TA KƏLA 39:10 - Bibəl ta Sar̄

¹⁰ Kə dɔ ndɔ̄ gə̄ ń noō dəyá̰ ní a dəje Jəjep kadə̄ kə ɓīī seneé tā, ba Jəjep ənda mbīn dɔ tə́, mbātə́ sāān kɔ̄ɔ́.

Bible sar

¹⁰ Kə dɔ ndɔ̄ gə̄ ń noō dəyá̰ ní a dəje Jəjep kadə̄ kə ɓīī seneé tā, ba Jəjep ənda mbīn dɔ tə́, mbātə́ sāān kɔ̄ɔ́.

TA KƏLA 39:10 Referans Kwoze

TA KƏLA 39:8

Jəjep mbātə́, ədan na kɔ́ɔ̄n na ənī kemən adə̄n, na əndā kumən gíŕ yá̰á̰ kə́ kem kújú tə́ alé, na əya̰ yá̰a̰ yān malang na i gír jīn tə́.

1 PIYER 2:11

Kó tár gə̄, sḭḭ̄ ń i mbā gə̄ ō tə̄rā gə̄ ō dɔ ɓē kə́ rang tə́ ní, m̄-dəjesí kadə̄ ī-mbātíī yá̰a̰ gə̄ ń ngurdə́ asəsí nák ní.

2 TIMOTE 2:22

Ī-lōō gíŕ yá̰a̰ gə̄ ń ngurən a rāā balsáa gə̄ tə́ ní, ba ī-sāā yá̰a̰ rāā kə́ gōtə́ ō, yá̰á̰ ń i taā kem ō, tár ō, ndi lɔm ō ní, naā tə́ kə ngé gə̄ ń ɓārə́n̄ rī Kɔ́ɔ̄ɓē kə kem kə́ unjə̄ njáý njáý ní.

1 TESALONIK 5:22

Ɔ̄rī rɔ̄sí kɔ̄ɔ́ tū yá̰á̰ kə́ majaĺ gə̄ tə́ malang.

1 KORḚNTƏ 15:33

Ādī síndə̄sí alé: De kə́ háĺdə́ majaĺ gə̄ ń deē njə̄rā sedə́ ní a nujən̄ háĺ kə́ majə yā deē.

1 KORḚNTƏ 6:18

Yá̰á̰ ń i sāā naā loo kaya tə́ ní ā̰ȳniī kɔ̄ɔ́! Majaĺ kə́ rang gə̄ malang ń deē rāā ní, i gidə rɔ̄ deē tə́ ndágá. Banī deē ń sāā naā loo kaya tə́ ní, rāā majaĺ i kə dā̰ rɔ̄n nəkɔ́.

Gōsə̄ najə̄ gə̄ 23:27

A̰á̰ā̰, dəyá̰ ájə́ba i bəlo kə́ lú ngá̰ý ō, nə̄yá̰ yā deē i yá̰á̰ kə́ to yo tītə̄ bəlo man̄ kə́ ta dūú beē ō!

Gōsə̄ najə̄ gə̄ 22:14

Ta kaya dəyá̰ i bəlo kə́ lú ngá̰ý, deē ń wōn̄g rāā Kɔ́ɔ̄ɓē seneé ní a əsō kemeé.

Gōsə̄ najə̄ gə̄ 7:5

Nin̄ a ngɔ̄m̄nī ta kaya dəyá̰ tə́ ō, ta najə̄ kə́ to gól̄ loo gə̄ yā nə̄yá̰ deē tə́ ō.

Gōsə̄ najə̄ gə̄ 5:8

Ī-ra sa̰y kadə̄ dəyá̰ kə́ beē tə́ ō, ī-lōō kaw̄ ta róbə́ kújə yān tə́ ō.

Gōsə̄ najə̄ gə̄ 5:3

A̰á̰ā̰, najə̄ kɔr̄ dəyá̰ kə́ rāȳ nel̄ tītə̄ yibə̄ tejə beé ō, tan sɔl̄ lum tītə̄ yibə̄ beé ō.

Gōsə̄ najə̄ gə̄ 2:16

i beé n ā ī-teēń kɔ̄ɔ́ jī kaya dəyá̰ tə́ ní, jī nə̄yá̰ de kə́ najə̄ gól̄ loo kə́ tan tə́ nel̄ ngá̰ý tə́ ní.

Gōsə̄ najə̄ gə̄ 1:15

Anī ngōnə̄ḿ, ī-lōō kaw̄ sedə́, ī-tūr̄ ta njaí kɔ̄ɔ́ dɔ róbə́ ń nin̄ i tū tə́ ní tə́.

Gōsə̄ najə̄ gə̄ 9:16

De kə́ kum gān̄g aĺ i noó a? Ādə̄ reē laā! Ni-əda nge ń dɔ́nɔ́ ní na:

Gōsə̄ najə̄ gə̄ 9:14

Ni-ndi ta róbə́ kújə yān tə́ dɔ kāgə̄ ndi kógə̄ḿ tə́, dɔ loo kə́ kḭḭ kə̄ dɔɔ́ gə̄ kə́ kem ɓēé tə́,

Gōsə̄ najə̄ gə̄ 7:13

Ni-əhɔ balsáá ní kə̄ rɔ̄n tə́ ɓirə̄n dagə, ba ədan kanjə̄ ɓōĺ na:

1 TIMOTE 5:14

Adə̄ dəyá̰ kə́ ngaa koy kə́ na̰y mandə ɓáý gə̄ ní, m̄-gḛy kadə̄ táān̄ dəngam gə̄ ō, ojən̄ ngán gə̄ ō, əndān̄ kumdə́ gír de kə́ kem kújə yādə́ gə̄ tə́ majə ō. I beé tá nin̄ a adə̄n̄neé ngé rɔ̄ɔ̄ sejí gə̄ ta róbə kəda najə̄ kə́ majaĺ dɔjí tə́ alé.

TA KƏLA 39:9

Ni na i de kə́ bo tɔȳn kem kújə́ ń toō tə́ aĺ ō, na ɔgə̄n rāā yá̰á̰ kógə̄ḿ aĺ ō, ngá̰ý a na i ni kə́ nə̄yá̰n nəkɔ́ n na adə̄n aĺ noō ngóý tá. Ní, kə n-rāā yá̰á̰ kə́ to yḛr beé yā rāań majaĺ ta kum Nə́ɓā yān tə́ ké i ba̰ý wa.

TA KƏLA 39:11

Ndɔ̄ kógə̄ḿ tə́ Jəjep udə kújú yā rāā kəla yān, ba ngé rāā kəla kə́ kem kújú gə̄ tá gətóon̄.

Gōsə̄ najə̄ gə̄ 23:28

Ni um̄ loo tītə̄ nge gān̄g róbə beé ō, rāā adə̄ háĺ kə́ sew aĺ ojə naā ngá̰ý dan de gə̄ tə́ ō.