TA KƏLA 26:5 - Bibəl ta Sar̄

⁵ tɔdɔ̄ Abəraham oō taḿ ō, rāā yá̰á̰ ń m-ə́dan na kə rāā ní ō, yá̰á̰ ń m-ə̄ndā dɔn tə́ kadə̄ rāā ní ni-rāā ō, yá̰a̰ gə̄ ń m̄-ndang kadə̄ yā rāā ní ni-rāā ō, ni ngɔ̄m̄ ndū najə̄ yāḿ gə̄ ō.

Bible sar

⁵ tɔdɔ̄ Abəraham oō taḿ ō, rāā yá̰á̰ ń m-ə́dan na kə rāā ní ō, yá̰á̰ ń m-ə̄ndā dɔn tə́ kadə̄ rāā ní ni-rāā ō, yá̰a̰ gə̄ ń m̄-ndang kadə̄ yā rāā ní ni-rāā ō, ni ngɔ̄m̄ ndū najə̄ yāḿ gə̄ ō.

TA KƏLA 26:5 Referans Kwoze

TA KƏLA 22:18

M-ā m̄-rāā majə kə nápar de gə̄ kə́ dɔ nang tə́ gə̄ malang sɔɔ̄ń ngán kaaí gə̄, tɔdɔ̄ ḭ̄ ōō taḿ.

TA KƏLA 22:16

Najə̄ yā Kɔ́ɔ̄ɓē n toó: m̄-ə̄nā ndūḿ yā rāā majə seí tām̄ yá̰á̰ ń ī-rāā tə́ ní. Ɔ̄gə̄m̄ ngōnīí kə́ kal kógə̄ḿ beē alé, adə̄ m-ā m̄-rāā kadə̄ ngán kaaí gə̄ a bəlan̄ tītə̄ tə́yō̰ gə̄ kə́ dɔ rā̰ tə́ ō, tītə̄ nán̄g ngárə̄ḿnjēý kə́ ta bā bo tə́ ō. Ngán kaaí gə̄ a taān̄ ɓē yā madə̄ ba̰ā̰də́ gə̄ ō.

MATIYE 7:24

Adə̄ deē malang ń oō najə̄ ń m-ə́dásí toō ō, rāā yá̰a̰ gə̄ ń m-ə́dá ní ō anī, a to i tītə̄ de kə́ nge kum kedə̄ kə́ rāā kújə yān dɔ mbal̄ tə́.

JAKƏ 2:21

Kaají Abəraham ní, i tām̄ kəla rāān gə̄ tə́ n ni-téləń de kə́ gōtə́, tām̄ ndējə̄ ń ni-ndējə̄ ngōnən Isaak dɔ loo tun̄ yá̰á̰ tə́ ní aĺ a?

HEBƏRO 11:8

I kə ta kūl̄ taā kem n Abəraham oō ta Nə́ɓā dan ń ɓārə́n ní. Adə̄ ni-aw̄ dɔ nang ń Nə́ɓā a rāā yā kadə̄n kə́ yān tə́ ní tə́. Ni-ḭḭ aw̄ kanjə̄ ger̄ loo ń a aw̄ kə̄ tū tə́ ní tə́.

GALATƏ 5:6

Tām̄ yā ngé gə̄ ń ɓoon̄ naā kə Kərist Jeju ní, kəja mɔtə aáā, kəja mɔtə aĺ aáā, i yá̰á̰ kə́ karī. Yá̰á̰ kə́ bo i taā kem kə́ rāā yá̰a̰ kə ta kūl̄ tárá.

1 KORḚNTƏ 15:58

I beé ní, sḭḭ̄ ń i ngákó̰ó̰ḿ gə̄ kə́ m̄-táŕsí ngá̰ý ní, ə́hɔī rɔ̄sí ngan̄g ō, ādī yá̰á̰ yókə̄sí aĺ ō. Ī-rāāī kəla yā Kɔ́ɔ̄ɓē kum kə̄ kété kété kanjə̄ dəba. Tɔdɔ̄ ī-gerī kadə̄ kəla ń ī-rāāī kə gō ɓoo naā yāsí kə́ kə Kɔ́ɔ̄ɓēé ní, i kəla kə́ ndāńg alé.

TA KƏLA 18:19

m̄-gə̄rān i tām̄ kadə̄ əndā dɔ ngánən gə̄ tə́ ō, dɔ ngán kaan gə̄ tə́ ō, kadə̄ unən̄ róbə yāḿ, kadə̄ háĺdə́ i gōtə́ ō, súmūú ō, yā kadə̄ m̄-rāań yá̰á̰ ń m-ə̄nī míndə́ḿ yā rāā kadə̄n ní.

TA KƏLA 12:4

Abəram aw̄ tītə̄ ń Kɔ́ɔ̄ɓē ədanəń ní, ba Lot aw̄ seneé. Dan ń Abəram ḭḭ Haran ní, ɓālə̄n i kutə sīrí gidə i mí.

TA KƏLA 17:23

Abəraham un ngōnə̄n Ismael ō, ɔy ɓəlo yān kə́ dəngam gə̄ malang kə́ ɓēé looneé, ngé gə̄ ń ojən̄də́ ɓēé looneé ní ō, ngé gə̄ ń ni mangdə́ kə naraá ní ō, əja mɔtədə́ ndɔ̄ nəkɔ́ ń noō tə́ tītə̄ ń Nə́ɓā ədanəń ní.

MATIYE 5:19

Adə̄ deē ń a mbātə́ gō míndə́ kógə̄ḿ kə́ dūú ngá̰ý ō, a ndóō de gə̄ kadə̄ mbātə́n̄ ō ní, a rāānən̄ i de kə́ dūú ngá̰ý kə́ kem Ɓē ko̰o̰ kə́ dɔ rā̰ tə́ tə́. Banī deē ń rāā yá̰á̰ ń ndū najə̄ əda ní ō, a ndóō madə̄n gə̄ kadə̄ rāān̄ tītə̄ ń noō ō ní, a rāānən̄ de kə́ bo tə́ kem Ɓē ko̰o̰ kə́ dɔ rā̰ tə́.

TA KƏLA 26:6

Isaak ndi i Gerar.