TA KƏLA 32:2 - Bibəl ta Sar̄

² Jakob un ta njə̄rā yān anī, ngé kəla yā Nə́ɓā gə̄ əngenən̄.

Bible sar

² Jakob un ta njə̄rā yān anī, ngé kəla yā Nə́ɓā gə̄ əngenən̄.

TA KƏLA 32:2 Referans Kwoze

2 SAMUEL 2:8

Abner kə́ ngōn̄ Ner ń i ngol ngé rɔ̄ɔ̄ gə̄ yā Saul ní un Isəboset kə́ ngōn̄ Saul, aw̄ seneé Mahanaim.

JOJUE 21:38

Ɓē gə̄ kə́ dɔ nang yā Gad tə́ ń adə̄n̄də́ ní i Ramot kə́ dɔ nang kə́ Galaad tə́ ń i ɓē ɓɔ̄ɔ̄ rɔ̄ ní ō, Mahanaim ō,

JOJUE 5:14

Deē ní tél ədan na: Mā i de kə́ dām̄ yāsí tə́ aĺ ō, kə́ dām̄ yā madə̄ ba̰ā̰sí gə̄ tə́ aĺ ō. Mā i ngol kósə́ ngé rɔ̄ɔ̄ gə̄ yā Kɔ́ɔ̄ɓē ba m-ūgə̄ i ngɔr ɓáý. Tā anī Jojue əsō sébə kumən nang tə́ rɔȳnneé ba ədan na: Mā i nge kəla yāí, i rí n kə m̄-rāā?

Najə̄ kə́ Majə yā Jeju ń Luk ndang ní 2:13

Kə̄ ta jī tə́ noō kósə de kə́ dɔ rā̰ tə́ kə́ ngá̰ý gə̄ reē ɓoon̄ rɔ̄də́ tū yā de kə́ dɔ rā̰ ní tə́, ba unən̄ pā tɔ̄ȳn̄neé Nə́ɓā, ədan̄ na:

PĀ GƏ̄ 148:2

Sḭḭ̄ ń ī-ndiī loo kə́ dɔɔ́ gə̄ tə́ ní ī-tɔ̄ȳniī. Deē yān gə̄ kə́ dɔ rā̰ tə́ malang ī-tɔ̄ȳniī. Ɓūtə̄ yān gə̄ malang ī-tɔ̄ȳniī.

PĀ GƏ̄ 34:7

Nge rɔ̄ tō ndoō kógə̄ḿ ɓār̄ yá̰a̰ anī Kɔ́ɔ̄ɓē oō ō, ɔrə̄n kɔ̄ɔ́ dan wur kɔl yān gə̄ tə́ malang ō.

1 MBAN̄G GƏ̄ 2:8

Ba á̰a̰ā̰, Simei ngōn̄ Gera kə́ Bahurim ń i de kə́ gír kaa yā Benjamḛ tə́ ní, ni i ngɔr rɔ̄í tə́. Ndɔ̄ ń m-ā̰yń ta kaw̄ kə̄ Mahanaim ní, ni ndɔ̄lə́m̄ kə najə̄ kə́ tōr̄ ngá̰ý gēé. Banī ni-reē kɔjə noḿ tə́ bā Jurdḛ tə́, adə̄ m-ə̄nī míndə́ḿ kə rī Kɔ́ɔ̄ɓēé m-ādə̄n, m-ə́da na m-ā m̄-tɔ̄lən alé.

2 SAMUEL 17:24

Dan ń Absalom nin̄ kə ɓūtə̄ ngé rɔ̄ɔ̄ gə̄ malang kə́ Israel tə́ a teēn̄ bā Jurdḛ anī, Dabid ugə̄ Mahanaim kɔ̄ɔ́.

DANIEL 10:20

Ni-tél un najə̄ ɔr̄ ɓáý, əda na: Ī-ger̄ kum reē ń m̄-reē rɔ̄í tə́ ní a? Ngɔlaā m-ā m̄-tél yā kaw̄ gogə́ yā rɔ̄ɔ̄ mban̄g kə́ Persə ɓáý. M-ā m̄-teē ba mban̄g kə́ Gərek a reē.

PĀ GƏ̄ 103:21

Sḭḭ̄ kósə ngé kəla yā Kɔ́ɔ̄ɓē ń ā ī-rāāī yá̰a̰ malang ń kemən gḛy ní, ī-ɓōkə́niī tɔ̄ȳ.

2 MBAN̄G 6:17

Gō tə́ anī Elije ndɔ̄ȳ Nə́ɓā, əda na: Ɓɔ́, Kɔ́ɔ̄ɓē, ī-teē kumən ādə̄ a̰a̰ loo! Kɔ́ɔ̄ɓē teē kum nge kəla yā Elije. Anī ni-a̰a̰ sə́nda gə̄ ō, púsə hor gə̄ ō, gīrə̄n̄ gidə Elije, taān̄ loo dɔ mbalá malang.

1 MBAN̄G GƏ̄ 4:14

Ahinadab kə́ ngōn̄ Ido i nge ko̰o̰ ɓē kə́ gō nang kə́ Mahanaim tə́.

2 SAMUEL 2:12

Abner kə́ ngōn̄ Ner nin̄ kə ngé rɔ̄ɔ̄ gə̄ yā Isəboset kə́ ngōn̄ Saul teēn̄ Mahanaim ba aw̄n̄ kumdə́ kə̄ Gabaon.

1 YÁ̰A̰ GƏ̄ 12:22

Nin̄ malang i go̰ rɔ̄ɔ̄ gə̄, adə̄ nin̄ rāān̄ kə ngé rɔ̄ɔ̄ gə̄ yā Dabid. Nin̄ télən̄ ngol ngé rɔ̄ɔ̄ gə̄.

PĀ GƏ̄ 24:10

Mban̄g kə́ bo ní i náā? I Kɔ́ɔ̄ɓē kə́ ɓoo kə́ tɔ́gən i ngá̰ý ní, i ni n i mban̄g kə́ bo ní.