TA KƏLA 4:4 - Bibəl ta Sar̄

⁴ Ba Abel ndējə̄ yān i ngán dā̰ gə̄ ń kṵ́ṵ́də́ ojədə́ ta kəga dɔ ní ō, yibə̄də́ ō. Kɔ́ɔ̄ɓē ndigə Abel ō, ndigə yá̰a̰ ndējə̄ yān ō,

Bible sar

⁴ Ba Abel ndējə̄ yān i ngán dā̰ gə̄ ń kṵ́ṵ́də́ ojədə́ ta kəga dɔ ní ō, yibə̄də́ ō. Kɔ́ɔ̄ɓē ndigə Abel ō, ndigə *yá̰a̰ ndējə̄ yān ō,

TA KƏLA 4:4 Referans Kwoze

HEBƏRO 11:4

I kə ta kūl̄ taā kem n Abel ndējə̄ Nə́ɓā yá̰a̰ tun̄ kə́ majə tɔȳ yā Kain ní. I taā kem yān n rāā kadə̄ ni i de kə́ gōtə́ ní, tɔdɔ̄ Nə́ɓā ndigə yá̰a̰ gə̄ ń ni ndējə̄ ní. Tá i kə ta kūl̄ taā kem n ká ni-oy kɔ̄ɔ́ gə̄gē anī, ni-ɔr̄ najə̄ ɓáý ní.

Gōsə̄ najə̄ gə̄ 3:9

Ī-kēgə̄ yá̰á̰ ń ə́ngé ní ī-ndējə̄ Kɔ́ɔ̄ɓē ō, ādə̄n kan̄ yá̰a̰ yāí kə́ ta kəga dɔ gə̄ ī-rɔȳnneé ō.

Teē Ngán Israel gə̄ 13:12

ā ādīin̄ hágə́sí gə̄ malang ō, hágə́ yá̰a̰ kul̄ yāsí gə̄ malang ō. Ngáń hágə́ kə́ dəngam gə̄ i yá̰a̰ yā Kɔ́ɔ̄ɓē.

TƏ́DA 18:17

Banī hágə man̄g ō, batə̄ ō, bə̄yā̰ ō ní, ā ādī deē ta róbə gān̄g dɔ alé. Nin̄ i dā̰ kə́ yā ɓōĺ gidə gə̄. Ā ī-bōkíī mósə́də́ dɔ loo tun̄ yá̰á̰ tə́ ō, ā ī-róōī yibə̄də́ horoó kadə̄ sēēn nel̄ Kɔ́ɔ̄ɓē ō.

HEBƏRO 9:22

Kə gō ndū najá ní, na̰y i sḛ́ý beē kadə̄ i mósə n rāā kadə̄ yá̰a̰ gə̄ malang unjə̄n̄ njáý njáý ní, ba ré mósə a̰ȳ nang tə́ aĺ anī, mā̰ȳ rɔ̄ a gətóo.

PĀ GƏ̄ 20:3

Ādə̄ ni ń ndi kem loo yān kə́ táĺ tə́ ní əla kə yá̰á̰ rāań seí ō. Ādə̄ ni ń ndi Siyo̰ ní ɔsə kílí kə̄ dɔɔ́ ō!

2 YÁ̰A̰ GƏ̄ 7:1

Dan ń Salomo̰ ndɔ̄ȳ Nə́ɓā oy anī yá̰a̰ tun̄ kə́ yā róō horoó ō, yá̰a̰ tun̄ kə́ tām̄ yā kem kógə̄ḿ tə́ ō ní, hor ḭḭ dɔ rā̰ tə́ əsō dɔ tə́ o̰o̰ malang ō, kɔsə gɔn yā Kɔ́ɔ̄ɓē taā loo malang kem kújə yā Kɔ́ɔ̄ɓē tə́ ō.

1 YÁ̰A̰ GƏ̄ 21:26

Ni-rāā loo tun̄ yá̰a̰ tām̄ yā Kɔ́ɔ̄ɓē tə́ loo ní tə́, ba ndējə̄n yá̰a̰ tun̄ kə́ róō horoó ō, yá̰a̰ tun̄ kə́ tām̄ yā kem kógə̄ḿ tə́ ō dɔ tə́. Gō tə́ anī ni ɓāŕ Kɔ́ɔ̄ɓē, anī Kɔ́ɔ̄ɓē ndigə ɓār̄ yān ba rāā adə̄ hor ḭḭ dɔ rā̰ tə́ reē o̰o̰ yá̰a̰ tun̄ gə̄ ń ton̄ dɔ loo tun̄ yá̰á̰ tə́ ní.

1 MBAN̄G GƏ̄ 18:38

Anī hor yā Kɔ́ɔ̄ɓē əsō dɔ yá̰a̰ tun̄ kə́ yā róō tə́ o̰o̰ ō, o̰o̰ń kīr̄ gə̄ ō, mbal̄ gə̄ ō, bumbə́ru ō, rāā adə̄ man̄ kə́ kem bəloó iī kɔ̄ɔ́ ō.

