TA KƏLA 3:8 - Bibəl ta Sar̄

⁸ Dəngam nin̄ kə dəyá̰ oōn̄ kōō Kɔ́ɔ̄ɓē Nə́ɓā a njə̄rā kem ndɔrɔ́ loo sɔlí anī, a̰ȳ aw̄ ɓɔ̄ɔ̄n̄ rɔ̄də́ kɔ̄ɔ́ dan kāgə̄ gə̄ kə́ kem ndɔrɔ́ tə́.

Bible sar

⁸ Dəngam nin̄ kə dəyá̰ oōn̄ kōō Kɔ́ɔ̄ɓē Nə́ɓā a njə̄rā kem ndɔrɔ́ loo sɔlí anī, a̰ȳ aw̄ ɓɔ̄ɔ̄n̄ rɔ̄də́ kɔ̄ɔ́ dan kāgə̄ gə̄ kə́ kem ndɔrɔ́ tə́.

TA KƏLA 3:8 Referans Kwoze

JEREMI 23:24

Deē a ɓɔ̄ɔ̄ rɔ̄n kɔgə̄ loo yān tə́ kanjə̄ kadə̄ mā m-á̰a̰n a? Najə̄ ń Kɔ́ɔ̄ɓē əda ní n noó. I mā n m̄-ndi m̄-taā kem loo kə́ dɔ rā̰ tə́ ō, kə́ dɔ nang tə́ ō ní aĺ a? Najə̄ ń Kɔ́ɔ̄ɓē əda ní n noó.

Gōsə̄ najə̄ gə̄ 15:3

Kum Kɔ́ɔ̄ɓē a̰a̰ loo i kə̄ loo gə̄ tə́ malang, ni-əndā ma̰ȳ de kə́ majə gə̄ ō, ngé kem ndul gə̄ ō.

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

Makətūbə̄ ń Pol ndang adə̄ Rom gə̄ ní 2:15

Nin̄-ɔjən̄ kadə̄ kəla ń ndū najə̄ əndā dɔ de gə̄ tə́ ní, i yá̰á̰ kə́ ndangən̄ kemdə́ nin̄ tə́ kɔ̄ɔ́ ɓá. Yá̰á̰ ń kemdə́ ɔjədə́ yā rāā á rāān̄ ní ɔjə kadə̄ i tītə̄ ń noō, tá gír̄ yādə́ gə̄ i tītə̄ ń noō ɓáý to̰. Tɔdɔ̄ gír̄ yādə́ gə̄ ɔjən̄də́ kadə̄ yá̰á̰ kə́ beé gə̄ ń rāān̄ toó i kə́ majə ō, kə́ beé gə̄ i kə́ majaĺ ō.

TA KƏLA 3:10

Dəngam tél əda na: M-ōō kōí kem ndɔrɔ́ ɓáa ɓōĺ rāām̄ tɔdɔ̄ gírə́ḿ i karī á m̄-ɓɔ̄ɔ̄ rɔ̄ḿ ní.

JONAS 1:3

Jonas ḭḭ dɔɔ́ əsō róbó, banī i yā ka̰ȳ kaw̄ Tarsis sa̰y kɔ̄ɔ́ rɔ̄ Kɔ́ɔ̄ɓē tə́. Ni ugə̄ Japa. Anī ənge to bo kógə̄ḿ kə́ a aw̄ kə̄ Tarsis. Ni əgā too ní ba al̄ kemeé, yā kaw̄ Tarsis naā tə́ kə ngé rāā kəla kem too bo ní tə́ gə̄, sa̰y kɔ̄ɔ́ ta kum Kɔ́ɔ̄ɓē tə́.

Makətūbə̄ yā Job 31:33

m̄-ɓɔ̄ɔ̄ dɔ majaĺ yāḿ gə̄ tītə̄ ń Adam rāań kété ní a? m̄-mundə̄ dɔ yá̰a̰ kə́ gōtə́ aĺ kemḿ tə́ a?

Makətūbə̄ yā Job 38:1

Kɔ́ɔ̄ɓē ɔr̄ najə̄ kə Jobó kum nél balway tə́ əda na:

NDŪ NAJƏ̄ 23:14

Ā ī-ngɔ̄m̄ kāgə̄ kə́ ta katə dām̄ kógə̄ḿ dan yá̰a̰ yāí gə̄ tə́, kadə̄ ré āw̄ ta wa tə́ gidə gérger tə́ ndágá anī, ī-ndērəń bəlo. Ré édə kem bəlo ní tə́ oy anī, ī-tə́la ta.

NDŪ NAJƏ̄ 5:25

Ba i tām̄ rí tə́ á kə hor kə́ bo ń toō o̰o̰jí kadə̄ j-oy kɔ̄ɔ́ ní? Ré jə-to i dan koō ndū Kɔ́ɔ̄ɓē Nə́ɓā yājí tə́ kə mbījí tītə̄ ń noō kə́ njɔ́ḿ gə̄ tə́ anī, j-a j-oy kɔ̄ɔ́.

NDŪ NAJƏ̄ 4:33

I gír de kə́ rá gə̄ n nə́ɓā kógə̄ḿ ɔr̄ najə̄ sedə́ kum hor tə́ adə̄ oōn̄ ndūn ba ndin̄ kə kumdə́ tītə̄ yāsí dan ń Nə́ɓā yāsí ɔrə̄ń najə̄ sesí ní?

Makətūbə̄ yā Job 22:14

Kil̄ man̄ gə̄ na utə̄n̄ ta kumən kɔ̄ɔ́, adə̄ na asə ka̰a̰ loo alé. Ni na njə̄rā a gīr̄ na i gidə dɔ rā̰ ngóy.

JEJU TEĒ KUM JA̰A̰ 6:15

Mban̄g kə́ dɔ nang tə́ gə̄ ō, de kə́ bo gə̄ kə ngol áskar gə̄ ō, de kə́ ngé kənge yá̰a̰ gə̄ kə de kə́ ngan̄g gə̄ ō, ɓəlo gə̄ kə de kə́ kɔ́ɔ̄ rɔ̄də́ gə̄ malang ō, ɓɔ̄ɔ̄n̄ rɔ̄də́ bəlo mbal̄ gə̄ tə́ ō, mbo̰ō̰ mbal̄ gə̄ tə́ ō.

TA KƏLA 18:33

Dan ń Kɔ́ɔ̄ɓē ɔr̄ najə̄ kə Abəraham oy anī, ɔtə aw̄. Ba Abəraham tá tél aw̄ gogə́ ɓēé.

LEBI GƏ̄ 26:12

M-ā m̄-njə̄rā dɔ dáńsí tə́, mā i Nə́ɓā yāsí ō, sḭḭ̄ i gír deē yāḿ gə̄ ō.

OJEE 10:8

A nujən̄ loo ndɔ̄ȳ gə̄ kɔ̄ɔ́, tɔdɔ̄ Israel mān̄ i dɔ ndū Nə́ɓā n rāańdə́ ní. Túpə kōn̄ gə̄ kə túpə ngar̄ gə̄ a alə̄n̄ dɔ loo tun̄ yá̰a̰ yādə́ gə̄ tə́. De kə́ Samari gə̄ a ədan̄ mbal̄ bo gə̄ na: Ī-ɓɔ̄ɔ̄ījí kɔ̄ɔ́! Nin̄ a ədan̄ ngán mbal̄ gə̄ na: Ī-tə́sōī dɔjí tə́!