans Kwoze

JEJU TEĒ KUM JA̰A̰ 3:9

Á̰a̰ā̰, de gə̄ kə́ kem kújə ndi Sətan tə́ ní, m-ādī sedə́. Nin̄ i ngé gə̄ ń ədan̄ na nin̄ na i Jipə gə̄, banī nin̄ i Jipə gə̄ aĺ ní. Tɔdɔ̄ nin̄ i ngé sor̄ gə̄. Á̰a̰ā̰, m-ā m̄-rāā kadə̄ a reēn̄ yā kɔsə nodə́ nang tə́ njaí tə́ ō, a gerə̄n̄ kadə̄ mā m̄-táriī ō.

KƏLA RĀĀ 7:10

Wur kɔl gə̄ malang ń əsō dɔ Jəjep tə́ ní ɔrə̄n kum tə́ kɔ̄ɔ́ ō, ni-rāā adə̄ nel̄ mban̄g Parao̰ kə́ Ejiptə seneé ō, rāā adə̄ mban̄g a̰a̰ kadə̄ Jəjep i de kə́ nge kum kedə̄ ō. Mban̄g əndā Jəjep dɔ nang kə́ Ejiptə tə́ ō, dɔ yá̰a̰ malang kə́ ndogó mbangāá tə́ ō.

TA KƏLA 45:26

ədanən̄ na Jəjep na ndi kə kumneé noō, na i ni n o̰o̰ ɓē kə́ Ejiptə tə́ malang ní gə̄gē ɓáý. Banī Jakob ugə̄ rɔ̄n ɗem aĺ bátə́, tɔdɔ̄ ni taā kem najə̄ kɔr̄də́ alé.

TA KƏLA 45:8

adə̄ na i nin̄ n əlanən̄ laā ní alé, ba na i Nə́ɓā. Na i ni n na əndān adə̄ ni na i bɔbə̄ Parao̰ ō, kɔ́ɔ̄ yá̰á̰ kə́ kem kújə yān tə́ malang ō, nge ko̰o̰ ɓē kə́ Ejiptə tə́ malang ō ní.

TA KƏLA 44:14

Juda nin̄ kə ngákó̰o̰n gēé reē ugə̄n̄ ɓē Jəjepé. Ni teē aĺ ɓáý adə̄ əngenən̄ ɓēé. Reē ɔsən̄ nodə́ nang tə́ non tə́,

TA KƏLA 19:1

De kə́ dɔ rā̰ tə́ kə́ jōó gə̄ ní ugə̄n̄ Sodom ta jī loo tíbə́ tə́. Lot ndi ta róbə́ kə́ yā kudəń kə̄ kem ɓē kə́ Sodom tə́. Dan ń ni a̰a̰də́ anī, ḭḭ aw̄ tə́nī tadə́. Aw̄ ɔsə non nang tə́ nodə́ tə́,

TA KƏLA 18:2

Ni-un kumən kə̄ dɔɔ́ anī, a̰a̰ de gə̄ mətá ran̄ ngɔr rɔ̄n tə́. Dan ń ni a̰a̰də́ anī, ḭḭ ta kújə yān tə́ kə ngɔ̄dɔ̄ɔ́, aw̄ ɔjə nodə́. Ni-ɔsə non nang tə́ nodə́ tə́

TA KƏLA 33:3

Nəkɔ́ mān̄ kété nodə́ tə́, ba ɔsə non nang tə́ bátə́ nja sīrí ɔtə̄ń rɔ̄ ngōkó̰o̰n tə́.

TA KƏLA 41:43

ba adə̄ al̄ kem púsə́ sə́ndá ń utə̄ gō yān tə́ ní. Adə̄ deē kógə̄ḿ njə̄rā kété non tə́ ənī mbēr̄ əda na kə de gə̄ kə tétə̄n̄ kejədə́ nang tə́. Parao̰ adə̄n ndū ko̰o̰ ɓē dɔ nang kə́ Ejiptə tə́ malang i beé.

TA KƏLA 48:12

Jəjep ɔr̄ ngánən gə̄ no mbā bɔbə̄n tə́ ba ɔsə non nang tə́ non tə́.

1 SAMUEL 20:41

Dan ń balsáá ní aw̄ kɔ̄ɔ́ anī, Dabid teē loo ń ɓɔ̄ɔ̄ rɔ̄n tū tə́ ní tə́ dām̄ mbɔ́r ɓē kə́ geleé tə́. Ni-ɔsə non nang tə́ nja mətá kə̄ no Jonatan tə́. Gō tə́ anī ɓirə̄n̄ naā dagə ba nōōn̄ mbak bátə́ kadə̄ asəń Dabid.

Gōsə̄ najə̄ gə̄ 11:26

De gə̄ ndɔ̄lə́n̄ nge kutə̄ kōō kújú, banī tɔ́rə̄n̄ tadə́ dɔ nge rāań gātə̄ tə́.

IJAI 60:14

Ngé gə̄ ń rāāīn̄ adə̄ á̰á̰ tápə̄ ngá̰ý ní, a əlan̄ dɔdə́ nang tə́ yā reēń kə̄ rɔ̄í tə́, de gə̄ malang ń kídīn̄ ní, a ɔsən̄ kejədə́ nang tə́ njaí tə́. Nin̄ a ɓāríīn̄ na i ɓē yā Kɔ́ɔ̄ɓē ō, na i Siyo̰ yā Nə́ɓā kə́ táĺ yā Israel ō.

TA KƏLA 41:54

ɓáa ɓāl̄ ɓō kə́ sīrí gə̄ əlan̄ gír reē tītə̄ ń Jəjep ədań ní. Ɓō əsō kə̄ kem ɓē gə̄ tə́ malang ba kəsa to dɔ nang kə́ Ejiptə tə́.

TA KƏLA 41:57

De gə̄ ḭḭn̄ kə̄ dɔ ɓē gə̄ tə́ malang reēn̄ Ejiptə tə́ mang kōó jī Jəjep tə́, tɔdɔ̄ ɓō i ngá̰ý kə̄ kem ɓē gə̄ tə́ malang.