TA KƏLA 34:1 - Bibəl ta Sar̄

¹ Ndɔ̄ kógə̄ḿ tə́ Dina, ngōn̄ kə́ dəyá̰ ń Lea ojə kə Jakobó ní, teē aw̄ ka̰a̰ ngáń kə́ dəyá̰ kə́ kem ɓēé gə̄ tə́.

Bible sar

¹ Ndɔ̄ kógə̄ḿ tə́ Dina, ngōn̄ kə́ dəyá̰ ń Lea ojə kə Jakobó ní, teē aw̄ ka̰a̰ ngáń kə́ dəyá̰ kə́ kem ɓēé gə̄ tə́.

TA KƏLA 34:1 Referans Kwoze

TA KƏLA 30:21

Gō tə́ anī ojə ngōn̄ kə́ dəyá̰ kógə̄ḿ, əndā rīn na i Dina.

JEREMI 2:36

Tītə̄ ń ḭ̄kɔ́ ī-rāā ādə̄ de gə̄ kídīnī sɔɔ̄ ń dɔ hál koō naā loo mundə̄ tə́ yāí gə̄ ní, rɔ̄í a sɔlī ngá̰ý Ejiptə tə́ ō, Asiri tə́ ō.

1 TIMOTE 5:13

Tá ɓáý to̰ ní, dan ń yá̰á̰ kə́ yā kadə̄ nin̄-rāān̄ gətóó ní, kəla rāādə́ i njə̄rā kaw̄ kə̄ ta de gə̄ tə́, kə̄ kem kújə gə̄ tə́. Ba kə́ majaĺ tɔȳ nge ń noō ní, nin̄ i ngé najə̄ wa gə̄ ō, ngé ger̄ kəhɔ tadə́ dɔ najə̄ tə́ aĺ gə̄ ō, ngé kɔr̄ najə̄ kə́ ndetədə́ aĺ gə̄ ō.

TA KƏLA 46:15

Ngán gə̄ ń Lea ojə kə Jakobó dɔ nang kə́ Mesopotami tə́ ní n noó, nin̄ kə ngáńdə́ gēé. Ngōn̄də́ kə́ dəyá̰ ń rīn na i Dina ní i sedə́ ō. Ngán Lea gə̄ naā tə́ kə ngáńdə́ gēé malang ní nin̄ i deē kutə mətá gidə i mətá.

TA KƏLA 30:13

anī Lea əda na rɔ̄n na nelə̄n tɔdɔ̄ ngáń kə́ dəyá̰ gə̄ ədan̄ na ni na i nge rɔ̄nel̄. Adə̄ əndā rī ngōn̄ ní na i Aser.

TA KƏLA 28:6

Esau oō kadə̄ Isaak na tɔ́r̄ tan dɔ Jakob tə́ ba əlan Mesopotami taā dəyá̰. Ba loo ń na tɔ́r̄ tan dɔn tə́ oy anī ədan na kə lōō taā dəyá̰ dan ngáń kə́ dəyá̰ kə́ Kanaan gə̄ tə́.

TA KƏLA 27:46

Rebeka əda Isaak na: Nelə̄m̄ kə rɔ̄ḿ to̰ alé sɔɔ̄ń dəyá̰ Het gə̄ ń Esau taā ní. Ré Jakob taā dəyá̰ dɔ nang ń toō tə́ ɓáý to̰ anī, ndiḿ kə kumḿ to̰ aĺ i só tə́.

TA KƏLA 26:34

Esau rāā ɓāl̄ kutə sɔ́ anī taā Judit ngōn̄ Beri ń i Het ní ō, Basmat ngōn̄ Elon ń i Het ní ō.

TITƏ 2:5

loo rāā yá̰a̰ kadə̄ mān̄ dɔ loon aĺ ō, kadə̄ nin̄ i de kə́ unjə̄ njáý njáý gə̄ ō, loo kəndā rɔ̄də́ ta kəla kə́ kem kújə yādə́ tə́ ō, kadə̄ nin̄ i de kə́ majə gə̄ ō, oōn̄ ta ngaadə́ gə̄ ō. Loo ń noō tə́ de gə̄ a əngen̄ ta róbə́ ndájə̄ najə̄ dɔ najə̄ yā Nə́ɓā tə́ alé.

TA KƏLA 33:20

Jakob rāā loo tun̄ yá̰a̰ loo ngeé ń noō tə́ ba əndā rīn na i Nə́ɓā i Nə́ɓā yā Israel.