TA KƏLA 3:5 - Bibəl ta Sar̄

⁵ Tām̄ Nə́ɓā ger̄ kadə̄ ndɔ̄ ń ā ə́saī tə́ anī, kumsí a teē kadə̄ ā ī-toī tītə̄ Nə́ɓā ō, ā ī-gerī yá̰á̰ kə́ majə ō, yá̰á̰ kə́ majaĺ ō.

Bible sar

⁵ Tām̄ Nə́ɓā ger̄ kadə̄ ndɔ̄ ń ā ə́saī tə́ anī, kumsí a teē kadə̄ ā ī-toī tītə̄ Nə́ɓā ō, ā ī-gerī yá̰á̰ kə́ majə ō, yá̰á̰ kə́ majaĺ ō.

TA KƏLA 3:5 Referans Kwoze

EJEKIEL 28:2

Ḭ̄ ngōn̄ deē, ə́da ngār kə́ Tir najə̄ ń toō ń mā Kɔ́ɔ̄ɓē Nə́ɓā m-ə́dá ní: Ḭ̄ ɔ̄r̄ najə̄ kə kɔjə rɔ̄ kə́ ngá̰ý kemií tə́ ə́da na ḭ̄ na i nə́ɓā kógə̄ḿ. m̄-ndi dɔ kōr̄ kāgə̄ mbang tə́ i tītə̄ nə́ɓā kógə̄ḿ dan bā bo tə́. Ḭ̄ ɔ́jəń na ásiī naā kə nə́ɓā kógə̄ḿ. Tá ḭ̄ i deē karī, ḭ̄ i nə́ɓā kógə̄ḿ alé.

2 TESALONIK 2:4

Ni ń i nge mbātə́ Nə́ɓā ō, i nge kɔsə rɔ̄n kə̄ dɔɔ́ dɔ yá̰a̰ malang ń a ɓārə́n̄ na i nə́ɓā á de gə̄ a rɔȳn̄ ō ní, ni-aw̄ bátə́ ndi kem kújə yā Nə́ɓā tə́, ba əda kə̄ ndágá na ni na i Nə́ɓā.

TA KƏLA 2:17

ba ī-lōō kəsa kan̄ kāgə̄ kə́ ré deē əsa anī a ger̄ yá̰á̰ kə́ majə ō, yá̰á̰ kə́ majaĺ ō, tɔdɔ̄ ndɔ̄ ń ā ə́sá tə́ ní, ā óy.

2 KORḚNTƏ 11:3

Banī m̄-ɓōĺ najə̄ kadə̄ gír̄ yāsí nujə adə̄ ə́ya̰ī Kərist kɔ̄ɔ́, tītə̄ ń lī góləń Ebə kə ngam yānneé ní.

2 KORḚNTƏ 4:4

Nin̄-taān̄ kem aĺ, i tɔdɔ̄ nə́ɓā kə́ dɔ nang tə́ laā utə̄ kumdə́ kɔ̄ɔ́. Adə̄ nin̄-asən̄ ger̄ kum Najə̄ kə́ Majə alé. I beé n nin̄-asənə̄ń ka̰a̰ kɔsə gɔn yā Kərist ń ɔsə kum gotə Nə́ɓā nəkɔ́ ní alé ní.

KƏLA RĀĀ 26:18

M-ə́laī i kadə̄ āw̄ i teē kumdə́, kadə̄ āw̄ ī-teē sedə́ kɔ̄ɔ́ kum til tə́ ba ī-reē sedə́ kum loo kə́ unjə̄ kow tə́, i kadə̄ āw̄ ī-teē sedə́ kɔ̄ɔ́ gíŕ tɔ́gə yā Sətan tə́ ba ī-reē sedə́ rɔ̄ Nə́ɓā tə́, yā kadə̄ taān̄ kemḿ anī əngen̄neé mā̰ȳ rɔ̄ dɔ majaĺ yādə́ gə̄ tə́ ō, kadə̄ əngen̄neé loo dan de gə̄ yā Nə́ɓā tə́ ō.

MATIYE 6:23

Ba ré mo̰y kógə̄ḿ rāā kumií anī, rɔ̄í malang i kum til tə́. Adə̄ ré loo kə́ unjə̄ kow kə́ kemií tə́ i til anī, til ń noō i kə́ to kəda aĺ bátə́.

