TA KƏLA 26:2 - Bibəl ta Sar̄

² Anī Kɔ́ɔ̄ɓē ndɔ̄bə̄n ədan na: Ī-lōō kaw̄ Ejiptə tə́, ba ī-ndi dɔ nang ń m-ā m-ɔ́jiī tə́ ní.

Bible sar

² Anī Kɔ́ɔ̄ɓē ndɔ̄bə̄n ədan na: Ī-lōō kaw̄ Ejiptə tə́, ba ī-ndi dɔ nang ń m-ā m-ɔ́jiī tə́ ní.

TA KƏLA 26:2 Referans Kwoze

TA KƏLA 12:7

Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

TA KƏLA 18:1

Kɔ́ɔ̄ɓē ndɔ̄bə̄ Abəraham mbo̰ō̰ kāgə̄ sén gə̄ kə́ Mamre tə́. Abəraham ndi i ta kújə yān tə́. Loo i dan kadə ndaa.

TA KƏLA 17:1

Abəram rāā ɓāl̄ kutə ndōhó gidə i ndōhó anī, Kɔ́ɔ̄ɓē ndɔ̄bə̄n ədan na: Mā i Nə́ɓā kə́ bo kə́ tɔ́gə́ḿ i ngá̰ý. Ī-njə̄rā ta kumḿ tə́ ō, ādə̄ najə̄ gətóo dɔí tə́ ō.

TA KƏLA 12:1

Kɔ́ɔ̄ɓē əda Abəram na: Ə́ya̰ nang yāí ō, ngééí gə̄ ō, ɓē yā bɔbí ō, ba āw̄ dɔ nang ń m-ā m-ɔ́jiī tə́ ní.

PĀ GƏ̄ 37:3

Ə̄ndā kemií dɔ Kɔ́ɔ̄ɓē tə́ ba ī-rāā yá̰á̰ kə́ majə, kadə̄ ī-ndiń dɔ nang ń Nə́ɓā adī tə́ ní ō, ə́sań yá̰a̰ ō, kanjə̄ sōl̄ yá̰á̰ kógə̄ḿ.

TA KƏLA 17:19

Nə́ɓā tél ədan na: Rɔ̄kum, nə̄yá̰í Sara a ojə ngōn̄ kə́ dəngam seí kadə̄ ā ə̄ndā rīn na i Isaak. M-ā m-ə́hɔ madə̄ naā seneé ō, kə ngán kaan gēé gotən tə́ ō. I madə̄ naā kə́ a to ngándáńg.

TA KƏLA 26:24

Kɔ́ɔ̄ɓē ndɔ̄bə̄n ndɔ̄ɔ́ ədan na: Mā i Nə́ɓā yā bɔbí Abəraham. Ī-lōō ɓōĺ yá̰á̰ kógə̄ḿ, tɔdɔ̄ mā i naā tə́ seí, adə̄ m-ā m̄-rāā majə seí. M-ā m̄-rāā kadə̄ ngání gə̄gē, ngán kaaí gə̄gē, a bəlan̄ tām̄ táŕ ń m̄-tár nge kəla yāḿ Abəraham tə́ ní.

Teē Ngán Israel gə̄ 2:24

Nə́ɓā oō nōō yādə́, anī əga kemən dɔ madə̄ naā ń ni-əhɔ kə Abəraham ō, Isaak ō, Jakob ō ní tə́.

LEBI GƏ̄ 26:42

A əga kemḿ dɔ madə̄ naā kə́ m-ə́hɔ kə kaadə́ Jakob ō, Isaak ō, Abəraham ō tə́. A əga kemḿ dɔ nang kə́ m-ə̄nī míndə́ḿ yā kadə̄də́ tə́ ō.

PĀ GƏ̄ 25:12

Deē ń ɓōĺ ndíĺ Kɔ́ɔ̄ɓē ní, ni a ɔjən róbə́ ń kadə̄ a un ní.