TA KƏLA 32:12 - Bibəl ta Sar̄

¹² m̄-rāāī ɓɔ́, ī-taām̄ jī ngōkó̰ó̰ḿ Esau tə́. Tɔdɔ̄ m̄-ɓōĺ kadə̄ reē tɔ̄lə̄m̄ mā ō, dəyá̰ gə̄ ō, ngán gə̄ ō.

Bible sar

¹² m̄-rāāī ɓɔ́, ī-taām̄ jī ngōkó̰ó̰ḿ Esau tə́. Tɔdɔ̄ m̄-ɓōĺ kadə̄ reē tɔ̄lə̄m̄ mā ō, dəyá̰ gə̄ ō, ngán gə̄ ō.

TA KƏLA 32:12 Referans Kwoze

HEBƏRO 6:17

I tām̄ ń toō tə́ n Nə́ɓā ndigə kadə̄ ngé gə̄ ń a əngen̄ yá̰á̰ kə gō kənī míndən ní, gerə̄n̄ kum unjə̄ ngá̰ý, kadə̄ n-ā n-tūr̄ ndūn alé. I tām̄ najə̄ ń noō tə́ n ni-túbə̄ utə̄ń gō míndən kə́ ənī ní.

TITƏ 1:2

Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.

2 TIMOTE 2:13

Ré jḭḭ̄ jə-raī dɔ ndūjí tə́ aĺ anī, ni a ra dɔ ndūn tə́, tɔdɔ̄ ni-asə rāā yá̰á̰ kə́ rang kum gotə yá̰á̰ ń tan əda ní alé.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

1 SAMUEL 15:29

Kɔ́ɔ̄ɓē ń i tɔ́gə yā ngán Israel gə̄ ní, a sor̄ aĺ ō, a tūr̄ ndūn aĺ ō, tɔdɔ̄ ni i deē á a tūr̄ ndūn alé.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

Teē Ngán Israel gə̄ 32:13

Kadə̄ kə əga kemən dɔ ngé kəla yān gə̄ tə́: Abəraham ō, Isaak ō, Jakob ō, ń nəkɔ́ túbə̄ kə rɔ̄neé ənīń ndūn adə̄də́ əda na ngán kaadə́ gə̄ na a rosən̄ loo tītə̄ tə́yō̰ gə̄ kə́ dɔ rā̰ tə́ ō, ədadə́ na dɔ nang ń na ɔr̄ najə̄n sedə́ ní na a adə̄ ngán kaadə́ gə̄ kadə̄ tél yá̰a̰ yādə́ kə́ kə́ njɔ́ḿ gə̄ tə́ gə̄ tə́ ní ō.

TA KƏLA 32:6

na n-ənge man̄g kə́ bəra gə̄ ō, kərō gə̄ ō, batə̄ gə̄ ō, bə̄yā̰ gə̄ ō, ngé rāā kəla kə́ dəngam gə̄ ō, kə́ dəyá̰ gə̄ ō, adə̄ na n-əla n-əda kɔ́ɔ̄n kété kadə̄ kɔ́ɔ̄n kə əhɔn kə̄ rɔ̄n tə́ majə.

HEBƏRO 11:12

I beé n de kə́ kal kógə̄ḿ beē kə́ njan i kə̄ ta bāá yo tə́ ngɔr, ojəń gír kaa kə́ kutədə́ i ngá̰ý tītə̄ tə́yō̰ kə́ dɔ rā̰ tə́ gə̄, kə nán̄g ngárə̄ḿnjēý kə́ ta bā bo tə́ gə̄ kə́ deē asə tə́dá kutən alé ní.

1 MBAN̄G GƏ̄ 4:20

De kə́ Juda tə́ gə̄ ō, kə́ Israel tə́ gə̄ ō, i ngá̰ý tītə̄ nán̄g ngárə̄ḿnjēý kə́ ta bā tə́ beē. Nin̄-əsan̄ ō, a̰ȳn̄ ō, rāān̄ rɔ̄nel̄ ō.