TA KƏLA 3:6 - Bibəl ta Sar̄

⁶ Dəyá̰ a̰a̰ kadə̄ kan̄ kāgə̄ ní majə kəsa ngá̰ý ō, majə ka̰a̰ ngá̰ý ō, ngur kəsan kadə̄ gerə̄ń yá̰á̰ ngá̰ý rāān ō. Anī ni-əja kan̄ kāgə̄ ní kógə̄ḿ əsa ō, adə̄ ngaan ń ra kadən tə́ ní adə̄ əsa ō.

Bible sar

⁶ Dəyá̰ a̰a̰ kadə̄ kan̄ kāgə̄ ní majə kəsa ngá̰ý ō, majə ka̰a̰ ngá̰ý ō, ngur kəsan kadə̄ gerə̄ń yá̰á̰ ngá̰ý rāān ō. Anī ni-əja kan̄ kāgə̄ ní kógə̄ḿ əsa ō, adə̄ ngaan ń ra kadən tə́ ní adə̄ əsa ō.

TA KƏLA 3:6 Referans Kwoze

1 JA̰A̰ 2:16

Tɔdɔ̄ yá̰á̰ kə́ dɔ nang tə́ laā gə̄ malang, adə̄ i ngur yá̰a̰ ō, ndə̄ngā yá̰a̰ ō, kɔjə rɔ̄ kə́ tām̄ yá̰a̰ kənge tə́ ō ní, ḭḭn̄ i rɔ̄ Bɔbə̄ Ngōn̄ tə́ alé, ba i dɔ nang tə́ laā.

1 TIMOTE 2:14

Tá i Adam n lī gólən ní alé, ba i dəyá̰ n lī gólən á mān̄ dɔ ndū najə̄ ní.

2 SAMUEL 11:2

Ndɔ̄ kógə̄ḿ tə́ loo sɔlí dan ń Dabid ɔr̄ koō oy anī, ḭḭ dɔ tə̄rá yān tə́ ba aw̄ njə̄rā dɔ kújə́ dúŕ dur yā mban̄g tə́. Ni-ra dɔ kújə́ ní tə́, anī a̰a̰ dəyá̰ kógə̄ḿ loo ndogə̄ man̄ tə́. Dəyá̰ ní mandə ngá̰ý.

JOJUE 7:21

M-á̰a̰ kūbə̄-jī kə́ Sinear kə́ majə ngá̰ý dan yá̰a̰ gə̄ kə́ kəhɔ ta rɔ̄ɔ̄ tə́ ō, m-á̰a̰ gində̄ arjā̰a̰ kə́ kɔȳn i kəlōo jōó ō, m-á̰a̰ lɔ́ŕ kə́ kɔȳn i ngán kəlōo ɓú mí ō, əsōn̄ kumḿ adə̄ m-ɔ́ýdə́. m̄-dubə̄də́ i gíŕ nángāá kem kújə tandā yāḿ tə́ dan looó, m̄-ɓōkə́ gində̄ arjā̰a̰ i gírí pá tá gotə yá̰a̰ gə̄ ń nuū i dɔ tə́.

OJEE 6:7

Ba sḭḭ̄, kem ɓē kə́ Adam tə́ ní, ī-ɓōlíī gidə madə̄ naā yāḿ alé, sḭḭ̄ ī-raī dɔ ndūsí tə́ seḿ alé.

TA KƏLA 6:2

ngáń Nə́ɓā gə̄ a̰a̰n̄ ngáń kə́ dəyá̰ yā de gə̄ ní mandən̄ ngá̰ý ta kumdə́ tə́, adə̄ táān̄ ngé gə̄ ń nin̄ gə̄rān̄də́ ní kə́ dəyá̰ gə̄ tə́.

