TA KƏLA 4:6 - Bibəl ta Sar̄

⁶ Ba Kɔ́ɔ̄ɓē ədan na: Ī-rāā wōn̄g ō, dɔ kumií nelī alé ō, i tām̄ rí tə́?

Bible sar

⁶ Ba Kɔ́ɔ̄ɓē ədan na: Ī-rāā wōn̄g ō, dɔ kumií nelī alé ō, i tām̄ rí tə́?

TA KƏLA 4:6 Referans Kwoze

IJAI 1:18

Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

Makətūbə̄ yā Job 5:2

Tɔdɔ̄ wōn̄g tɔ̄l̄ de kə́ ɓodə ō, nii tɔ̄l̄ mbóo deē ō.

MATIYE 20:15

M-ásə rāā yá̰á̰ kə́ kemḿ gḛy kə yá̰a̰ yāḿ aĺ a? Aláa ə̄ndā madí gə̄ nii i tām̄ kem ndaa kə́ m̄-rāā tə́ a?

JEREMI 2:31

Sḭḭ̄ de kə́ kōnīí laā gə̄, ə̄ndāī ma̰y najə̄ yā Kɔ́ɔ̄ɓē. Mā m̄-tél dəla loo tām̄ yā Israel tə́ a? Aké ɓē yā loo kə́ ndɔ̄ɔ́ kə́ risə til nding a? I tām̄ rí tə́ á ngé kə́ dan gír deē yāḿ gə̄ tə́ ədan̄ na: Jḭḭ j-aw̄ loo nəkɔ́ ń jə-gḛy kaw̄ tū tə́ ní ō, Jḭḭ j-a jə-tél j-aw̄ rɔ̄í tə́ to̰ aĺ ō ní?

JEREMI 2:5

Kɔ́ɔ̄ɓē ɔr̄ najə̄ i tītə̄ ń toō beé əda na: I rí kə́ gōtə́ aĺ n kaasí gə̄ əngen̄ rɔ̄ḿ tə́, kadə̄ nin̄ ɔrə̄n̄neé rɔ̄də́ kɔ̄ɔ́ sa̰y rɔ̄ḿ tə́ ní? Nin̄ ngɔ̄də̄n̄ gō yá̰á̰ kə́ kanjə̄ kumən gə̄ tə́. Ń toō nin̄ télən̄ yá̰á̰ kə́ kanjə̄ kumən ō.

JONAS 4:4

Kɔ́ɔ̄ɓē tūr̄ əda Jonas na: Wōn̄g ń ī-rāā ní, najə̄ i yāí a?

TA KƏLA 4:7

Ré kemií ndi kə gōó majanī, ā ún kumií dɔɔ́. Ba ré kemií ndi majə alé anī, majaĺ a to ta róbí tə́. Ngur kəhɔī rāān, ba ásə dum̄ tan.

JONAS 4:9

Nə́ɓā dəje Jonas na ké wōn̄g ń ni-rāā tām̄ yā kāgə̄ tə́ ní ké i gōtə́ wa. Anī Jonas tél ədan na: A̰á̰ā̰, m̄-rāā wōn̄g i gōtə́ ō, m̄-ndə̄ngā yo i gōtə́ ō!