TA KƏLA 39:3 - Bibəl ta Sar̄

³ Kɔ́ɔ̄n ger̄ kadə̄ Kɔ́ɔ̄ɓē i naā tə́ seneé. Ni a̰a̰ kadə̄ yá̰a̰ malang ń Jəjep rāā ní, Kɔ́ɔ̄ɓē rāā adə̄ majə.

Bible sar

³ Kɔ́ɔ̄n ger̄ kadə̄ Kɔ́ɔ̄ɓē i naā tə́ seneé. Ni a̰a̰ kadə̄ yá̰a̰ malang ń Jəjep rāā ní, Kɔ́ɔ̄ɓē rāā adə̄ majə.

TA KƏLA 39:3 Referans Kwoze

PĀ GƏ̄ 1:3

Ni to i tītə̄ kāgə̄ kə́ əhɔn̄ kadə man̄ tə́ beē, adə̄ a a̰a̰n̄ i kə dɔ nāaneé ō, mbīn ndəlē aĺ ō. Yá̰a̰ malang ń ni-rāā ní teē majə.

TA KƏLA 30:27

Laban tél ədan na: m̄-rāāī ɓɔ́, ōō najə̄ ń m-ā m-ə́daī toó: Tēē yāḿ gə̄ ɔjəmə̄n̄ kadə̄ Kɔ́ɔ̄ɓē rāā majə seḿ sɔɔ̄iń ḭ̄.

MATIYE 5:16

Ādī loo kə́ unjə̄ kow yāsí unjə̄ ta kum de gə̄ tə́ tītə̄ ń toō ō, kadə̄ ré nin̄-a̰a̰n̄ kəla rāāsí kə́ majə gə̄ anī, ɔsən̄ gɔn Bɔbə̄sí ń ndi dɔ rā̰ tə́ ní.

2 YÁ̰A̰ GƏ̄ 26:5

Ojias sāā Nə́ɓā kə dɔ ndɔ̄ gə̄ malang ń Jakari nge ndóōn ɓōĺ ndíĺ Nə́ɓā ndiń kə kumneé ní. Adə̄ Nə́ɓā rāā seneé tū yá̰a̰ gə̄ tə́ malang.

1 SAMUEL 18:14

Yá̰a̰ malang ń teē kə de gēé yā kaw̄ rāā ní rāān̄ majə ō, Kɔ́ɔ̄ɓē i naā tə́ seneé ō.

TA KƏLA 21:22

Dan ń noō tə́ ní, Abimelek nin̄ kə Pikol ngol áskar yān gə̄ reēn̄ rɔ̄ Abəraham tə́, ədanən̄ na: Nə́ɓā i seí dɔ yá̰a̰ malang ń ī-rāā tə́ ní.

TA KƏLA 26:28

Nin̄ tél ədanən̄ na: J-a̰a̰ kadə̄ Kɔ́ɔ̄ɓē i naā tə́ seí, adə̄ jə-gír̄ j-əda na majə kadə̄ madə̄ naā kə́ rāā kə kənī míndí to dɔ dáńjí tə́ seí.

JEJU TEĒ KUM JA̰A̰ 3:9

Á̰a̰ā̰, de gə̄ kə́ kem kújə ndi Sətan tə́ ní, m-ādī sedə́. Nin̄ i ngé gə̄ ń ədan̄ na nin̄ na i Jipə gə̄, banī nin̄ i Jipə gə̄ aĺ ní. Tɔdɔ̄ nin̄ i ngé sor̄ gə̄. Á̰a̰ā̰, m-ā m̄-rāā kadə̄ a reēn̄ yā kɔsə nodə́ nang tə́ njaí tə́ ō, a gerə̄n̄ kadə̄ mā m̄-táriī ō.

1 KORḚNTƏ 16:2

Kə dɔ ndɔ̄ dəmásə gə̄ malang ní, sḭḭ̄ kógə̄ḿ kógə̄ḿ malang, ā ɔ̄rī nar kadə̄ asə kə gō kənge ń ə́ngeī ní yā ngɔ̄m̄ ɓēé, yā kadə̄ ré m-ūgə̄ tá ī-kánī nar alé.

JAKARI 8:23

M-ə́da na kum mbang ngeé ń noō tə́ ní, tə̄rā gə̄ kutə, kə́ nin̄ kógə̄ḿ kógə̄ḿ ní ta yādə́ gə̄ i tayā tayā, a əhɔn̄ ta kūbə̄ yā Jipə kógə̄ḿ ba a ədanən̄ na: Jə-sāā kaw̄ sesí, tām̄ j-oō kadə̄ Nə́ɓā i sesí.

NEHEMI 2:20

m̄-téĺ m-ə́dádə́ na: I Nə́ɓā kə́ dɔ rā̰ tə́ nəkɔ́ n a rāā kadə̄ kəla yājí a majə ní. Jḭḭ ngé kəla yān gə̄ j-a j-ḭḭ dɔɔ́ yā rāā ɓē. Banī kə́ tām̄ yāsí sḭḭ̄ tə́ ní ta róbə kənge yá̰a̰ aké ta róbə ko̰o̰ ɓē ní sḭḭ̄ ā ə́ngeī kem ɓē kə́ Jerusalem tə́ aĺ ō, a əga kem deē dɔsí tə́ aĺ ō!

