TA KƏLA 28:3 - Bibəl ta Sar̄

³ Ādə̄ Nə́ɓā kə́ bo kə́ tɔ́gən i ngá̰ý rāā majə seí ō, adī ngán gə̄ ngá̰ý kadə̄ ī-tél kaa gír de kə́ ngá̰ý gə̄ ō!

Bible sar

³ Ādə̄ Nə́ɓā kə́ bo kə́ tɔ́gən i ngá̰ý rāā majə seí ō, adī ngán gə̄ ngá̰ý kadə̄ ī-tél kaa gír de kə́ ngá̰ý gə̄ ō!

TA KƏLA 28:3 Referans Kwoze

TA KƏLA 48:3

Əda Jəjep na Nə́ɓā kə́ bo kə́ tɔ́gən i ngá̰ý na ndɔ̄bə̄n Lujə, dɔ nang kə́ Kanaan tə́, na əda najə̄ kə́ majə dɔn tə́.

TA KƏLA 35:11

ba əda na: Mā i Nə́ɓā kə́ bo kə́ tɔ́gə́ḿ i ngá̰ý. M-ā m-ādī ngán gə̄ ngá̰ý adə̄ ā ī-tél kaa nápar de kə́ ngá̰ý gə̄ ō, kaa de kə́ gíŕ nápar de kə́ ngá̰ý gə̄ ō. Ā ī-tél kaa mban̄g gə̄.

TA KƏLA 13:16

M-ā m̄-rāā kadə̄ ngán kaaí gə̄ i ngá̰ý tītə̄ nán̄g ngárə̄ḿnjēý, kadə̄ ré deē asə tə́dá nán̄g ngárə̄ḿnjēý təgā anī, kɔ́ɔ̄ a asə tə́dá ngán kaaí gə̄ təgā ō.

TA KƏLA 9:1

Nə́ɓā rāā majə kə Noe ō, ngánən gə̄ ō, ɓáý, ədadə́ na: Ɔ́jiī naā ī-bəlaī, ī-rosiī dɔ nang.

TA KƏLA 1:28

Nə́ɓā rāā majə sedə́ ɓáý, ədadə́ na: Ɔ́jiī ngán gə̄ ī-bəlaī ī-rosiī dɔ nang malang, ə́laī dɔ yá̰a̰ malang ń m̄-rāā ní gíŕ tɔ́gə yāsí tə́. Ī-ndiī dɔ kānjə̄ kə́ kum bā bo gə̄ tə́ ō, dɔ yel̄ kə́ dɔɔ́ gə̄ tə́ ō, dɔ dā̰ malang kə́ a njə̄rā nang tə́ tə́ ō.

TA KƏLA 43:14

Kadə̄ Nə́ɓā kə́ bo kə́ tɔ́gən i ngá̰ý kə rāā kadə̄ kum dəngam ní kə o̰o̰n tām̄ yādə́ tə́, kadə̄ kə əya̰ ngōkó̰ó̰də́ Simeo̰ ō, Benjamḛ ō, kadə̄ kə tél reēn̄ sedə́. Ni tā anī ré i yā kadə̄ n-ndi kanjə̄ ngánən gə̄ anī, kadə̄ kə n-ndi tītə̄ kə́ na n-ojə ngōn̄ aĺ beé.

TA KƏLA 41:52

Əndā rī ni kə́ nge ko̰ jōó na i Epəraim, tɔdɔ̄ əda na Nə́ɓā na adə̄n ngán gə̄ kem ɓē ń na n-a̰a̰ tápə̄ ngá̰ý tū tə́ tə́ ní.

TA KƏLA 24:60

Nin̄ tɔ́rə̄n̄ tadə́ dɔ Rebeka tə́ ədan̄ na: Ḭ̄, ngōkó̰ó̰jí kə́ dəyá̰, ādə̄ ī-tél nge kojə kósə de kə́ ngá̰ý gə̄ ō, ādə̄ ngán kaaí gə̄ taān̄ ɓē yā madə̄ ba̰ā̰də́ gə̄ ō.

JEJU TEĒ KUM JA̰A̰ 21:22

M-á̰á̰ kújə yā Kɔ́ɔ̄ɓē kem ɓē ní tə́ alé. Tɔdɔ̄ kújə yā Kɔ́ɔ̄ɓē kə́ kem ɓē ní tə́ i Kɔ́ɔ̄ɓē Nə́ɓā kə́ bo kə́ tɔ́gən i ngá̰ý ō, i Ngōn̄ Batə̄ ō.

2 KORḚNTƏ 6:18

Loo ń noō tə́ mā i bɔbə̄sí ō, sḭḭ̄ i ngánə́ḿ kə́ dəngam gə̄ ō, kə́ dəyá̰ gə̄ ō. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

PĀ GƏ̄ 127:3

Yá̰a̰ kənge kə́ rɔ̄kum kə́ gír kojə tə́ i ngōn̄ kə́ kojə, ngōn̄ i yá̰á̰ ń Kɔ́ɔ̄ɓē a əndāń nja deē ní!

