Biblia Todo Logo
Bib sou entènèt

- Piblisite -




TA KƏLA 3:18 - Bibəl ta Sar̄

18 Kōn̄ gə̄ kə ngar̄ gə̄ a əɓan̄ tū tə́ najə̄ yāí tə́. Ā ə́sa mu kə́ bembeé.

Gade chapit la Kopi

Bible sar

18 Kōn̄ gə̄ kə ngar̄ gə̄ a əɓan̄ tū tə́ najə̄ yāí tə́. Ā ə́sa mu kə́ bembeé.

Gade chapit la Kopi




TA KƏLA 3:18
20 Referans Kwoze  

Ngé kə́rēý gə̄ tə́sōn̄ i dan kōn̄ gə̄ tə́, adə̄ kōn̄ gə̄ ní tɔgə taān̄ dɔdə́ kɔ̄ɔ́.


Ndɔ̄ ngeé ń noō tə́ ɓáý to̰ ní, ndɔr̄ kāgə̄ nduú kə́ kāgə̄ nduú gə̄ i dūbūú kemeé, kə́ gatən i sə́lē gində̄ arjā̰a̰ dūbú ní, a əya̰n̄ kɔ̄ɔ́ yā kadə̄ túpə kōn̄ gə̄.


Ba ni ɓáa, kōō ń sāā ní, ādə̄ nge ɓō əsa! Ādə̄ nge ɓō aw̄ bátə́ gō tə́ dan kōn̄ gə̄ tə́ ō, ādə̄ ngé sāā yá̰a̰ pak pak gə̄ əsan̄ yá̰a̰ kənge yān gə̄ kɔ̄ɔ́ malang ō!


Banī ré i túpə kōn̄ gə̄ kə ngar̄ gə̄ n əɓan̄ tū tə́ anī, i dɔ nang kə́ teē yá̰a̰ alé, na̰y ngɔr kadə̄ Nə́ɓā ndɔ̄lə́n ō. Ta tɔ̄l̄ ta anī a róōnən̄ kɔ̄ɔ́ ō.


Najə̄ ń Kɔ́ɔ̄ɓē əda de kə́ Juda tə́ gə̄ ō, kə́ kem ɓē kə́ Jerusalem tə́ gə̄ ō ní n toó: Ī-tə́gāī loo ndɔr̄ yāsí, ī-lōōī dubə̄ kōō dan kōn̄ ngar̄ gə̄ tə́.


Ī-noōī tām̄ dɔ nang yā gír deē yāḿ gə̄ ń túpə kōn̄ gə̄ taān̄ loo malang tū tə́ ní tə́. Ī-nōōī tām̄ rɔ̄nel̄ kə́ kem kújə gə̄ tə́ malang ō, tām̄ yā nāā ń de gə̄ a rāān̄ kem ɓēé tə́ ní ō.


M-ā m̄-rāān dɔ nang kə́ kem bembeé tə́. Deē a gán̄g ta jī kāgə̄ kə́ kemeé gə̄ aĺ ō, deē a ró̰ȳ mu kə́ kemeé aĺ ō. Túpə kōn̄ gə̄ a əɓan̄ kem ndɔr̄ kāgə̄ nduú yāḿ tə́ ō, m-ā m-ɔ̄gə̄ kil̄ man̄ gə̄ kəya̰ man̄ kadə̄ edə dɔ tə́ ō.


Kōn̄ gə̄ kə gūmbə̄ gə̄ ton̄ dɔ róbə yā de kə́ súmūú aĺ tə́ kə̄ loo gə̄ tə́, deē ń gḛy ngɔ̄m̄ rɔ̄n ní ɔr̄ rɔ̄n sa̰y kɔ̄ɔ́ kadə róbə́ ń noō tə́.


ādə̄ kōn̄ tɔgə dɔ nang yāḿ tə́ kum gotə gémē ō, bar̄ tɔgə tū tə́ kum gotə kōō ɔ́rjə ō. Gír najə̄ yā Job gān̄g loo ń toō tə́.


