TA KƏLA 32:7 - Bibəl ta Sar̄

⁷ Ngé kaw̄ kəla gə̄ tél reē ədan̄ Jakob na: J-aw̄ j-ənge ngōkó̰ó̰í Esau, nəkɔ́ ɔy de gə̄ ɓú sɔ́ a tə́nīn taí.

Bible sar

⁷ Ngé kaw̄ kəla gə̄ tél reē ədan̄ Jakob na: J-aw̄ j-ənge ngōkó̰ó̰í Esau, nəkɔ́ ɔy de gə̄ ɓú sɔ́ a tə́nīn taí.

TA KƏLA 32:7 Referans Kwoze

TA KƏLA 35:3

J-a j-awī Betel yā kadə̄ m-ā m̄-rāā loo tun̄ yá̰a̰ noó tām̄ yā Nə́ɓā ń ndɔ̄bə̄m̄ ɔr̄ najə̄ seḿ ndɔ̄ wur kɔl yāḿ tə́ ní ō, i naā tə́ seḿ dan ń mā m̄-njə̄rań mbā tə́ ní ō.

2 TIMOTE 3:12

Tá de gə̄ malang ń ndigən̄ rāā yá̰a̰ kə gō ń Nə́ɓā ndigə ní, kə gō ɓoo naā yādə́ kə Kərist Jeju ní, a rāān̄də́ ndoō tə́ ō.

2 KORḚNTƏ 1:4

Ni-sɔl̄ kemjí dan wur kɔl gə̄ tə́ malang, i yā kadə̄ j-asiīneé sɔl̄ kem ngé gə̄ ń ndin̄ dan yá̰á̰ kə́ tōr̄ gə̄ tə́ ní ō. Ba j-a jə-sɔlī kemdə́ i kə kem sɔl̄ ń jḭḭ̄ kɔ́ gə̄ j-ə́ngeī jī Nə́ɓā tə́ ní.

KƏLA RĀĀ 14:22

Nin̄-mbūsə̄n̄ ngé taā kem gə̄ kə najá ō, əlan̄ go̰ kemdə́ tə́ kadə̄ ran̄ ngan̄g dɔ taā kem yādə́ tə́ ō. Nin̄-ədan̄də́ na: I gáŕ kadə̄ wur kɔl əsō dɔjí tə́ pá tá j-a j-udiī kem Ɓē ko̰o̰ yā Nə́ɓā tə́ ɓáý.

JA̰A̰ 16:33

M-ə́dásí yá̰a̰ gə̄ ń toō i yā kadə̄ loo ɓoosí naā seḿ tə́ ní, sḭḭ̄ i kə kem sɔl̄ lɔmɔɔ́. Wur kɔl əsō dɔsí tə́ dɔ nang tə́ laā ba əhɔī rɔ̄sí tɔgə, tɔdɔ̄ m̄-tetə de kə́ dɔ nang tə́ gə̄ rɔ̄ɔ̄ kɔ̄ɔ́.

MATIYE 10:16

Á̰a̰ī, m-ə́lásí i mbée tītə̄ batə̄ gə̄ kə̄ dan soó gə̄ tə́. I tām̄ ń toō tə́ ní ādī kumsí edə̄ tītə̄ yā lī gə̄ ō, ādī kemsí ndaa táĺ tītə̄ yā dér gə̄ ō.

MATIYE 8:26

Jeju ədadə́ na: Sḭḭ̄ ngé taā kem mámák aĺ gə̄, ī-ɓōlíī i tām̄ rí tə́? Tā anī ḭḭ dɔɔ́ ndán̄g nél ō, bā bo ō, anī loo tél to kúkúkú.

IJAI 28:26

I Nə́ɓā yān n ndóōn loo rāā yá̰a̰ tītə̄ ń noō ō, ɔjən yá̰a̰ adə̄ ger̄ ní ō.

Gōsə̄ najə̄ gə̄ 2:11

kəndā ma̰ȳ yá̰a̰ a ngɔ̄mī ta yá̰á̰ kə́ majaĺ tə́ ō, ger̄ yá̰a̰ a a̰a̰ gōí majə ō.

PĀ GƏ̄ 142:4

Dan ń tɔ́gə́ḿ ur̄ wak kɔ̄ɔ́ ní, loo ń m-ā m-āw̄ kə̄ tū tə́ ní ḭ̄ ī-ger̄. Əyān̄ gūmbə̄ dɔ róbə́ ń m-úń tə́ ní.

PĀ GƏ̄ 107:6

Nin̄ nōōn̄ kə̄ dɔ Kɔ́ɔ̄ɓē tə́ dan ń wur kɔl əsōń dɔdə́ ní tə́, anī ni-ɔr̄də́ kɔ̄ɔ́ kem sōl̄ yādə́ gə̄ tə́.

PĀ GƏ̄ 61:2

Ɓɔ́ Nə́ɓā, ōō nōō yāḿ, ī-nēl̄ mbīí ōoń ndɔ̄ȳ yāḿ.

PĀ GƏ̄ 31:13

Dɔdə́ ndígə̄nal dɔḿ tə́, tītə̄ de kə́ koy ń deē gír̄ dɔn tə́ to̰ aĺ ní. m̄-to i tītə̄ gájə́ jóó kə́ deē rāań kəla to̰ alé.

Teē Ngán Israel gə̄ 14:10

Dan ń ngán Israel gə̄ a̰a̰n̄ kadə̄ de kə́ Ejiptə gə̄ a ngɔ̄də̄n̄ gōdə́ ō, kadə̄ Parao̰ a ugə̄ ngɔr ō anī, ɓōĺ rāādə́ ngá̰ý adə̄ tə́gān̄ kɔŕ ɓāŕnəń Kɔ́ɔ̄ɓē.

TA KƏLA 32:11

m̄-dūú ngá̰ý kadə yá̰á̰ kə́ majə gə̄ ō, ra dɔ ndū tə́ ō ń ī-rāā seḿ mā nge kəla yāí ní tə́. Tɔdɔ̄ kété m̄-teē bā Jurdḛ i kə kāgə̄ jī yāḿ ngóy, ba ɓōólaā m-ə̄ndā gír ɓūtə̄ de gə̄ jōó.

PĀ GƏ̄ 112:5

Deē rāā i yá̰á̰ kə́ majə loo ń kumən o̰o̰n tām̄ yā deē madə̄n tə́ ō, adə̄n yá̰a̰ loo tə̄nā tə́ ō ní. Ni a rāā yá̰a̰ yān i kə gō róbə́ kə́ súmūú bátə́ ta tɔ̄l̄ ta tə́.

TA KƏLA 32:3

Dan ń Jakob a̰a̰də́ anī əda na loo ń toō i gérger yā Nə́ɓā, adə̄ ni əndā rī loo ní na i Mahanaim.

TA KƏLA 32:8

Ɓōĺ rāā Jakob ngá̰ý adə̄ kə̄ngā sāā gāngə̄n. Ni kēgə̄ de gə̄ ń seneé ní gír jōó. Kēgə̄ batə̄ gə̄ ō, bə̄yā̰ gə̄ ō, man̄g gə̄ ō, jámbal gə̄ ō,

TA KƏLA 33:1

Jakob un kumən kə̄ dɔɔ́ anī, a̰a̰ Esau a reē kə de gēé ɓú sɔ́. Ni kēgə̄ ngán gə̄ adə̄ Lea ō, Rasel ō, ngé kəla kə́ dəyá̰ kə́ jōó gə̄ ō.