TA KƏLA 39:2 - Bibəl ta Sar̄

² Kɔ́ɔ̄ɓē i naā tə́ kə Jəjepé adə̄ yá̰a̰ rāān gə̄ i kə́ majə malang. Ni-ndi i kem kújə yā kɔ́ɔ̄n tə́.

Bible sar

² Kɔ́ɔ̄ɓē i naā tə́ kə Jəjepé adə̄ yá̰a̰ rāān gə̄ i kə́ majə malang. Ni-ndi i kem kújə yā kɔ́ɔ̄n tə́.

TA KƏLA 39:2 Referans Kwoze

1 SAMUEL 18:14

Yá̰a̰ malang ń teē kə de gēé yā kaw̄ rāā ní rāān̄ majə ō, Kɔ́ɔ̄ɓē i naā tə́ seneé ō.

PĀ GƏ̄ 91:15

Ré ɓārə́m̄ anī m-ā m̄-ndigən, m-ā m̄-ndi seneé dan wur kɔl tə́. M-ā m̄-gān̄g dɔn ō, m-ā m-ɔ́sə gɔnən ō.

JEREMI 15:20

M-ā m̄-rāāī kadə̄ ḭ̄ i ndogə̄ mbal̄ kə́ ngan̄g ngá̰ý tām̄ yā gír de gə̄ ń toō tə́. I ndogə̄ kə́ rāā kə gində̄ nə̄ngá kasaá. A rɔ̄ɔ̄nī ba a tetənī rɔ̄ɔ̄ alé. Tɔdɔ̄ mā i naā tə́ seí yā taā dɔí ō, yā gān̄g dɔí ō. Najə̄ ń Kɔ́ɔ̄ɓē əda ní n noó.

TA KƏLA 26:28

Nin̄ tél ədanən̄ na: J-a̰a̰ kadə̄ Kɔ́ɔ̄ɓē i naā tə́ seí, adə̄ jə-gír̄ j-əda na majə kadə̄ madə̄ naā kə́ rāā kə kənī míndí to dɔ dáńjí tə́ seí.

TA KƏLA 21:22

Dan ń noō tə́ ní, Abimelek nin̄ kə Pikol ngol áskar yān gə̄ reēn̄ rɔ̄ Abəraham tə́, ədanən̄ na: Nə́ɓā i seí dɔ yá̰a̰ malang ń ī-rāā tə́ ní.

IJAI 43:2

Dan ń ā ī-teē man̄ kə́ ɗúú ngá̰ý anī, mā i naā tə́ seí. Dan ń ā ī-teē bā gə̄ anī, man̄ a əhɔī alé. Dan ń ā ī-njə̄rā kum hor tə́ anī, hor a o̰o̰ī alé, ta ndo̰ hor gə̄ a ɔdən̄ rɔ̄í alé.

TA KƏLA 26:24

Kɔ́ɔ̄ɓē ndɔ̄bə̄n ndɔ̄ɔ́ ədan na: Mā i Nə́ɓā yā bɔbí Abəraham. Ī-lōō ɓōĺ yá̰á̰ kógə̄ḿ, tɔdɔ̄ mā i naā tə́ seí, adə̄ m-ā m̄-rāā majə seí. M-ā m̄-rāā kadə̄ ngání gə̄gē, ngán kaaí gə̄gē, a bəlan̄ tām̄ táŕ ń m̄-tár nge kəla yāḿ Abəraham tə́ ní.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

PĀ GƏ̄ 1:3

Ni to i tītə̄ kāgə̄ kə́ əhɔn̄ kadə man̄ tə́ beē, adə̄ a a̰a̰n̄ i kə dɔ nāaneé ō, mbīn ndəlē aĺ ō. Yá̰a̰ malang ń ni-rāā ní teē majə.

TA KƏLA 28:15

Mā i naā tə́ seí. Loo malang ń ā āw̄ tū tə́ ní m-ā m̄-ngɔ̄mī ō, m-ā m̄-tél yā reē seí dɔ nang ń toō tə́ ō. M-ā m-ə́ya̰ī kɔ̄ɔ́ alé. M-ā m̄-rāā yá̰a̰ malang ń m-ə́daī ní.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

PĀ GƏ̄ 46:7

Nápar de gə̄ tṵ́ṵ̄n̄ rɔ̄ɔ̄, ɓē ko̰o̰ gə̄ tə́sōn̄ kɔ̄ɔ́. Banī Nə́ɓā rāā ndūn adə̄ ɓār̄, anī dɔ nang ndebə.