Teē Ngán Israel gə̄ 6:3

Dan ń m̄-ndɔ̄bə̄ Abəraham ō, Isaak ō, Jakob ō ní, nin̄-ger̄mə̄n̄ i kə rīḿ ń na i Nə́ɓā kə́ bo kə́ tɔ́gən i ngá̰ý ní, ba rīḿ ń na i Kɔ́ɔ̄ɓē ní tá nin̄-gerə̄n̄ alé.

PĀ GƏ̄ 127:1

Pā kə́ yā kaw̄ń loo kə́ táĺ tə́. I pā yā Salomo̰. Ré Kɔ́ɔ̄ɓē əndā kújə aĺ anī, ngé kəndā kújə gə̄ rāān̄ kəla i ndāńg. Ré Kɔ́ɔ̄ɓē ngɔ̄m̄ ɓē aĺ anī, ngé ngɔ̄m̄ loo gə̄ ɔgə̄n̄ kumdə́ ɓīī i ndāńg.

TA KƏLA 17:20

Ba yá̰á̰ ń ī-dəje tām̄ yā Ismael tə́ ní m-ā m-ādī. M-ā m̄-rāā majə seneé. M-ā m̄-rāā kadə̄ ni a ojə ngán gə̄ ō, kadə̄ gír kojə yān a bəla ngá̰ý ō. Ni a ojə ngār gə̄ kutə gidə i jōó ō, a tél kaa nápar de kə́ ngá̰ý gə̄ ō.

TA KƏLA 26:4

M-ā m̄-rāā kadə̄ ngání gə̄ ō, ngán kaaí gə̄ ō, a bəlan̄ tītə̄ tə́yō̰ gə̄ kə́ dɔ rā̰ tə́ ō, m-ā m-ādə̄də́ dɔ nang ń toō malang ō. M-ā m̄-rāā majə kə nápar de kə́ dɔ nang tə́ gə̄ malang sɔɔ̄ńdə́ nin̄,

TA KƏLA 26:24

Kɔ́ɔ̄ɓē ndɔ̄bə̄n ndɔ̄ɔ́ ədan na: Mā i Nə́ɓā yā bɔbí Abəraham. Ī-lōō ɓōĺ yá̰á̰ kógə̄ḿ, tɔdɔ̄ mā i naā tə́ seí, adə̄ m-ā m̄-rāā majə seí. M-ā m̄-rāā kadə̄ ngání gə̄gē, ngán kaaí gə̄gē, a bəlan̄ tām̄ táŕ ń m̄-tár nge kəla yāḿ Abəraham tə́ ní.

TA KƏLA 27:33

Isaak ndebə kə̄ rɔ̄n gə̄ tə́ malang ba əda na: I náā n aw̄ ndo̰ó̰ tɔ̄l̄ dā̰ reēń adə̄m̄ ní? M-ə́sá yá̰a̰ malang kété noí tə́ laā kɔ̄ɔ́. m̄-tɔ́r̄ taḿ dɔ deē ń reēń adə̄m̄ tə́ ní, adə̄ kɔ́ɔ̄ ənge tɔ́r̄ ta.

TA KƏLA 48:4

Ədan na n-a n-adə̄n ngán gə̄ ngá̰ý kadə̄ na a téĺ gír de kə́ ngá̰ý gə̄ ō, dɔ nang ń noō na n-adə̄ ngán kaan gə̄ gotən tə́ kadə̄ na i yādə́ tə́ ngándáńg ō.

TA KƏLA 49:25

I Nə́ɓā yā bɔbí n i nge rāā seí ní. Nə́ɓā kə́ bo kə́ tɔ́gən i ngá̰ý a rāā majə seí. Ni a adī man̄ kə́ kḭḭ dɔ rā̰ tə́ ō, man̄ kə́ teē gíŕ nángāá ō. Ni a adī ngán gə̄ ō, a rāā kadə̄ yá̰a̰ kul̄ yāí gə̄ a ojən̄ naā ō.

Teē Ngán Israel gə̄ 1:7

Ngán Israel gə̄ ojən̄ naā ngá̰ý adə̄ kutədə́ ō, tɔ́gə́də́ ō i ngá̰ý. Nin̄-taān̄ kem ɓē malang.

RUTƏ 2:4

Gō tə́ anī Boj ḭḭ Betlehem reē ugə̄. Ni-əda ngé sāā kōō gə̄ na: Ādə̄ Kɔ́ɔ̄ɓē i naā tə́ sesí! Anī ngé sāā kōō gə̄ tél ədanən̄ na: Ādə̄ Kɔ́ɔ̄ɓē rāā majə seí!