TA KƏLA 26:3 - Bibəl ta Sar̄

³ Ī-ndi kem ɓē ń toō tə́. M-ā m̄-ndi seí ō, m-ā m̄-rāā majə seí ō, tɔdɔ̄ m-ā m-ādī ḭ̄ ō, ngání gə̄ ō, ngán kaaí gə̄ ō, dɔ nang ń toō malang, yā kadə̄ ndūḿ ń m-ə̄nī m-ādə̄ bɔbí Abəraham ní reē udəń gíŕ kə́ rɔ̄ tə́.

Bible sar

³ Ī-ndi kem ɓē ń toō tə́. M-ā m̄-ndi seí ō, m-ā m̄-rāā majə seí ō, tɔdɔ̄ m-ā m-ādī ḭ̄ ō, ngání gə̄ ō, ngán kaaí gə̄ ō, dɔ nang ń toō malang, yā kadə̄ ndūḿ ń m-ə̄nī m-ādə̄ bɔbí Abəraham ní reē udəń gíŕ kə́ rɔ̄ tə́.

TA KƏLA 26:3 Referans Kwoze

TA KƏLA 28:15

Mā i naā tə́ seí. Loo malang ń ā āw̄ tū tə́ ní m-ā m̄-ngɔ̄mī ō, m-ā m̄-tél yā reē seí dɔ nang ń toō tə́ ō. M-ā m-ə́ya̰ī kɔ̄ɔ́ alé. M-ā m̄-rāā yá̰a̰ malang ń m-ə́daī ní.

PĀ GƏ̄ 105:9

Əga kemən dɔ madə̄ naā ń ni-əhɔ kə Abəraham, á ni túbə̄ njan adə̄ Isaak ɔjənneé kadə̄ i madə̄ naā kə́ rɔ̄kum ní.

TA KƏLA 20:1

Abəraham aw̄ dɔ nang kə́ Negeb tə́ aw̄ ndi dɔ dán Kades nin̄ kə Sur tə́. Gō tə́ anī, aw̄ ndi Gerar sḛ́ý to̰.

TA KƏLA 17:8

Dɔ nang kə́ Kanaan ń ḭ̄ i mbā tū tə́ toō, m-ā m-ādī ḭ̄ ō, ngán kaaí gə̄ ń a utə̄n̄ gōí ní ō. Dɔ nang ní a tél i dɔ nang yādə́ kə́ njɔ́ḿ gə̄ tə́ ō, mā i Nə́ɓā yādə́ ō.

TA KƏLA 15:18

Ndɔ̄ ń noō tə́ Kɔ́ɔ̄ɓē əhɔ madə̄ naā kə Abəram. Ni-ədan na: M-ādə̄ ngán kaaí gə̄ dɔ nang ń toō ń əla gír bā kə́ Ejiptə tə́ bátə́ ugə̄ń Opəratə ń i bā kə́ bo ní tə́ ní.

TA KƏLA 13:17

Ḭ́ḭ dɔɔ́, ī-njə̄rā á̰a̰ loo, á̰a̰ ngālən ō, laan ō, tɔdɔ̄ m-ā m-ādī loo ní.

TA KƏLA 13:15

Dɔ nang malang ń á̰a̰ā̰ noó, m-ā m-ādə̄sí sḭḭ̄ kə ngán kaaí gēé, kadə̄ i yá̰a̰ yāsí njɔ́ḿ.

TA KƏLA 12:7

Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

HEBƏRO 11:9

I kə ta kūl̄ taā kem n ni-aw̄ ndi tītə̄ tə̄rā beé, dɔ nang ń Nə́ɓā ənī míndən dɔ tə́ adə̄n ní. Ni-ndi i kem kújə tandā tə́ tītə̄ yā Isaak ō, Jakob ō ń. Nə́ɓā ənī míndən yā kadə̄də́ dɔ nang ń toō tītə̄ yān ō ní.

PILIPƏ 4:9

Ī-rāāī yá̰á̰ ń m̄-ndóōsí ní ō, yá̰á̰ ń m-ɔ́jə́sí kadə̄ ī-rāāī ní ō, yá̰á̰ ń teē taḿ tə́ á ōōī ní ō, yá̰á̰ ń á̰a̰mī loo rāā tə́ ní ō. Loo ń noō tə́ Nə́ɓā kə́ nge kadə̄jí kem sɔl̄ lɔm a ndi sesí.

IJAI 43:5

Ī-lōō ɓōĺ, mā i naā tə́ seí. M-ā m̄-rāā ngání kə́ dūn̄ tə́ gə̄ kadə̄ tél reēn̄ gogə́, m-ā m-ɔ́ýdə́ no ɓē tə́ yā kɔsə dɔdə́ naā tə́.

