TA KƏLA 3:16 - Bibəl ta Sar̄

¹⁶ Gō tə́ anī Kɔ́ɔ̄ɓē Nə́ɓā əda dəyá̰ na: Ré ī-ndān̄ ngōn̄ anī, m-ā m̄-rāā kadə̄ rɔ̄í a tōrī ngá̰ý. Ā ójə ngōn̄ i kə rɔ̄ tōrōó. Ngur kaw̄ rɔ̄ ngaaí tə́ a rāāī, ba ni a o̰o̰ ɓē dɔí tə́.

Bible sar

¹⁶ Gō tə́ anī Kɔ́ɔ̄ɓē Nə́ɓā əda dəyá̰ na: Ré ī-ndān̄ ngōn̄ anī, m-ā m̄-rāā kadə̄ rɔ̄í a tōrī ngá̰ý. Ā ójə ngōn̄ i kə rɔ̄ tōrōó. Ngur kaw̄ rɔ̄ ngaaí tə́ a rāāī, ba ni a o̰o̰ ɓē dɔí tə́.

TA KƏLA 3:16 Referans Kwoze

TITƏ 2:5

loo rāā yá̰a̰ kadə̄ mān̄ dɔ loon aĺ ō, kadə̄ nin̄ i de kə́ unjə̄ njáý njáý gə̄ ō, loo kəndā rɔ̄də́ ta kəla kə́ kem kújə yādə́ tə́ ō, kadə̄ nin̄ i de kə́ majə gə̄ ō, oōn̄ ta ngaadə́ gə̄ ō. Loo ń noō tə́ de gə̄ a əngen̄ ta róbə́ ndájə̄ najə̄ dɔ najə̄ yā Nə́ɓā tə́ alé.

KOLOSƏ 3:18

Sḭḭ̄ dəyá̰ gə̄, ī-sɔlī dɔsí kə̄ no ngaasí gə̄ tə́, tɔdɔ̄ i yá̰á̰ kə́ gō tə́ tām̄ yā ngé gə̄ ń ɓoon̄ naā kə Kɔ́ɔ̄ɓēé ní tə́.

1 KORḚNTƏ 11:3

Banī m̄-gḛy kadə̄ ī-gerī yá̰á̰ ń toō: Kərist i de kə́ dɔ dəngam tə́ ō, dəngam i de kə́ dɔ dəyá̰ tə́ ō, Nə́ɓā i de kə́ dɔ Kərist tə́ ō.

1 TIMOTE 2:15

Ɓá tā ba ni a ajə i kə ta kūl̄ kojə ń ojə ngōn̄ ní. Ba i loo ń ré ni-əhɔ rɔ̄n tɔgə dɔ róbə taā kem tə́ ō, táŕ tə́ ō, háĺ kə́ unjə̄ njáý njáý tə́ ō, kə kɔjə rɔ̄ɔ́ aĺ ō ní tá.

1 KORḚNTƏ 14:34

majə kadə̄ dəyá̰ gə̄ ndin̄ tadə́ mbóo loo kán̄ naā tə́, tɔdɔ̄ adə̄n̄də́ ta róbə kɔr̄ najə̄ alé. Tītə̄ ń ndū najə̄ yā Nə́ɓā ədań ō ní, ādə̄ nin̄-sɔlə̄n̄ dɔdə́.

1 KORḚNTƏ 7:4

Dəyá̰ asə rāā yá̰á̰ ń kemən ndigə ní kə rɔ̄neé alé, tɔdɔ̄ rɔ̄n i yā ngaan. I beé tām̄ yā dəngam tə́ ō. Dəngam asə rāā yá̰á̰ ń kemən ndigə ní kə rɔ̄neé alé, tɔdɔ̄ rɔ̄n i yā nə̄yá̰n.

JA̰A̰ 16:21

Loo ń dəyá̰ rāā kem ní, ni i kə rɔ̄ katāá tām̄ ndɔ̄ yān ugə̄, banī loo ń ojə ngōn̄ oy anī, əga kemən dɔ wur kɔl yān tə́ alé. Rɔ̄n nelə̄n, tɔdɔ̄ ni-ojə deē ndul kógə̄ḿ dɔ nang tə́.

TA KƏLA 4:7

Ré kemií ndi kə gōó majanī, ā ún kumií dɔɔ́. Ba ré kemií ndi majə alé anī, majaĺ a to ta róbí tə́. Ngur kəhɔī rāān, ba ásə dum̄ tan.

JEREMI 6:24

J-oō najə̄ ní adə̄ jījí ur̄ wak ō, jə-sōl̄ kekəre ō, rɔ̄jí tōr̄jí ngá̰ý tītə̄ yā dəyá̰ kə́ a rāā kem beé.

