TA KƏLA 39:9 - Bibəl ta Sar̄

⁹ Ni na i de kə́ bo tɔȳn kem kújə́ ń toō tə́ aĺ ō, na ɔgə̄n rāā yá̰á̰ kógə̄ḿ aĺ ō, ngá̰ý a na i ni kə́ nə̄yá̰n nəkɔ́ n na adə̄n aĺ noō ngóý tá. Ní, kə n-rāā yá̰á̰ kə́ to yḛr beé yā rāań majaĺ ta kum Nə́ɓā yān tə́ ké i ba̰ý wa.

Bible sar

⁹ Ni na i de kə́ bo tɔȳn kem kújə́ ń toō tə́ aĺ ō, na ɔgə̄n rāā yá̰á̰ kógə̄ḿ aĺ ō, ngá̰ý a na i ni kə́ nə̄yá̰n nəkɔ́ n na adə̄n aĺ noō ngóý tá. Ní, kə n-rāā yá̰á̰ kə́ to yḛr beé yā rāań majaĺ ta kum Nə́ɓā yān tə́ ké i ba̰ý wa.

TA KƏLA 39:9 Referans Kwoze

2 SAMUEL 12:13

Dabid tél əda Natan na: m̄-rāā majaĺ kə Kɔ́ɔ̄ɓēé. Tā anī Natan əda Dabid na: Ré i beé ɓá anī Kɔ́ɔ̄ɓē əndā njan dɔ majaĺ yāí tə́ adə̄ ā óy alé.

TA KƏLA 42:18

Kə ndɔ̄ kə́ nge ko̰ mətá anī Jəjep ədadə́ na n-ɓōĺ Nə́ɓā, adə̄ n-a n-əndā yá̰á̰ kógə̄ḿ dɔdə́ tə́ kadə̄ rāān̄. Ré rāān̄ anī a ndin̄ kə kumdə́.

TA KƏLA 20:6

Kem nī nəkɔ́ kə́ kógə̄ḿ beē ń noō tə́, Nə́ɓā tél əda Abimelek na: Mə̄kɔ́ m̄-ger̄ kadə̄ yá̰á̰ ń ī-rāā ní i kə kem kə́ unjə̄ njáý njáý ō, i mə̄kɔ́ n m-ə́hɔī gotoó m-ɔ̄gī rāā yá̰á̰ kə́ majaĺ seḿ ní ō. I tām̄ ń noō tə́ n m-ə́ya̰ī adə̄ ɔ́dəń rɔ̄n aĺ ní.

1 JA̰A̰ 3:9

Náā nəkɔ́ ń Nə́ɓā ojən ní, a rāā majaĺ alé. Tɔdɔ̄ kum kōō yā Nə́ɓā i kemən tə́, adə̄ ni-asə rāā majaĺ alé tām̄ i Nə́ɓā n ojən ní.

Najə̄ kə́ Majə yā Jeju ń Luk ndang ní 12:48

Banī nge ń ger̄ yá̰á̰ ń kɔ́ɔ̄n gḛy kadə̄ kə rāā ní alé, ba rāā yá̰a̰ gə̄ kə́ to kənge ndéý ní, a əndanən̄ i sḛ́ý beē ngóy. Deē ń adə̄nən̄ yá̰á̰ ngá̰ý ní, a dəjen̄ jīn tə́ ngá̰ý ō, deē ń ɓɔ̄ɔ̄nən̄ yá̰á̰ ngá̰ý ní, a dəjen̄ yá̰á̰ ní jīn tə́ kadə̄ yān tɔȳ yā madə̄n gə̄ ō.

PĀ GƏ̄ 51:4

Yá̰á̰ kə́ gōtə́ aĺ n m̄-rāā ní ī-tə́go kɔ̄ɔ́ malang. Ɔ̄r̄ majaĺ yāḿ kɔ̄ɔ́ ādə̄ m-ūnjə̄ njáý njáý.