Kɔ́ɔ̄ɓē Nə́ɓā yāsí a na̰y kə̄ loo tə̄ɓā nápar de gə̄ ń noō tə́ kɔ̄ɔ́ nosí tə́ alé, ní, majə kadə̄ ī-gerī nge ń noō majə. Nin̄ a télən̄ gūmbə̄ tām̄ yāsí tə́ ō, bəlo mbḛ̄ yāsí tə́ ō, ndéý kə́ yā kəndań gidəsí ō, a ran̄ kumsí tə́ tītə̄ kōn̄ kə́ ra kum deē tə́ ɔgə̄n ka̰a̰ loo ō. Ta tɔ̄l tasí anī, ā ī-gətóoī kɔ̄ɔ́ dɔ nang kə́ majə ń Kɔ́ɔ̄ɓē Nə́ɓā yāsí adə̄sí tə́ ní.


De gə̄ dubə̄n̄ gémē, ba əjan̄ i kōn̄ ngar̄. De gə̄ rāān̄ kəla ɔrən̄, ba yá̰á̰ kə́ teēdə́ yá̰á̰ tə́ gətóó bátə́. Ādə̄ rɔ̄sí sɔl̄sí tām̄ kɔr kə́ to kə̄ dɔsí tə́. I wōn̄g kə́ ngá̰ý yā Kɔ́ɔ̄ɓē n rāā yá̰á̰ ní.


Anī loo i túpə kōn̄ ngar̄ gə̄ malang ō, kōn̄ gə̄ ɔrən rɔ̄ dɔ yá̰a̰ gə̄ tə́ malang ō, ngōn̄ ndogə̄ kə́ rāā kə kūbə̄rū mbal̄ gēé əsō nang tə́ kɔ̄ɔ́ ō.


Ī-ɓír̄ rɔ̄í kə loo kunjú tītə̄ loo ɓír̄ rɔ̄ kə kūbūú beē. Ḭ̄ ī-teē kem dɔ rā̰ tītə̄ loo teē kem tandā beé.


Ḭ̄ ī-rāā ādə̄ de gə̄ télən̄ nán̄g gogə́. Tɔdɔ̄ ə́da na: Ngán Adam gə̄, ī-tél āwī gogə́ loo ń ī-teēī tū tə́ ní tə́!


ba əda na: m̄-teē kem kó̰ó̰ḿ tə́ i rɔ̄ḿ karī ō, m-ā m̄-tél yā kaw̄ gíŕ nángāá i rɔ̄ḿ karī ō. Kɔ́ɔ̄ɓē adə̄ ō, Kɔ́ɔ̄ɓē taā kɔ̄ɔ́ ō. Ādə̄ de gə̄ tɔ̄ȳn̄ rī Kɔ́ɔ̄ɓē.


Deē ń i kə́ mbūsə̄ tū taā kem yān tə́ ní, ənī kemən əsań yá̰a̰ malang karī, ba nge ń ni i kə́ mbūsə̄ tū taā kem yān tə́ aĺ ní, əsa i mbī kámbə gə̄ ngóy.


Ta tɔ̄l̄ ta anī ni-əda dəngam na: Ḭ̄ ōō ta nə̄yá̰í adə̄ ə́sa kan̄ kāgə̄ ń m-ɔ̄gī kəsa ní ɓá ní, dɔ nang i kə́ ndɔ̄ĺ najə̄ yāí tə́. Ā á̰á̰ tápə̄ kə dɔ ndɔ̄ gə̄ ń ā ī-ndiń kə kumuú ní tá ā ə́ngeń yá̰a̰ kəsa yāí tū tə́.


Ā ī-rāā kəla kə́ úy tətō tá ā ə́ngeń yá̰a̰ kəsa yāí, bátə́ kadə̄ ā ī-tél āwń gogə́ tū nán̄g ń ī-teē tū tə́ ní tə́. Tɔdɔ̄ rāāīn̄ i kə nángāá, adə̄ ā ī-tél kə̄ gogə́ gíŕ nángāá.


Túpə kōn̄ gə̄ a taān̄ loo kem ɓēé malang ō, de gə̄ a reēn̄ ndo̰ó̰ kemeé kə kum gərāá ō, kə ga̰ gərā gēé ō.


Swiv nou:

Piblisite


Piblisite