IJAI 43:2

Dan ń ā ī-teē man̄ kə́ ɗúú ngá̰ý anī, mā i naā tə́ seí. Dan ń ā ī-teē bā gə̄ anī, man̄ a əhɔī alé. Dan ń ā ī-njə̄rā kum hor tə́ anī, hor a o̰o̰ī alé, ta ndo̰ hor gə̄ a ɔdən̄ rɔ̄í alé.

PĀ GƏ̄ 32:8

Kɔ́ɔ̄ɓē əda na: M-ā m̄-ndóōī yá̰a̰ ō, m-ā m-ɔ́jiī róbə́ ń kadə̄ úń ní ō. M-ā m-ādī kɔjə̄ kógə̄ḿ. M-ā m-ə̄ndā kumḿ gírí tə́.

TA KƏLA 39:21

Kɔ́ɔ̄ɓē i naā tə́ seneé. Ni əndā kumən gōn tə́ adə̄ ngol ngé ngɔ̄m̄ dəngáy gə̄ rāā majə seneé,

TA KƏLA 39:2

Kɔ́ɔ̄ɓē i naā tə́ kə Jəjepé adə̄ yá̰a̰ rāān gə̄ i kə́ majə malang. Ni-ndi i kem kújə yā kɔ́ɔ̄n tə́.

TA KƏLA 26:14

Ni-ənge batə̄ gə̄ ō, bə̄yā̰ gə̄ ō, man̄g gə̄ ō, ngé rāā kəla gə̄ ngá̰ý ō, adə̄ Pilistin gə̄ əndānən̄ ni ngá̰ý.

TA KƏLA 26:12

Kem ɓāl̄ ngeé ń noō tə́, Isaak dubə̄ kōō anī ənge ngá̰ý, kum kōō kógə̄ḿ ojə madə̄ i ɓú, tɔdɔ̄ Kɔ́ɔ̄ɓē rāā majə seneé.

HEBƏRO 6:17

I tām̄ ń toō tə́ n Nə́ɓā ndigə kadə̄ ngé gə̄ ń a əngen̄ yá̰á̰ kə gō kənī míndən ní, gerə̄n̄ kum unjə̄ ngá̰ý, kadə̄ n-ā n-tūr̄ ndūn alé. I tām̄ najə̄ ń noō tə́ n ni-túbə̄ utə̄ń gō míndən kə́ ənī ní.

MISE 7:20

De gə̄ kə́ kem kojə yā Jakob tə́ ní, ā ɔ́jə́də́ kadə̄ ḭ̄ i de kə́ nge ra dɔ ndūí tə́ ō, de gə̄ kə́ kem kojə yā Abəraham tə́ ní, ā ɔ́jə́də́ kadə̄ ḭ̄ i de kə́ nge əhɔ madə̄ naā ō, tītə̄ ń ī-túbə ə̄niń ndūí ādə̄ kaají gə̄ kété ní.

PĀ GƏ̄ 39:12

Ḭ̄ ɔ́jə deē yá̰a̰ kə ndéy jīí tām̄ yá̰a̰ rāān kə́ gōtə́ aĺ tə́. Yá̰á̰ ń kemən gḛy ngá̰ý ní ī-nujəń kɔ̄ɔ́ tītə̄ yā kur̄ beé. Rɔ̄kum deē ndul i nél karī.

TA KƏLA 25:11

Gō yo Abəraham tə́, Nə́ɓā rāā majə kə ngōnə̄n Isaak. Ni-ndi i kadə bəlo man̄ kə́ Lahai Roi tə́.

TA KƏLA 26:24

Kɔ́ɔ̄ɓē ndɔ̄bə̄n ndɔ̄ɔ́ ədan na: Mā i Nə́ɓā yā bɔbí Abəraham. Ī-lōō ɓōĺ yá̰á̰ kógə̄ḿ, tɔdɔ̄ mā i naā tə́ seí, adə̄ m-ā m̄-rāā majə seí. M-ā m̄-rāā kadə̄ ngání gə̄gē, ngán kaaí gə̄gē, a bəlan̄ tām̄ táŕ ń m̄-tár nge kəla yāḿ Abəraham tə́ ní.

TA KƏLA 28:13

Kɔ́ɔ̄ɓē ra non tə́ ədan na: Mā i Kɔ́ɔ̄ɓē Nə́ɓā yā kaaí Abəraham ō, Nə́ɓā yā Isaak ō. Dɔ nang ń ī-to tū tə́ toō m-ā m-ādə̄sí sḭḭ̄ kə ngání gə̄ ō, ngán kaaí gə̄ ō.

TA KƏLA 31:3

Anī Kɔ́ɔ̄ɓē əda Jakob na kə tél kə aw̄ gogə́ dɔ nang yā bɔbə̄n gə̄ tə́, ɓē kojən tə́, na ni na i seneé naā tə́.