1 KORḚNTƏ 4:2

Yá̰á̰ ń a sāān̄ rɔ̄ de kə́ əndānən̄ ta kəla tə́ ní, i kadə̄ ni-rāā kəla yān kə gōó majə ngóy.

JEREMI 50:7

De gə̄ malang ń əngen̄də́ ní rə́yā̰n̄də́ naā tə́. Madə̄ ba̰ā̰də́ gə̄ ədan̄ na: Najə̄ a əsō dɔjí tə́ alé, tɔdɔ̄ nin̄ rāān̄ majaĺ kə Kɔ́ɔ̄ɓēé. I Kɔ́ɔ̄ɓē n i nge rāā yá̰á̰ kə́ gōtə́ ō, i ni n i yá̰a̰ kəndā kem dɔ tə́ yā kaadə́ gə̄ ō ní.

JEREMI 28:16

I tām̄ ń toō tə́ n Kɔ́ɔ̄ɓē ɔr̄ najə̄ əda na: M-ā m̄-tə̄ɓāī kɔ̄ɔ́ dɔ nang tə́ ní. Ā óy kem ɓāl̄ ń toō tə́ tɔdɔ̄ ī-sə̄lā de gə̄ kə najə̄ kə́ taí tə́ kadə̄ mbātə́n̄ koō ta Kɔ́ɔ̄ɓē.

Makətūbə̄ yā Job 31:23

A̰ á̰, kété ní m̄-ɓōĺ ndéy jī Nə́ɓā ngá̰ý. Ni i kə bo adə̄ m̄-rā ta kumən tə́ anī, m-ásə rāā yá̰á̰ kógə̄ḿ alé.

2 SAMUEL 11:27

Dan ń ni-rāā ndoō ngaan oy anī, Dabid reē seneé rɔ̄n tə́. Ni-taān kə́ dəyá̰ tə́ adə̄ ojə ngōn̄ kə́ dəngam seneé. Banī yá̰á̰ ń Dabid rāā ní nel̄ Kɔ́ɔ̄ɓē alé.

TƏ́DA 32:23

Ba ré ī-rāāī tītə̄ ń noō aĺ anī ī-rāāī i yá̰á̰ kə́ majaĺ kə Kɔ́ɔ̄ɓē, ba majə kadə̄ ī-gerī majə na najə̄ a əsō dɔsí tə́.

LEBI GƏ̄ 6:2

kəda Aaro̰ nin̄ kə ngánən gēé najə̄ ń toō: Ndū najə̄ kə́ dɔ dā̰ kə́ yā tɔ̄l̄ ba róō horoó kadə̄ Kɔ́ɔ̄ɓē tə́ n toó: Dā̰ ní a to dɔ loo tun̄ yá̰á̰ tə́ ndɔ̄ɔ́ bátə́ kadə̄ loo tīī ō, a rāān̄ hor gírí kadə̄ hor a oy aĺ ō.

Gōsə̄ najə̄ gə̄ 6:32

De kə́ nge sāā nə̄yá̰ madə̄n i de kə́ kur̄ dɔn gətóo, ni-rāā adə̄ dəyá̰ ní tél i nge nujə seneé.

NEHEMI 5:15

Ngé ko̰o̰ ɓē kə́ kété noḿ tə́ gə̄ rāān̄ de gə̄ rakəta ngá̰ý: Nin̄ taān̄ sə́lē arjā̰a̰ kutə sɔ́ jīdə́ tə́ ō, ran̄ dɔ tə́ taān̄ yá̰a̰ kəsa yādə́ gə̄ ō, kasə nduú yādə́ gə̄ ō. Ngé kəla yādə́ gə̄ rāān̄ kum de gə̄ ndoō tə́ ō. Banī mā m̄-rāā tītə̄ ń noō nja kógə̄ḿ alé tɔdɔ̄ m̄-ɓōĺ ndíĺ Nə́ɓā.

JEJU TEĒ KUM JA̰A̰ 22:15

Banī bísə gə̄ ō, ngé rāā kəga gə̄ ō, ájə́ba gə̄ ō, ngé tɔ̄l̄ de gə̄ ō, ngé rāā ɓesə̄ gə̄ ō, de gə̄ malang ń nel̄də́ sor̄ ō, a sorə̄n̄ ō ní, nin̄ i ndágá.