EJEKIEL 24:25

Gō tə́ anī Kɔ́ɔ̄ɓē ədam̄ na: Ḭ̄ ngōn̄ deē, ōō! Loo kə́ táĺ ń i loo ɓɔ̄ɔ̄ rɔ̄ yādə́ ō, i loo kə́ nel̄də́ ka̰a̰ ngá̰ý ō, i loo ń nin̄ a ɔjənə̄ń rɔ̄də́ ō, a əndān̄ kemdə́ dɔ tə́ ō ní, m-ā m̄-taā jīdə́ tə́ kɔ̄ɔ́. Ngáńdə́ kə́ dəngam gə̄ ō kə́ dəyá̰ gə̄ ō ní, m-ā m̄-taādə́ jīdə́ tə́ kɔ̄ɔ́ ō.

EJEKIEL 24:16

Ḭ̄ ngōn̄ deē, dəyá̰ ń ka̰a̰n nelī ngá̰ý ní, m-ā m̄-taān̄ jīí tə́ kɔ̄ɔ́ i taā kə́ rétə́ ngá̰ý. Ā ī-rāā yon aĺ ō, ā ī-sɔ̄ḿ aĺ ō, ā ī-nōō aĺ ō.

MATIYE 5:28

Ba mā m-ə́dásí na deē ń a̰a̰ dəyá̰ ba ngurən rāān anī, sāān loo kaya tə́ kemən tə́ kɔ̄ɔ́ ɓá.

EJEKIEL 24:21

ngán Israel gə̄ ní n toó: Mā Kɔ́ɔ̄ɓē Nə́ɓā m-ā m-ə́ya̰ de gə̄ kadə̄ rāān̄ loo yāḿ kə́ táĺ ń i yá̰a̰ kɔjə rɔ̄ yāsí ō, nel̄sí ka̰a̰ ngá̰ý ō, ā ī-ndiī ā ə̄ndāī kemsí i dɔ tə́ ō ní, loo kə́ karī tə́. Ngáńsí kə́ dəngam gə̄ ō kə́ dəyá̰ gə̄ ō ń ə́ya̰īdə́ kem ɓē kə́ Jerusalem tə́ ní, a tɔ̄lə̄n̄də́ kə kaskaraá.

TA KƏLA 39:7

Gō yá̰a̰ gə̄ ń toō tə́ nə̄yá̰ Potipar əndā kumən rɔ̄ Jəjep tə́, adə̄ ədan na kə to seneé.

TA KƏLA 3:17

Ta tɔ̄l̄ ta anī ni-əda dəngam na: Ḭ̄ ōō ta nə̄yá̰í adə̄ ə́sa kan̄ kāgə̄ ń m-ɔ̄gī kəsa ní ɓá ní, dɔ nang i kə́ ndɔ̄ĺ najə̄ yāí tə́. Ā á̰á̰ tápə̄ kə dɔ ndɔ̄ gə̄ ń ā ī-ndiń kə kumuú ní tá ā ə́ngeń yá̰a̰ kəsa yāí tū tə́.

TA KƏLA 3:12

Dəngam tél ədan na: I dəyá̰ ń ādə̄m̄ seneé ní n adə̄m̄ kan̄ kāgə̄ ní adə̄ m-ə́sá ní.

Makətūbə̄ yā Job 31:1

J-oō naā jḭḭ kə kumḿ, kadə̄ m-ə̄ndā kumḿ dɔ ngōmandə kə́ ger̄ dəngam aĺ tə́.

NGÉ SARYA 14:17

Kem ndɔ̄ kə́ sīrí gə̄ ń i ndɔ̄ yá̰a̰ kūjə́ taā naā ní, dəyá̰ ní a nōō i mbée kə̄ dɔ Samso̰ tə́ kə dɔ ndɔ̄ gə̄. Kɔr rāā Samso̰ adə̄ ədan kum səngó ní kə ndɔ̄ kə́ nge ko̰ sīrí, tɔdɔ̄ dəyá̰ ní ra seneé katə katə ngá̰ý. Ɓáa dəyá̰ ní tél kə kum səngó ní aw̄ ɔjə Pilistin gə̄ ń i deē yān gə̄ ní.

1 MBAN̄G GƏ̄ 13:19

Deē yā Nə́ɓā ní tél aw̄ seneé ɓēé aw̄ əsa mápa ō, a̰ȳ man̄ ō.