TA KƏLA 35:12

Dɔ nang ń m-ādə̄ Abəraham ō, Isaak ō, kété ní, m-ādī ō, m-ā m-ādə̄ ngán kaaí gə̄ gotií tə́ ō.

TA KƏLA 48:21

Gō tə́ anī əda Jəjep na n-a n-oy tā, ba Nə́ɓā na a ndi sedə́, na a tél yā kaw̄ sedə́ dɔ nang yā kaadə́ gə̄ tə́.

TA KƏLA 50:24

Jəjep əda ngákó̰o̰n gə̄ na n-a n-oy ba Nə́ɓā na a dḭḭ̄də́, na a teē sedə́ kɔ̄ɔ́ kem ɓē ń toō tə́ yā kaw̄ sedə́ dɔ nang ń na ənī ndūn yā kadə̄ Abəraham ō, Isaak ō, Jakob ō ní tə́.

Teē Ngán Israel gə̄ 6:4

Gō tə́ m-ə́hɔ madə̄ naā sedə́ yā kadə̄də́ dɔ nang kə́ Kanaan ń ndin̄ tū tə́ tītə̄ tə̄rā kə́ ngé nam̄ gə̄ ní ō.

Teē Ngán Israel gə̄ 6:8

M-ā m-ɔ́ŕsí ta róbə yā kaw̄ sesí dɔ nang ń m-ə̄nī ndūḿ m-ādə̄ Abəraham ō, Isaak ō, Jakob ō, najə̄n tə́ ní. M-ā m-ādə̄sí dɔ nang ní kadə̄ tél yá̰a̰ yāsí. Mā i Kɔ́ɔ̄ɓē.

NDŪ NAJƏ̄ 1:8

Á̰a̰ī m-ādə̄sí do nang ń noō. Āw̄ ī-taāī tām̄ i dɔ nang kə́ mā Kɔ́ɔ̄ɓē m-ə̄nī ndūḿ kadə̄ m-ādə̄ kaasí gə̄ Abəraham ō, Isaak ō, Jakob ō, kadə̄ m-ādə̄ ngán kaadə́ gə̄ gotədə́ tə́ ō.

NDŪ NAJƏ̄ 34:4

Tā anī Kɔ́ɔ̄ɓē ədan na: Dɔ nang ń m-ə̄nī ndūḿ dɔ tə́ m-ādə̄ Abəraham ō, Isaak ō, Jakob ō, m-ə́dádə́ na, m-ā m-ādə̄ ngán kaadə́ gə̄ ní n toó. M-ɔ́jiī ḭ̄ kadə̄ á̰a̰ā̰ kə kumií, ba ā ə̄ndā njaí tū tə́ alé.

1 YÁ̰A̰ GƏ̄ 16:16

Madə̄ naā ní i madə̄ naā ń ni-əhɔ kə Abəraham ō, túbə adə̄ Isaak najə̄n tə́ ɔjəń kə̄ ndágá kadə̄ i rɔ̄kum ō,

TA KƏLA 17:19

Nə́ɓā tél ədan na: Rɔ̄kum, nə̄yá̰í Sara a ojə ngōn̄ kə́ dəngam seí kadə̄ ā ə̄ndā rīn na i Isaak. M-ā m-ə́hɔ madə̄ naā seneé ō, kə ngán kaan gēé gotən tə́ ō. I madə̄ naā kə́ a to ngándáńg.

Teē Ngán Israel gə̄ 2:24

Nə́ɓā oō nōō yādə́, anī əga kemən dɔ madə̄ naā ń ni-əhɔ kə Abəraham ō, Isaak ō, Jakob ō ní tə́.

Teē Ngán Israel gə̄ 3:12

Nə́ɓā tél ədan na ni na i naā tə́ seneé, na yá̰á̰ ń a ɔjə kadə̄ i ni n n-əlan ní n toó. Dan ń a teē kə ngán Israel gēé kem ɓē kə́ Ejiptə tə́ kɔ̄ɔ́ anī, na a rāān̄ kəla yān ni Nə́ɓā dɔ mbal̄ ń toō tə́.

Teē Ngán Israel gə̄ 6:7

M-ā m̄-rāāsí gír deē yāḿ gə̄ tə́ ō, mā i Nə́ɓā yāsí ō. Ā ī-gerī kadə̄ i mā n i Kɔ́ɔ̄ɓē Nə́ɓā yāsí, nge kɔr̄sí ta kəla ngámbá tə́ dɔ nang kə́ Ejiptə tə́ kɔ̄ɔ́ ní.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

PĀ GƏ̄ 105:8

Əga kemən dɔ madə̄ naā yān tə́ ngándáńg. I najə̄ kə́ tām̄ yā de gə̄ tə́ ō, ngándə́ gə̄ tə́ ō, ngán kaadə́ gə̄ tə́ ō, bátə́ ugə̄ń dɔ ngán kaadə́ gə̄ kə́ nge ko̰ dūbú tə́.