TA KƏLA 3:22

Gō tə́ anī ni-əda na: De gə̄ tél ton̄ tītə̄ Nə́ɓā tɔdɔ̄ gerə̄n̄ kɔr̄ nin̄ yá̰á̰ kə́ majə ō, yá̰á̰ kə́ majaĺ ō, naā tə́ ní, majə kadə̄ m-ɔ̄gə̄də́ kəla jīdə́ kəjań kan̄ kāgə̄ kə́ deē əsa anī a ndi kə kumuú, na sōgə́ əsan̄ anī ndin̄ kə kumdə́ ngándáńg.

TA KƏLA 3:10

Dəngam tél əda na: M-ōō kōí kem ndɔrɔ́ ɓáa ɓōĺ rāām̄ tɔdɔ̄ gírə́ḿ i karī á m̄-ɓɔ̄ɔ̄ rɔ̄ḿ ní.

TA KƏLA 3:7

Nin̄ jōó mbak kumdə́ teē adə̄ gerə̄n̄ kadə̄ gíŕdə́ i karī, ɓáa anī urə̄n̄ mbī kótə̄ do̰ō̰n̄ gíŕdə́ tə́.

JEJU TEĒ KUM JA̰A̰ 13:14

Ni-rāā adə̄ de kə́ dɔ nang tə́ gə̄ ndúmə̄n̄ sɔɔ̄ń yá̰á̰ kə́ yáā gə̄ ń ni-rāā ta kum dā̰ kə́ kété tə́ ní. Ni-əda de gə̄ na kə rāān̄ ndíĺ yá̰á̰ kógə̄ḿ kə́ ɔsə kum gotə dā̰ ń ənge do kaskar ba tél ndi kə kumneé gogə́ ní.

JEJU TEĒ KUM JA̰A̰ 13:4

Nin̄-rɔȳn̄ dā̰ kə́ to ɓōĺ ní, tɔdɔ̄ ni-adə̄ dā̰ kə́ to tītə̄ kagə ní tɔ́gə, adə̄ de gə̄ rɔȳn̄ dā̰ kə́ to tītə̄ kagə ní ədan̄ na: I náā n to tītə̄ dā̰ ní ō, i náā n asə rɔ̄ɔ̄ seneé ō ní?

DANIEL 4:30

Yá̰á̰ ní rāā mban̄g Nabukodonosor kə̄ ta jī tə́ noō: Tə̄ɓānən̄ kɔ̄ɔ́ dan de gə̄ tə́ ni a ə́sa i mu tītə̄ yā man̄g gə̄ ō, tal kə́ dɔ rā̰ tə́ əhɔ dɔ dā̰ rɔ̄n tə́ ō. Nənga dɔn ngāl̄ asə kə bel̄ kə̄rōó ō, hēl̄ jīn gə̄ kə hēl̄ njan gə̄ ngālə̄n̄ tītə̄ yā yel̄ gə̄ ō.

IJAI 14:14

M-ā m-āw̄ yā ndi ta ngóy kil̄ man̄ gə̄ tə́ dɔɔ́, m-ā m̄-to tītə̄ Nə́ɓā kə́ dɔɔ́ sa̰y ngá̰ý.

1 MBAN̄G GƏ̄ 22:6

Anī mban̄g kə́ Israel tə́ ɔsə dɔ ngé koō ta gə̄ ɓú sɔ́ naā tə́, ba dəjedə́ na ké kə n-aw̄ kə n-rɔ̄ɔ̄ Aram gə̄ dɔ ɓē kə́ Ramot kə́ Galaad tə́, aké kə n-lōō gírí wa. Anī ngé koō ta gə̄ ní tél ədanən̄ na kə aw̄ Kɔ́ɔ̄ɓē na a əla ɓē ní kem jīn tə́.

Teē Ngán Israel gə̄ 20:7

Ā ī-ɓāŕ rīḿ kanjə̄ kumən alé, tɔdɔ̄ deē ń a ɓāŕ rīḿ kanjə̄ kumən ní, mā Kɔ́ɔ̄ɓē Nə́ɓā yāí m-ā m-ə́ya̰n karī alé.

Teē Ngán Israel gə̄ 5:2

Parao̰ tél ədadə́ na ké Kɔ́ɔ̄ɓē i náā á kadə̄ n-oō tan ba kə n-əya̰ń ngán Israel gə̄ kadə̄ aw̄n̄ wa. Na n-ger̄ Kɔ́ɔ̄ɓē aĺ ō, n-ndigə kəya̰ ngán Israel gə̄ kadə̄ aw̄n̄ aĺ ō.

