TA KƏLA 3:10 - Bibəl ta Sar̄

¹⁰ Dəngam tél əda na: M-ōō kōí kem ndɔrɔ́ ɓáa ɓōĺ rāām̄ tɔdɔ̄ gírə́ḿ i karī á m̄-ɓɔ̄ɔ̄ rɔ̄ḿ ní.

Bible sar

¹⁰ Dəngam tél əda na: M-ōō kōí kem ndɔrɔ́ ɓáa ɓōĺ rāām̄ tɔdɔ̄ gírə́ḿ i karī á m̄-ɓɔ̄ɔ̄ rɔ̄ḿ ní.

TA KƏLA 3:10 Referans Kwoze

TA KƏLA 2:25

Dəngam ō, nə̄yá̰n ō, nin̄ jōó mbak gíŕdə́ i karī, banī rɔ̄də́ sɔl̄də́ ta kum naā tə́ alé.

IJAI 57:11

I náā n ī-ɓōlə́n ngá̰ý á ī-sorə̄ń ní? á dɔí ndígə̄naləḿ ní? m̄-ndi taḿ mbóo dan i jóó ngá̰ý. I tām̄ najə̄ ń toō tə́ n ī-ɓōĺ ndílə́ḿ to̰ aĺ ní.

IJAI 47:3

De gə̄ a a̰ā̰n̄ rɔ̄ karī yāí, a a̰a̰n̄ yá̰á̰ ń rāāī adə̄ rɔ̄í sɔlī ní. M-ā m̄-dal ba̰ā̰ rɔ̄ḿ ō, de kə́ yā kɔgə̄m̄ a gətóo ō.

PĀ GƏ̄ 119:120

m̄-ra ta kumií tə́ anī m̄-ndebə kə̄ rɔ̄ḿ gə̄ tə́ malang, tɔdɔ̄ m̄-ɓōĺ ndílí ō, Ndūí gə̄ ń ī-ra dɔ tə́ yā rāā ní adə̄mə̄n̄ ɓōĺ ō.

1 JA̰A̰ 3:20

Tɔdɔ̄ ré kemjí əhɔjí kə najá anī, Nə́ɓā i kə bo tɔȳ kemjí ō, ni-ger̄ yá̰a̰ malang ō.

Makətūbə̄ yā Job 23:15

I tām̄ najə̄ ń noō tə́ n ɓōĺ rāām̄ ngá̰ý ta kumən tə́ ní. Dan ń m̄-gír̄ dɔ tə́ ngá̰ý anī, m-ə́ja m̄-ɓōlə́n kə́ al̄ naā.

Teē Ngán Israel gə̄ 3:6

Mā i Nə́ɓā yā bɔbí, Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō. Moijə ənī kūbə̄ utə̄ń ta kumən kɔ̄ɔ́ tɔdɔ̄ ni ɓōĺ ka̰a̰ Nə́ɓā.

IJAI 33:14

Kem ɓē kə́ Siyo̰ tə́ ní, de gə̄ ń najə̄ əhɔdə́ ní, ndíĺdə́ a̰ȳ ō, ɓōĺ rāā de kə́ majaĺ gə̄ adə̄ nin̄ ndewn̄ ō. Nin̄ dəjen̄ najə̄ ədan̄ na: I náā kə́ danjí tə́ n asə ra kadə hor kə́ a o̰o̰ ń toō tə́ ní? I náā kə́ danjí tə́ n asə ra kadə ta ndo̰ hor kə́ a oy aĺ ń toō tə́ ní?

JEJU TEĒ KUM JA̰A̰ 16:15

Á̰a̰ī, m-ā m̄-reē tītə̄ nge ɓogə beé. Rɔ̄nel̄ i kə deē ń ndi kanjə̄ kənī ɓīī kumən tə́ ō, ngɔ̄m̄ kūbə̄ yān gə̄ na sōgə́ de gə̄ a̰a̰nən̄ loo njə̄rā tə́ rɔ̄n karī anī rɔ̄n sɔlə̄n ní ō.

Teē Ngán Israel gə̄ 32:25

Moijə a̰a̰ kadə̄ Aaro̰ əya̰ ngán Israel gə̄ adə̄ rāān̄ yá̰á̰ kə́ kemdə́ ndigə kadə̄ madə̄ ba̰ā̰də́ gə̄ əgōn̄də́.

TA KƏLA 3:7

Nin̄ jōó mbak kumdə́ teē adə̄ gerə̄n̄ kadə̄ gíŕdə́ i karī, ɓáa anī urə̄n̄ mbī kótə̄ do̰ō̰n̄ gíŕdə́ tə́.

TA KƏLA 3:11

Kɔ́ɔ̄ɓē Nə́ɓā ədan na: I náā n ədaī na gírí na i karī ní? Kan̄ kāgə̄ ń m-ɔ̄gī kəsa ní ə́sa a?

Teē Ngán Israel gə̄ 20:18

Ngán Israel gə̄ malang oōn̄ kōō man̄ ń ndang ní ō, oōn̄ kōō tōw̄ ní ō, a̰a̰n̄ man̄ ń tel̄ ní ō, a̰a̰n̄ sa hor ń əɓa dɔ mbal̄ tə́ ní ō. Anī ɓōĺ rāādə́ adə̄ ndewn̄ yakə yakə ō, ran̄ sa̰y ō.

Teē Ngán Israel gə̄ 20:19

Nin̄-ədan̄ Moijə na kə nəkɔ́ kə ɔr̄ najə̄ sedə́ anī n-a n-oōn̄, ba kadə̄ Nə́ɓā kə ɔr̄ najə̄ sedə́ to̰ alé na sōgə́ n-oyn̄.

NDŪ NAJƏ̄ 5:25

Ba i tām̄ rí tə́ á kə hor kə́ bo ń toō o̰o̰jí kadə̄ j-oy kɔ̄ɔ́ ní? Ré jə-to i dan koō ndū Kɔ́ɔ̄ɓē Nə́ɓā yājí tə́ kə mbījí tītə̄ ń noō kə́ njɔ́ḿ gə̄ tə́ anī, j-a j-oy kɔ̄ɔ́.

Makətūbə̄ yā Job 31:33

m̄-ɓɔ̄ɔ̄ dɔ majaĺ yāḿ gə̄ tītə̄ ń Adam rāań kété ní a? m̄-mundə̄ dɔ yá̰a̰ kə́ gōtə́ aĺ kemḿ tə́ a?