TA KƏLA 4:5 - Bibəl ta Sar̄

⁵ banī mbātə́ Kain kə yá̰a̰ ndējə̄ yān gēé. Tōr̄ Kain ngá̰ý adə̄ dɔ kumən nelə̄n alé.

Bible sar

⁵ banī mbātə́ Kain kə *yá̰a̰ ndējə̄ yān gēé. Tōr̄ Kain ngá̰ý adə̄ dɔ kumən nelə̄n alé.

TA KƏLA 4:5 Referans Kwoze

HEBƏRO 11:4

I kə ta kūl̄ taā kem n Abel ndējə̄ Nə́ɓā yá̰a̰ tun̄ kə́ majə tɔȳ yā Kain ní. I taā kem yān n rāā kadə̄ ni i de kə́ gōtə́ ní, tɔdɔ̄ Nə́ɓā ndigə yá̰a̰ gə̄ ń ni ndējə̄ ní. Tá i kə ta kūl̄ taā kem n ká ni-oy kɔ̄ɔ́ gə̄gē anī, ni-ɔr̄ najə̄ ɓáý ní.

Makətūbə̄ yā Job 5:2

Tɔdɔ̄ wōn̄g tɔ̄l̄ de kə́ ɓodə ō, nii tɔ̄l̄ mbóo deē ō.

KƏLA RĀĀ 13:45

Dan ń Jipə gə̄ a̰a̰n̄ kadə̄ de gə̄ ní i ngá̰ý anī, nii asədə́ nák adə̄ nin̄ a tɔ́sə̄n̄ i najə̄ yā Pol kə̄ ndágá ō, a tájə̄nən̄ i mbée ō.

PĀ GƏ̄ 20:3

Ādə̄ ni ń ndi kem loo yān kə́ táĺ tə́ ní əla kə yá̰á̰ rāań seí ō. Ādə̄ ni ń ndi Siyo̰ ní ɔsə kílí kə̄ dɔɔ́ ō!

MATIYE 20:15

M-ásə rāā yá̰á̰ kə́ kemḿ gḛy kə yá̰a̰ yāḿ aĺ a? Aláa ə̄ndā madí gə̄ nii i tām̄ kem ndaa kə́ m̄-rāā tə́ a?

TƏ́DA 16:15

Wōn̄g rāā Moijə ngá̰ý adə̄ ni-əda Kɔ́ɔ̄ɓē na: Kɔ́ɔ̄ɓē, ī-lōō ndigə yá̰a̰ ndējə̄ yādə́. m̄-taā yá̰á̰ kə́rēý jīdə́ tə́ alé, kərō gə̄gē m̄-taā alé. m̄-rāā yá̰á̰ kə́ majaĺ kə deē kógə̄ḿ dandə́ tə́ alé.

TA KƏLA 31:5

ba ədadə́ na: M-á̰a̰ dɔ kum bɔbə̄sí to tītə̄ kə́ kété seḿ alé, banī Nə́ɓā yā bɔbə́ḿ i seḿ.

TA KƏLA 31:2

Ni əndā ma̰ȳ dɔ kum Laban anī, a̰a̰ kadə̄ dɔ kumən to tītə̄ kə́ kété seneé alé.

Makətūbə̄ ń Jud ndang ní 1:11

Yá̰á̰ kə́ to kum kaȳ aĺ a əsō dɔdə́ tə́ tām̄ nin̄-unən̄ i róbə́ ń Kain un ní. Nin̄-ndúmə̄n̄ tām̄ yā nar tə́ tītə̄ yā Balam ō, udən̄ kɔ̄ɔ́ sɔɔ̄ń mbātə́ najə̄ yādə́ kə́ tītə̄ yā Kore ō.

1 SAMUEL 16:7

Banī Kɔ́ɔ̄ɓē əda Samuel na: Ī-lōō ka̰a̰ gidən kə́ ndágá kə́ majə ō, ka̰a̰ ngālən kə́ ngá̰ý ō. Tɔdɔ̄ m̄-gērān alé. Najə̄ ń toō i najə̄ ka̰a̰ yá̰á̰ ń kə́ deē ndul tə́ alé. De gə̄ a a̰a̰n̄ i gidə deē ndágá banī Kɔ́ɔ̄ɓē a a̰a̰ i kem deē.

Gōsə̄ najə̄ gə̄ 29:10

Ngé ɓōkə́ mósə de gə̄ nang tə́ gə̄ imə̄n̄ de kə́ najə̄ gətóo dɔn tə́, banī de kə́ súmūú gə̄ ndəlen̄ njan.

IJAI 3:9

Nin̄ a sāān̄ i ger̄ ta kum deē tá yā rāań majə seneé aĺ. Yá̰á̰ ń noō ń nin̄ rāān̄ ní, reē kə nājāá dɔdə́ tə́. Nin̄ mundə̄n̄ majaĺ yādə́ alé, tītə̄ ń de kə́ Sodom gə̄ rāanəń ní ō, ədan̄ najə̄ majaĺ yādə́ ta kum de gə̄ tə́ malang ō. Yá̰á̰ ń to gō jī aĺ ní, nin̄ əndān̄ i dɔ yá̰á̰ kə́ to kum kaȳ aĺ danaá tām̄ yādə́ nin̄ kɔ́ gə̄ tə́!

TA KƏLA 39:19

Dan ń kɔ́ɔ̄ Jəjep oō najə̄ kɔr̄ nə̄yá̰n ń əda na yá̰á̰ ń ɓəlo yān na rāā seneé ní n noó anī wōn̄g rāān ngá̰ý,

Gōsə̄ najə̄ gə̄ 19:3

Dan ń yá̰á̰ kə́ majaĺ rāā deē sɔɔ̄ń kur̄ dɔn kə́ gətóo ní anī, deē tél a rāā wōn̄g i kə Kɔ́ɔ̄ɓēé!

KOHELET 4:4

Mā m-á̰a̰ kadə̄ kəla malang ō, kəndā kə́ de gə̄ əndān̄ rɔ̄də́ ta kəla yādə́ tə́ rāān̄ adə̄ majə ō, i kəndā naā nii. I yá̰á̰ kə́ kanjə̄ kumən tītə̄ ngɔ̄də̄ gō nél yā kəhɔn beē.