DANIEL 6:7

Tā anī de kə́ bo kə́ jōó gə̄ ō, ngé kɔsə kum gotə mban̄g dɔ ɓē tə́ gə̄ ō, aw̄ ədan̄ mban̄g na: Mban̄g Darius, ādə̄ dɔí ngan̄g májə́ májə́!

EJEKIEL 28:9

Dan ń ā ī-ra no ngé tɔ̄līí gə̄ tə́ ní, ā ə́da na ḭ̄ na i nə́ɓā kógə̄ḿ ɓáý a? Dan ń ḭ̄ i kem jī ngé tɔ̄līí gə̄ tə́ ní, yá̰á̰ kógə̄ḿ kə́ ɔjə kadə̄ ḭ̄ i nə́ɓā ní gətóo.

EJEKIEL 13:22

De gə̄ ń kété nin̄ i ngé rāā yá̰á̰ kə́ gōtə́ gə̄ ní, sḭḭ̄ ɔ̄rī tɔ́gə́də́ kɔ̄ɔ́ kə ta kūl̄ najə̄ kə́ sor̄ yāsí gēé, banī mā m̄-gḛy rāādə́ yá̰á̰ kə́ majaĺ alé. Sḭḭ̄ ə́laī go̰ kem de kə́ majaĺ gə̄ tə́ adə̄ nin̄ nan̄neé kə̄ loo rāā háĺ kə́ majaĺ yādə́ tə́ kadə̄ oynə̄ń.

PĀ GƏ̄ 12:4

Ādə̄ Kɔ́ɔ̄ɓē rāā adə̄ ngé ta nel̄ gə̄ ba kemdə́ i yá̰á̰ kə́ rang gə̄ ō, ngé gán̄g rɔ̄də́ gə̄ ō ń noō gətóon̄ kɔ̄ɔ́.

2 YÁ̰A̰ GƏ̄ 32:15

Beé ní ī-lōōī kəya̰ Ejekias kadə̄ sor̄sí ō, gól̄sí ō tītə̄ ń noō, ī-lōōī taā kemən! Tɔdɔ̄ nə́ɓā kógə̄ḿ yā nápar de gə̄ kógə̄ḿ, aláa yā ɓē ko̰o̰ kógə̄ḿ kə́ asə taā gír deē yān gə̄ jīḿ tə́ aké jī kaaḿ gə̄ tə́ gətóo. Adə̄ nə́ɓā yāsí gə̄ a ajən̄sí aĺ ō.

EJEKIEL 29:3

Najə̄ ń mā Kɔ́ɔ̄ɓē Nə́ɓā m-ə́dan ní n toó: Ḭ̄ Parao̰, mban̄g kə́ Ejiptə, m-ā m̄-rāā yá̰á̰ kə́ tōr̄ seí, ī-to tītə̄ mar kə́ bo kə́ to kum bā Nil tə́. Ə́da na bā na i yāí, na i ḭ̄ n na ī-rāā bā ní.

EJEKIEL 28:12

Ḭ̄ ngōn̄ deē, ún pā yo kógə̄ḿ dɔ mban̄g kə́ Tir tə́. Ā ə́dan na: Najə̄ ń Kɔ́ɔ̄ɓē Nə́ɓā ɔr̄ ní n toó: Kété ní ḭ̄ i yá̰á̰ ndájə̄ kə́ majə ɔtə̄ kə taá, kum kedə̄ yāí i ngá̰ý ō, ī-majə deē ngá̰ý ō.

TA KƏLA 2:9

Kɔ́ɔ̄ɓē Nə́ɓā rāā adə̄ kāgə̄ kə́ tayā tayā gə̄, kə́ majə ka̰a̰ ngá̰ý gə̄ ō, kan̄də́ majə kəsa ngá̰ý gə̄ ō, əɓan̄ dɔ nang tə́. Ni-rāā adə̄ kāgə̄ kógə̄ḿ əɓa kem ndɔrɔ́ danaá bang, i kāgə̄ kə́ ré deē əsa kanə̄n anī a ndi kə kumuú. Ni-əndā kāgə̄ kə́ rang, i kāgə̄ kə́ ré deē əsa kanə̄n anī a ger̄ yá̰á̰ kə́ majə ō, yá̰á̰ kə́ majaĺ ō.

NGÉ SARYA 3:2

Ni-sāā i kadə̄ ngán Israel kə́ gō gogə́ gə̄ ń rɔ̄ɔ̄n̄ kété aĺ ɓáý ní ndóōnəń loo rɔ̄ɔ̄.