TA KƏLA 4:8 - Bibəl ta Sar̄

⁸ Ba Kain əda ngōkó̰o̰n Abel na kə n-teēn̄. Dan ń nin̄ i kem ndɔrɔ́ anī, Kain ḭḭ udə kə̄ dɔ ngōkó̰o̰n Abel tə́ tɔ̄lə̄n.

Bible sar

⁸ Ba Kain əda ngōkó̰o̰n Abel na kə n-teēn̄. Dan ń nin̄ i kem ndɔrɔ́ anī, Kain ḭḭ udə kə̄ dɔ ngōkó̰o̰n Abel tə́ tɔ̄lə̄n.

TA KƏLA 4:8 Referans Kwoze

Makətūbə̄ ń Jud ndang ní 1:11

Yá̰á̰ kə́ to kum kaȳ aĺ a əsō dɔdə́ tə́ tām̄ nin̄-unən̄ i róbə́ ń Kain un ní. Nin̄-ndúmə̄n̄ tām̄ yā nar tə́ tītə̄ yā Balam ō, udən̄ kɔ̄ɔ́ sɔɔ̄ń mbātə́ najə̄ yādə́ kə́ tītə̄ yā Kore ō.

MATIYE 23:35

Yā kadə̄ mósə de kə́ súmūú gə̄ ń a̰ȳ nang tə́ laā ní əsō dɔsí tə́ malang. Əla gír dɔ mósə Abel ń ni i de kə́ súmūú tə́, bátə́ ugə̄ń dɔ mósə Jakari kə́ ngōn̄ Barasi ń ī-tɔ̄l̄niī dɔ dán loo tun̄ yá̰á̰ tə́ kə loo kə́ táĺ ní tə́.

Najə̄ kə́ Majə yā Jeju ń Luk ndang ní 11:51

a əlan̄ gír i dɔ mósə Abel tə́ bátə́ kadə̄ ugə̄n̄neé dɔ mósə Jakari ń oy dɔ dán loo tun̄ yá̰á̰ tə́ kə loo kə́ táĺ tə́ ní. A̰á̰ā̰, m-ə́dásí najə̄ kə́ rɔ̄kum, a dəjen̄ de kə́ ngɔlaā gə̄ mósə de gə̄ ń noō malang.

MISE 7:6

Tɔdɔ̄ ngōn̄ kə́ dəngam tájə̄ bɔbə̄n ō, ngōn̄ kə́ dəyá̰ ḭḭ kə kó̰o̰neé kə rɔ̄ɔ́ ō, um kə́ dəyá̰ ḭḭ kə mumən kə́ dəyá̰ kə rɔ̄ɔ́ ō. De gə̄ kógə̄ḿ kógə̄ḿ ní, madə̄ ba̰ā̰də́ gə̄ i de gə̄ kə́ kem kojə yādə́ tə́.

2 SAMUEL 14:6

ba ngánə́ḿ kə́ dəngam gə̄ i jōó. Nin̄ rɔ̄ɔ̄n̄ naā bembeé, ba de kə́ yā mā̰ȳdə́ gətóo, adə̄ nge kə́ kógə̄ḿ ənda madə̄n tɔ̄l̄.

NEHEMI 6:2

Sanbalat nin̄ kə Gesem əla ədamə̄n̄ na: Ī-reē ādə̄ j-əngeī naā Kepirim, wól loo kə́ Ono tə́ ba j-ɔrī najə̄. Nin̄ númə̄n̄ rāām̄ yá̰á̰ kə́ majaĺ.

2 SAMUEL 3:27

Dan ń Abner tél dɔ tə́ reē ugə̄ Hebron anī, Joab ɓārə́n kə̄ gogə́ aw̄ seneé ta róbə ndogə̄ tə́ kum kə̄ kemeé, tītə̄ kə́ yā kaw̄ kɔr̄ najə̄ kə́ loo mundə̄ tə́ seneé beē. Ni-ɔsə kem Abner kə kəyá tɔ̄lən loo ń noō tə́ kum gotə ngōkó̰o̰n Asael ń Abner tɔ̄lən ní.

