TA KƏLA 3:1 - Bibəl ta Sar̄

¹ Lī i dā̰ kə́ kumən edə̄ tɔȳ gotə dā̰ gə̄ malang kə́ bembeé ń Kɔ́ɔ̄ɓē Nə́ɓā rāā ní. Ni-dəje dəyá̰ na: Nə́ɓā əda na kə ə́saī kan̄ kāgə̄ kə́ ndɔrɔ́ malang aĺ rɔ̄kum a?

Bible sar

¹ Lī i dā̰ kə́ kumən edə̄ tɔȳ gotə dā̰ gə̄ malang kə́ bembeé ń Kɔ́ɔ̄ɓē Nə́ɓā rāā ní. Ni-dəje dəyá̰ na: Nə́ɓā əda na kə ə́saī kan̄ kāgə̄ kə́ ndɔrɔ́ malang aĺ rɔ̄kum a?

TA KƏLA 3:1 Referans Kwoze

2 KORḚNTƏ 11:3

Banī m̄-ɓōĺ najə̄ kadə̄ gír̄ yāsí nujə adə̄ ə́ya̰ī Kərist kɔ̄ɔ́, tītə̄ ń lī góləń Ebə kə ngam yānneé ní.

2 KORḚNTƏ 11:14

Banī nge ń noō i yá̰á̰ kə́ to kɔr kum alé, tām̄ Sətan nəkɔ́ gə̄gē ní, i nge tél de kə́ dɔ rā̰ tə́ yā loo kə́ unjə̄ kow ō.

JEJU TEĒ KUM JA̰A̰ 12:9

Adə̄ dā̰ kə́ to ɓōĺ kə́ bo ngá̰ý ń i lī kə́ jóó ń a ɓāŕnən̄ na i diabəl ō, Sətan ō ní, ni ń i nge gól̄ de gə̄ malang kə́ dɔ nang tə́ ní, mbəre ənīnən̄ dɔ nang tə́, naā tə́ kə deē yān kə́ dɔ rā̰ tə́ gēé.

JEJU TEĒ KUM JA̰A̰ 20:2

Ni-əhɔ dā̰ kə́ to ɓōĺ ngá̰ý ń i lī kə́ jóó ō, i diabəl ō, i Sətan ō ní, do̰ō̰n kə súĺ kadə̄ rāā ɓāl̄ dūbú.

MATIYE 4:3

Loo ń noō tə́ diabəl reē rɔ̄n tə́ ngɔr ba ədan na: Ré ḭ̄ i Ngōn̄ Nə́ɓā anī, ə́da kūbə̄rū mbal̄ gə̄ ń toō ādə̄ télən̄ mápa.

MATIYE 10:16

Á̰a̰ī, m-ə́lásí i mbée tītə̄ batə̄ gə̄ kə̄ dan soó gə̄ tə́. I tām̄ ń toō tə́ ní ādī kumsí edə̄ tītə̄ yā lī gə̄ ō, ādī kemsí ndaa táĺ tītə̄ yā dér gə̄ ō.

MATIYE 4:6

Ré ḭ̄ i Ngōn̄ Nə́ɓā anī, ḭ́ḭ bal ə̄sō nang tə́, tɔdɔ̄ ndangən̄ kem makətūbūú na: Nə́ɓā a əda deē yān kə́ dɔ rā̰ tə́ gə̄ kadə̄ ətōīn̄ ta jīdə́ tə́ dɔɔ́ na sōgə́ mbal̄ tə́gā njaí.

IJAI 27:1

Ndɔ̄ ngeé ń noō tə́ ní, Kɔ́ɔ̄ɓē a un kaskar yān kə́ bo ō, to ɓōĺ ō, ngan̄g ō, yā rāań yá̰á̰ kə́ tōr̄ kə Lebiatan ń i lī kə́ nge ka̰ȳ ní, Lebiatan ń i lī kə́ kumən edə̄ ngá̰ý ní. Ba dā̰ kə́ majaĺ ngá̰ý kə́ kum bā bo tə́ ngeé ń toō ní a tɔ̄lən.

KOHELET 4:10

Tɔdɔ̄ ré əsōn̄ anī deē kógə̄ḿ a un madə̄n dɔɔ́. Banī yá̰á̰ kə́ to kum kaȳ aĺ i yā deē ń nəkɔ́ i kə kérneé ní! Ré ni-əsō anī de kə́ nge kunən dɔɔ́ gətóo.

MATIYE 4:9

ba ədan na: Ré ɔ́sə noí nang tə́ noḿ tə́ ī-rɔȳm̄ anī, m-ā m-ādī yá̰a̰ gə̄ ń noō malang.

1 PIYER 3:7

Yāsí sḭḭ̄ ngaa dəyá̰ gə̄ n toó: Ré ī-ndiī kə nə̄yá̰sí gēé anī, majə kadə̄ ī-gerī na nin̄ i de kə́ ngan̄g aĺ ngá̰ý gə̄. Ī-ɓōlíī ndíĺdə́, tɔdɔ̄ i gáŕ kadə̄ nin̄ a əngen̄ ndi kə kumuú ń Nə́ɓā a adə̄ de gə̄ karī ní sesí ō. Ī-rāāī tītə̄ ń noō i yā kadə̄ yá̰á̰ kógə̄ḿ utə̄ń ta róbə ndɔ̄ȳ yāsí gə̄ alé.

JEJU TEĒ KUM JA̰A̰ 12:15

Banī dā̰ kə́ to ɓōĺ ngá̰ý ní ɓōkə́ man̄ tan tītə̄ bā beé gō dəyá̰ ní tə́, yā kadə̄ man̄ bā ní əndan aw̄ seneé.