LEBI GƏ̄ 9:24

Hor teē rɔ̄ Kɔ́ɔ̄ɓē tə́ o̰o̰ dā̰ kə́ yā róō horoó kadə̄ Kɔ́ɔ̄ɓē ō, yibə̄ dā̰ gə̄ ō ń ton̄ dɔ loo tun̄ yá̰á̰ tə́ ní adə̄ ngán Israel gə̄ malang a̰a̰n̄. Nin̄-əgan̄ kɔŕ rɔ̄nel̄ ba ɔsən̄ nodə́ nang tə́ rɔȳnəń Kɔ́ɔ̄ɓē.

TA KƏLA 15:17

Dan ń mbang udə kɔ̄ɔ́ á loo risə til nding ní anī, yá̰á̰ kə́ to tītə̄ hor miī kə́ əɓa sa guy guy ō, ta ndo̰ hor kə́ unjə̄ bəlim bəlim ō, mānə̄n̄ mbo̰ō̰ dā̰ gə̄ ń njárə̄n̄də́ naā tə́ ní tə́.

JEJU TEĒ KUM JA̰A̰ 13:8

Ngōn̄ batə̄ ń əjan̄ míndən ní, de kə́ dɔ nang tə́ gə̄ malang ń kété ta kəla gír kəndā dɔ rā̰ ō dɔ nang ō tə́ ɓáa rīdə́ i kə́ ndang kem makətūbə̄ ndi kə kumuú yān tə́ aĺ ní, a rɔȳnən̄.

NGÉ SARYA 6:21

Nge kaw̄ kəla yā Kɔ́ɔ̄ɓē əla ta kāgə̄ kə́ jīn tə́ ɔdəń dā̰ ní ō, mápá ní ō, anī hor teē tū mbal̄ tə́ o̰o̰ dā̰ ō, mápa ō malang. Gō tə́ anī nge kəla ní hində̄ kɔ̄ɔ́.

TƏ́DA 18:12

M-ādī yibə̄ ō, kasə nduú ō, kōō ō, kə́ majə ngá̰ý gə̄ ń i yá̰á̰ kə́ ta kəga dɔ gə̄ ń ngán Israel gə̄ ndējə̄mə̄n̄ ní.

TƏ́DA 16:35

De kə́ ɓú jōó kə kutə mí gə̄ ń ra a ndējə̄n̄ kajaja ní, Kɔ́ɔ̄ɓē adə̄ hor kógə̄ḿ teē róōdə́ malang.

1 MBAN̄G GƏ̄ 18:24

Nin̄ a ɓārə́n̄ nə́ɓā yādə́ ō, mā m-ā m̄-ɓāŕ Kɔ́ɔ̄ɓē ō. Nə́ɓā ń a ndigə ɓār̄ ń ɓār̄nən̄ adə̄ a əla hor dɔ kīr̄ tə́ ní, i ni n i Nə́ɓā ní. De gə̄ malang ndigən̄ najə̄ ní, ədan̄ na i najə̄ kə́ majə.

TA KƏLA 4:3

Ugə̄ dan kə́rēý tə́ anī, Kain ndējə̄ Kɔ́ɔ̄ɓē kan̄ yá̰a̰ gə̄ ń teēn̄ dɔ nang tə́ ní.

TƏ́DA 16:15

Wōn̄g rāā Moijə ngá̰ý adə̄ ni-əda Kɔ́ɔ̄ɓē na: Kɔ́ɔ̄ɓē, ī-lōō ndigə yá̰a̰ ndējə̄ yādə́. m̄-taā yá̰á̰ kə́rēý jīdə́ tə́ alé, kərō gə̄gē m̄-taā alé. m̄-rāā yá̰á̰ kə́ majaĺ kə deē kógə̄ḿ dandə́ tə́ alé.

1 SAMUEL 15:22

Banī Samuel əda na: Dā̰ gə̄ kə́ róō horoó ō, yá̰á̰ kə́ tun̄ gə̄ ō ní, nel̄ Kɔ́ɔ̄ɓē tītə̄ ń koō tan nelə̄nneé ní a? Yḛtə alé. Koō ta Kɔ́ɔ̄ɓē majə tɔȳ yá̰á̰ kə́ tun̄ kadən̄ ō, sɔl̄ dɔ majə tɔȳ yibə̄ bal batə̄ gə̄ ō.

KOHELET 4:4

Mā m-á̰a̰ kadə̄ kəla malang ō, kəndā kə́ de gə̄ əndān̄ rɔ̄də́ ta kəla yādə́ tə́ rāān̄ adə̄ majə ō, i kəndā naā nii. I yá̰á̰ kə́ kanjə̄ kumən tītə̄ ngɔ̄də̄ gō nél yā kəhɔn beē.