HEBƏRO 12:24

Sḭḭ̄ ī-ndɔ́tī i kə̄ rɔ̄ Jeju tə́, ni i nge ra mbənā de gə̄ tə́ kə Nə́ɓāá tām̄ yā madə̄ naā kə́ kijə tə́ ō, kə̄ ta mósə́ Jeju kə́ a̰ȳ nang tə́ tə́, mósən ní ɔr̄ najə̄ majə tɔȳ yā Abel.

PĀ GƏ̄ 55:21

Deē ngeé ń toō rɔ̄ madə̄ tan gə̄, ni-əhɔ madə̄ naā yān i yá̰á̰ kə́ karī tə́.

PĀ GƏ̄ 36:3

Ni gír̄ kadə̄ ni i de kə́ majə, adə̄ ger̄ majaĺ yān aĺ ō, mbātə́ majaĺ yān aĺ ō.

Makətūbə̄ yā Job 11:15

Loo ń noō tə́ najə̄ a gətóo dɔí tə́ adə̄ ā ɔ̄r̄ dɔí dɔɔ́ ō, ā ūnjə̄ soy tītə̄ gində̄ kə́ nō horoó beé ō, adə̄ ā ī-ɓōĺ yá̰á̰ kógə̄ḿ alé.

Najə̄ kə́ Majə yā Jeju ń Luk ndang ní 22:48

Anī Jeju ədan na: Judas ā ī-ɓir̄ Ngōn̄ Deé kə̄ rɔ̄í tə́ dagə n ā ī-rāā yā kəlaneé jī de gə̄ tə́ ní a?

PĀ GƏ̄ 139:19

Nə́ɓā, majə kadə̄ ī-tɔ̄l̄ de kə́ nge kem ndul kɔ̄ɔ́! Sḭḭ̄ ngé ɓōkə́ mósə de gə̄ nang tə́ gə̄, āwī sa̰y kɔ̄ɔ́ rɔ̄ḿ tə́.

HEBƏRO 11:4

I kə ta kūl̄ taā kem n Abel ndējə̄ Nə́ɓā yá̰a̰ tun̄ kə́ majə tɔȳ yā Kain ní. I taā kem yān n rāā kadə̄ ni i de kə́ gōtə́ ní, tɔdɔ̄ Nə́ɓā ndigə yá̰a̰ gə̄ ń ni ndējə̄ ní. Tá i kə ta kūl̄ taā kem n ká ni-oy kɔ̄ɔ́ gə̄gē anī, ni-ɔr̄ najə̄ ɓáý ní.

TA KƏLA 4:25

Adam ɓīī kə nə̄yá̰neé ɓáý, adə̄ nə̄yá̰n ojə ngōn̄ kə́ dəngam, ba əndā rīn na i Set tɔdɔ̄ ni-əda na: Nə́ɓā ndigə kadə̄m̄ ngōn̄ kə́ rang gotə Abel ń Kain tɔ̄lə̄n tə́ ní.

TƏ́DA 35:20

Ré deē im̄ madə̄n kemən tə́ ba mbəren, aláa ənīn kə yá̰á̰ kə́rēý kə kem nduluú adə̄ oy,

2 YÁ̰A̰ GƏ̄ 21:4

Adə̄ Joram o̰o̰ ɓē gotə bɔbə̄n tə́ ō, mbūsə̄ gír ko̰o̰ ɓē yān adə̄ ngan̄g ō. Gō tə́ anī tɔ̄l̄ ngákó̰o̰n gə̄ malang kɔ̄ɔ́ ō, tɔ̄l̄ ngār kə́rēý gə̄ kə́ Israel tə́ kɔ̄ɔ́ ō kə kaskaraá.

OJEE 4:2

Nin̄ ndɔ̄lə́n̄ loo kə̄ loo gə̄ tə́ ō, sorə̄n̄ ō, tɔ̄lə̄n̄ de gə̄ ō, əhɔn̄ de gə̄ dɔ gúú tə́ aw̄n̄ sedə́ kɔ̄ɔ́ ō. Nin̄ rāān̄ rāȳ ō, rāān̄ yá̰a̰ i kə tɔ́gə́də́ ō, kəla rāādə́ i tɔ̄l̄ de gə̄ ō.