1 YÁ̰A̰ GƏ̄ 22:13

Ndū kə́ kun gə̄ ō, yá̰a̰ kāgə̄ ɓē gə̄ ō ń Kɔ́ɔ̄ɓē adə̄ Moijə tām̄ yā ngán Israel gə̄ tə́ ní, ré ī-ngɔ̄m̄də́ ō, ī-rāań yá̰a̰ ō anī, ā ī-teē deē. Ə́hɔ rɔ̄í tɔgə ō, ī-ra dəngam ō! Ī-sōl̄ yá̰á̰ kógə̄ḿ aĺ ō, ī-lōō ɓōĺ ō.

1 SAMUEL 18:28

Dan ń Saul a̰a̰ ō, ger̄ ō, kadə̄ Kɔ́ɔ̄ɓē i naā tə́ kə Dabid ō, kadə̄ ngōn̄ kemən kə́ dəyá̰ ń rīn na i Mikal ní tár Dabid ō anī,

TA KƏLA 39:23

Ngol ngé ngɔ̄m̄ dəngáy gə̄ ní əya̰ kəla yān jī Jəjep tə́ malang, əndā kumən gírí to̰ alé, tɔdɔ̄ Kɔ́ɔ̄ɓē i naā tə́ kə Jəjepé, adə̄ kəla rāān i kə́ majə malang.

TA KƏLA 30:30

Tɔdɔ̄ yá̰a̰ kul̄ yāí ń kété i ngá̰ý aĺ ní, m̄-reē m-ūgə̄ looí anī ojən̄ naā ngá̰ý. Kumən na Kɔ́ɔ̄ɓē əla gír rāā majə seí i ndɔ̄ ń m̄-reē m-údəń ndogó looí tə́ ní bátə́ ɓōólaā. Ní, kum mbang kə́ yā kadə̄ m̄-rāań kəla kə́ tām̄ yā deē yāḿ gə̄ tə́ asə aĺ ɓáý a?

TA KƏLA 26:24

Kɔ́ɔ̄ɓē ndɔ̄bə̄n ndɔ̄ɔ́ ədan na: Mā i Nə́ɓā yā bɔbí Abəraham. Ī-lōō ɓōĺ yá̰á̰ kógə̄ḿ, tɔdɔ̄ mā i naā tə́ seí, adə̄ m-ā m̄-rāā majə seí. M-ā m̄-rāā kadə̄ ngání gə̄gē, ngán kaaí gə̄gē, a bəlan̄ tām̄ táŕ ń m̄-tár nge kəla yāḿ Abəraham tə́ ní.

TA KƏLA 21:20

Nə́ɓā ngɔ̄m̄ ngōn̄ ní adə̄ tɔgə. Ni-ndi kem dəla loo kə́ Paran tə́, tél nge kur gərā kə́ jīn atə ngá̰ý. Kó̰o̰n taā dəyá̰ kógə̄ḿ kə́ Ejiptə tə́ adə̄n.

TA KƏLA 39:2

Kɔ́ɔ̄ɓē i naā tə́ kə Jəjepé adə̄ yá̰a̰ rāān gə̄ i kə́ majə malang. Ni-ndi i kem kújə yā kɔ́ɔ̄n tə́.

2 MBAN̄G 18:7

Kɔ́ɔ̄ɓē i naā tə́ seneé adə̄ yá̰a̰ malang ń əla gír rāā ní tɔ̄l̄ ta majə. Ni-mbātə́ kəla dɔn gíŕ tɔ́gə yā mban̄g kə́ Asiri tə́.

TA KƏLA 21:23

Adə̄ ə̄nī míndí kə rī Nə́ɓāá ādə̄m̄ kadə̄ ā ī-gólə̄m̄ mā aĺ ō, ngánə́ḿ gə̄ aĺ ō, ngán kaaḿ gə̄ aĺ ō. Tītə̄ ń m̄-rāań kem majə seí ní, ī-rāā kem majə seḿ ō, kə ɓē ń ī-ndi tū tə́ toō ō.

TA KƏLA 39:21

Kɔ́ɔ̄ɓē i naā tə́ seneé. Ni əndā kumən gōn tə́ adə̄ ngol ngé ngɔ̄m̄ dəngáy gə̄ rāā majə seneé,

NDŪ NAJƏ̄ 2:7

Tām̄ Kɔ́ɔ̄ɓē Nə́ɓā yāsí rāā majə sesí tū kəla rāāsí gə̄ tə́ malang dan ń ə́ndaī dəla loo kə́ bo ngá̰ý ń toō ī-gāngī ní ō, əndā kumən gōsí tə́ ō. Kɔ́ɔ̄ɓē njə̄rā sesí ɓāl̄ kutə sɔ́ ngɔlaā ō, ī-nalī yá̰á̰ kógə̄ḿ aĺ ō.

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

1 SAMUEL 3:19

Samuel tɔgə. Kɔ́ɔ̄ɓē i naā tə́ seneé ō, əya̰ najə̄ yān kógə̄ḿ adə̄ əsō nang tə́ aĺ ō.

1 YÁ̰A̰ GƏ̄ 9:20

Kété ní ngār yādə́ i Pinas kə́ ngōn̄ Eleajar ō, Kɔ́ɔ̄ɓē i naā tə́ seneé ō.

2 YÁ̰A̰ GƏ̄ 1:1

Salomo̰ ngōn̄ Dabid ndi ngan̄g dɔ kɔr kāgə̄ mbang yān tə́ Kɔ́ɔ̄ɓē Nə́ɓā yān i naā tə́ seneé ō, ɔsən kə̄ dɔɔ́ ngá̰ý ō.