HEBƏRO 13:4

Ādə̄ de gə̄ malang ɓōlə́n̄ gidə taā naā ō, kadə̄ majaĺ tákə̄ tə̄rá taā naā alé ō, tɔdɔ̄ Nə́ɓā a gān̄g sarya dɔ ngé gə̄ ń sāān̄ naā loo kaya tə́ ní ō, dɔ ngé rāȳ gə̄ tə́ ō.

Gōsə̄ najə̄ gə̄ 6:29

De kə́ nge sāā nə̄yá̰ madə̄n to i tītə̄ ń noō: Nge kɔdə rɔ̄ nə̄yá̰ madə̄n a teē kum tə́ karī alé.

NEHEMI 6:11

m̄-téĺ m-ə́dan na: De kə́ dəngam kə́ tītə̄ḿ mā ń toō a a̰ȳ a? Tá de kə́ tītə̄ḿ mā ń toō ré udə kem kújə yā Kɔ́ɔ̄ɓē tə́ anī a ndi kə kumneé a? M-aā m-údə kemeé alé.

LEBI GƏ̄ 20:10

Ré dəngam sāā nə̄yá̰ madə̄n anī, a tɔ̄l̄ə̄n̄də́ mbak nin̄ kə dəyá̰ sāān̄ naā ní.

TA KƏLA 41:40

Adə̄ na n-əndān dɔ ɓē yān tə́ kadə̄ gír deē yān gə̄ malang na a oōn̄ tan. Yá̰á̰ ń na n-tɔȳnəń ní na i kōr̄ kāgə̄ mbang yān ngóy,

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

TA KƏLA 24:2

Ndɔ̄ kógə̄ḿ tə́ anī, Abəraham əda nge ngɔ̄m̄ yá̰a̰ kənge yān gə̄ malang na: Əla jīí gír bingə̄ḿ tə́,

TA KƏLA 20:3

Ndɔ̄ɔ́ anī Nə́ɓā reē dɔ Abimelek tə́ kə nīí, ədan na: Ā óy najə̄ dəyá̰ ń ādə̄ əhɔ adīn̄ tə́ ní, tɔdɔ̄ ngaan i noó.

TA KƏLA 13:13

De kə́ Sodom gə̄ i de kə́ kemdə́ ndul ngá̰ý gə̄. Nin̄-rāān̄ yá̰á̰ kə́ majaĺ ngá̰ý gə̄ ta kum Kɔ́ɔ̄ɓē tə́.

TA KƏLA 20:9

Abimelek ɓāŕ Abəraham ədan na: I rí kə́ beé n ī-rāā sejí toō? I rí kə́ tōr̄ n m̄-rāā seí á ī-rāājí ādə̄ jə-rāā majaĺ kə́ bo beé, mā ō, de kə́ kem ɓē ko̰o̰ yāḿ tə́ gə̄ ō ní? Deē a rāā yá̰á̰ kə́ beé seḿ māá alé.

TA KƏLA 39:10

Kə dɔ ndɔ̄ gə̄ ń noō dəyá̰ ní a dəje Jəjep kadə̄ kə ɓīī seneé tā, ba Jəjep ənda mbīn dɔ tə́, mbātə́ sāān kɔ̄ɔ́.

Teē Ngán Israel gə̄ 20:14

Ā ī-sāāī naā loo kaya tə́ alé.

KOHELET 7:26

Mā m-á̰a̰ kadə̄ dəyá̰ adə̄ deē wur katə̄ tɔȳ yo dan ń ni-tél i gūmbə̄ ō, kemən tél i réng ō, jīn gə̄ télən̄ i kəlā do̰ō̰ deē ō ní. Deē ń nel̄ Nə́ɓā seneé ní a teē jī dəyá̰ ní tə́ yā ka̰ȳ, banī nge rāā majaĺ əsō kem jīn tə́.