TƏ́DA 30:13

Ba ré ngaan mbātə́ gōn tə́ ndɔ̄ nəkɔ́ ń oōń tə́ noō anī, kəda rī rāā yá̰a̰ gə̄gē, kənī ndū gə̄gē a tél a ton̄ i yá̰á̰ kə́ karī tə́. Kɔ́ɔ̄ɓē a mā̰ȳ rɔ̄n dɔn tə́ tām̄ i ngaan n ɔgə̄n rāā yá̰á̰ ní.

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

ESTER 1:20

Yá̰a̰ gə̄ ń mban̄g ndang kadə̄ yā rāā ní a ɓār̄ kadə̄ de kə́ kem ɓē ko̰o̰ yān n bo ngá̰ý tə́ ní a oōn̄ malang. Adə̄ dəyá̰ gə̄ malang a rɔȳn̄ ngaadə́ gə̄ ń i de kə́ bo gə̄ ō, ngé ndoō gə̄ ō ní.

JEREMI 22:23

Ḭ̄ ń ī-rāā ɓē dɔ mbal̄ Liban tə́ ō, ī-rāā kújə yāí dan kāgə̄ sédər gə̄ tə́ ō ní, ā ī-to̰ō̰ rus rus dan ń rɔ̄í a tōrī, tītə̄ yā dəyá̰ ń a rāā kem á a jənga rik rik ní.

JEREMI 13:21

I rí n ā ə́da dan ń de gə̄ a reēn̄ rāāī yá̰á̰ kə́ to kum kaȳ aĺ tə́ ní. I īkɔ́ n ī-ndóōdə́ loo ko̰o̰ ɓē dɔí tə́ ní aĺ a? Rɔ̄kum, rɔ̄í a tōrī tītə̄ yā dəyá̰ ń a rāā kem ní.

IJAI 21:3

I tām̄ najə̄ ń toō tə́ m̄-ndew kə̄ dūnə̄ḿ gə̄ tə́ ní. M-á̰á̰ tápə̄ tītə̄ dəyá̰ kə́ a rāā loo kojə beé. Kemḿ nujə ngá̰ý adə̄ mbīḿ oō loo alé, ndílə́ḿ a̰ȳ kɔ̄ɔ́ adə̄ kumḿ a̰a̰ loo alé.

IJAI 13:8

Ndíĺdə́ a̰ȳ, gír rɔ̄ tōr̄ kə́ tayā tayā gə̄ malang rāādə́. Rɔ̄də́ tōr̄də́ ngá̰ý tītə̄ dəyá̰ kə́ a rāā kem beé. Ɔr kumdə́ ngá̰ý adə̄ nin̄ a̰a̰n̄ naā. Loo təngādə́.

JEREMI 49:24

Tɔ́gə Damas teē kɔ̄ɔ́. Ni tūr̄ rɔ̄n yā ka̰ȳ. Ni-ndew yakə yakə. Ni sōl̄ kekəre ō, rɔ̄n tōrə̄n ō, tītə̄ dəyá̰ kə́ a rāā kem beé.

JEREMI 4:31

M-ōō nōō rɔ̄ kə́ tītə̄ yā dəyá̰ kə́ a rāā kem ō, m-ōō kɔŕ kə́ tītə̄ yā dəyá̰ kə́ a ojə ngōn̄ kem mandən ō. I kɔŕ ngōmandə kə́ Siyo̰, koō gāngən. Ni ɔy jīn kə̄ dɔɔ́. Mā i kə rɔ̄ ndoó. M-ā m-óy sɔɔ̄ń ndéý kə́ al̄ naā yā ngé tɔ̄l̄ de gə̄.

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

PĀ GƏ̄ 48:6

Dan ń nin̄ a̰a̰n̄ yá̰á̰ ń Kɔ́ɔ̄ɓē rāā ní anī sitə̄n̄ sata ō, ɔr kumdə́ ngá̰ý ō. ɓōĺ kə́ ngá̰ý rāādə́ adə̄ a̰ȳn̄ naā kɔ̄ɔ́.

1 TIMOTE 2:13

Tɔdɔ̄ i Adam n Nə́ɓā rāān kété tá kadə̄ rāā Ebə ɓáý ní.

1 YÁ̰A̰ GƏ̄ 4:9

De gə̄ tə́dan̄ Yabes tɔȳ gotə ngákó̰o̰n gə̄. Kó̰o̰n əndā rīn na i Yabes, tɔdɔ̄ əda na dan ń n-ojən ní na tōr rɔ̄n ngá̰ý.