1 SAMUEL 16:18

Anī nge kəla kógə̄ḿ əda na: J-ədaī kə̄ laā aĺ ní m̄-ger̄ deē kógə̄ḿ noō, deē ní i ngōn̄ Jese kə́ Betlehem. Ni i gōsə̄ kə́ ugə kənde majə ngá̰ý. I de kə́ nge wur kil ō, go̰ rɔ̄ɔ̄ ō. Najə̄ kɔrə̄n to ngáā ō, i de kə́ majə deē ō, Kɔ́ɔ̄ɓē i naā tə́ seneé ō.

1 SAMUEL 3:19

Samuel tɔgə. Kɔ́ɔ̄ɓē i naā tə́ seneé ō, əya̰ najə̄ yān kógə̄ḿ adə̄ əsō nang tə́ aĺ ō.

1 SAMUEL 18:28

Dan ń Saul a̰a̰ ō, ger̄ ō, kadə̄ Kɔ́ɔ̄ɓē i naā tə́ kə Dabid ō, kadə̄ ngōn̄ kemən kə́ dəyá̰ ń rīn na i Mikal ní tár Dabid ō anī,

1 TIMOTE 6:1

Ādə̄ ɓəlo gə̄ malang rāān̄ kɔ́ɔ̄də́ gə̄ i de kə́ asən̄ kadə̄ de gə̄ rɔȳn̄də́ tə́, yā kadə̄ deē tájəń rī Nə́ɓā aĺ ō, deē ədań najə̄ kə́ majaĺ dɔ yá̰á̰ ndóō yājí tə́ aĺ ō.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

KƏLA RĀĀ 8:31

Anī dəngam ní tél ədan na: Ré deē ɔjəm̄ kum aĺ anī m-ā m̄-ger̄ i ba̰ý? Ba ni-mēr̄ Pilipə kal̄ ndi dɔɔ́ rɔ̄n tə́ kem púsú.

TA KƏLA 21:20

Nə́ɓā ngɔ̄m̄ ngōn̄ ní adə̄ tɔgə. Ni-ndi kem dəla loo kə́ Paran tə́, tél nge kur gərā kə́ jīn atə ngá̰ý. Kó̰o̰n taā dəyá̰ kógə̄ḿ kə́ Ejiptə tə́ adə̄n.

TA KƏLA 39:3

Kɔ́ɔ̄n ger̄ kadə̄ Kɔ́ɔ̄ɓē i naā tə́ seneé. Ni a̰a̰ kadə̄ yá̰a̰ malang ń Jəjep rāā ní, Kɔ́ɔ̄ɓē rāā adə̄ majə.

TA KƏLA 39:23

Ngol ngé ngɔ̄m̄ dəngáy gə̄ ní əya̰ kəla yān jī Jəjep tə́ malang, əndā kumən gírí to̰ alé, tɔdɔ̄ Kɔ́ɔ̄ɓē i naā tə́ kə Jəjepé, adə̄ kəla rāān i kə́ majə malang.

JOJUE 6:27

Kɔ́ɔ̄ɓē i naā tə́ kə Jojue, adə̄ rīn ɓār̄ ngá̰ý dɔ nang ní tə́ kə taá malang.

2 MBAN̄G 18:7

Kɔ́ɔ̄ɓē i naā tə́ seneé adə̄ yá̰a̰ malang ń əla gír rāā ní tɔ̄l̄ ta majə. Ni-mbātə́ kəla dɔn gíŕ tɔ́gə yā mban̄g kə́ Asiri tə́.

JOJUE 1:5

De kə́ asə ra ta kumií tə́ yā dumī a gətóó bátə́ kadə̄ óyń. Tɔdɔ̄ mā i naā tə́ seí tītə̄ ń mā i naā tə́ kə Moijə kété ní. M-ā m-ə́ya̰ī kɔ̄ɔ́ aĺ ō, m-ā m̄-lo dḭḭ̄ aĺ ō.

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

1 YÁ̰A̰ GƏ̄ 9:20

Kété ní ngār yādə́ i Pinas kə́ ngōn̄ Eleajar ō, Kɔ́ɔ̄ɓē i naā tə́ seneé ō.

2 YÁ̰A̰ GƏ̄ 1:1

Salomo̰ ngōn̄ Dabid ndi ngan̄g dɔ kɔr kāgə̄ mbang yān tə́ Kɔ́ɔ̄ɓē Nə́ɓā yān i naā tə́ seneé ō, ɔsən kə̄ dɔɔ́ ngá̰ý ō.