TA KƏLA 26:12 - Bibəl ta Sar̄

¹² Kem ɓāl̄ ngeé ń noō tə́, Isaak dubə̄ kōō anī ənge ngá̰ý, kum kōō kógə̄ḿ ojə madə̄ i ɓú, tɔdɔ̄ Kɔ́ɔ̄ɓē rāā majə seneé.

Bible sar

¹² Kem ɓāl̄ ngeé ń noō tə́, Isaak dubə̄ kōō anī ənge ngá̰ý, kum kōō kógə̄ḿ ojə madə̄ i ɓú, tɔdɔ̄ Kɔ́ɔ̄ɓē rāā majə seneé.

TA KƏLA 26:12 Referans Kwoze

TA KƏLA 26:3

Ī-ndi kem ɓē ń toō tə́. M-ā m̄-ndi seí ō, m-ā m̄-rāā majə seí ō, tɔdɔ̄ m-ā m-ādī ḭ̄ ō, ngání gə̄ ō, ngán kaaí gə̄ ō, dɔ nang ń toō malang, yā kadə̄ ndūḿ ń m-ə̄nī m-ādə̄ bɔbí Abəraham ní reē udəń gíŕ kə́ rɔ̄ tə́.

MARK 4:8

Ngé kə́rēý gə̄ tə́sōn̄ i dɔ nang kə́ majə tə́. Adə̄ əɓan̄ ō, tɔgən̄ ō, ojən̄ ba edə̄n̄ kum ō. Adə̄ ni kə́ kógə̄ḿ teē kum madə̄ kutə mətá ō, ni kə́ rang kutə mehḛ́ ō, ni kə́ rang ɓú kógə̄ḿ ō.

KOHELET 11:6

Ādə̄ dəloí anī ī-dubə̄ kum kōō yāí, loo sɔlí anī ī-lōō kəya̰ jīí kadə̄ taā koō ō. Tɔdɔ̄ kəla gə̄ ń gír j ōó noō nge ń i kə́ majə ní ī-ger̄ alé. Majanī majən̄ jōó mbak.

PĀ GƏ̄ 67:6

Nə́ɓā, ādə̄ de gə̄ ɓōkə́nī tɔ̄ȳ, ādə̄ gír de gə̄ ɓōkə́nī tɔ̄ȳ naā tə́ malang.

TA KƏLA 24:35

Kɔ́ɔ̄ɓē rāā majə kə kɔ́ɔ̄ḿ adə̄ ni-ənge yá̰á̰ ngá̰ý. Ənge batə̄ gə̄ kə bə̄yā̰ gə̄ kə man̄g gə̄. Ni-ənge gində̄ arjā̰a̰ ō, lɔ́r ō, ngé kəla kə́ dəngam gə̄ ō, kə́ dəyá̰ gə̄ ō, jámbal gə̄ ō, kərō gə̄ ō.

TA KƏLA 24:1

Abəraham tɔgə ɓə́gá ngá̰ý kɔ̄ɔ́. Kɔ́ɔ̄ɓē rāā majə seneé tū yá̰a̰ gə̄ tə́ malang.

1 KORḚNTƏ 3:6

Mā m-ə̄ndā kāgə̄ ō, Apolos i nge rāā man̄ dɔ tə́ ō, banī i Nə́ɓā n i nge rāā tá kadə̄ kāgə̄ tɔgə ní.

JAKARI 8:12

M-ā m̄-rāā kadə̄ lɔm a reē dɔ nang tə́ ō, kāgə̄ nduú gə̄ a anə̄n̄ ō, dɔ nang a teē yá̰a̰ ō, man̄ kə́ dɔ rā̰ tə́ a edə ō. Gír deē yāḿ gə̄ ń teēn̄ ta yo tə́ ní, m-ā m̄-rāā majə sedə́ kə yá̰a̰ gə̄ ń noō malang.

Makətūbə̄ yā Job 42:12

Kɔ́ɔ̄ɓē rāā majə kə Jóbó ngá̰ý tɔȳ kə́ kété. I beé n Job əngeń batə̄ gə̄ dūbú kutə gidə i sɔ́ ō, jámbal gə̄ dūbú mehḛ́ ō, man̄g kə́ bəra gə̄ jōó jōó nja dūbú ō, kó̰o̰ kərō gə̄ dūbú ō ní.

TA KƏLA 30:30

Tɔdɔ̄ yá̰a̰ kul̄ yāí ń kété i ngá̰ý aĺ ní, m̄-reē m-ūgə̄ looí anī ojən̄ naā ngá̰ý. Kumən na Kɔ́ɔ̄ɓē əla gír rāā majə seí i ndɔ̄ ń m̄-reē m-údəń ndogó looí tə́ ní bátə́ ɓōólaā. Ní, kum mbang kə́ yā kadə̄ m̄-rāań kəla kə́ tām̄ yā deē yāḿ gə̄ tə́ asə aĺ ɓáý a?

MATIYE 13:8

Kumən kə́rēý gə̄ tə́sōn̄ i nang kə́ majə tə́, adə̄ ɔrə̄n̄ dɔdə́ ō, edə̄n̄ kum ngá̰ý ō. Dɔn kə́rēý gə̄ edən̄ kum ɓú kógə̄ḿ ō, ngé kə́rēý gə̄ kutə mehḛ́ ō, kə́rēý gə̄ kutə mətá ō. Gō tə́ anī Jeju əda na:

PĀ GƏ̄ 72:16

Ādə̄ ndɔr̄ taā loo kem ɓēé, bátə́ ta kaw̄ kə̄ ta tél mbal̄ gə̄ tə́ dɔɔ́. Ādə̄ dɔ kōō kə́ tū tə́ gə̄ yéȳn̄ tītə̄ kāgə̄ gə̄ kə́ Liban beé. Ādə̄ ré deē ra kem ɓēé anī, loo i mbī kámbə́ kə́ mbōl̄ malang.

MATIYE 13:23

Ngé gə̄ ń tə́sōn̄ dɔ nang kə́ majə tə́ ní i ngé gə̄ ń oōn̄ najə̄, ba gerə̄n̄ kum, adə̄ kumdə́ to ní. Kum kə́rēý gə̄ i ɓú ō, kə́rēý gə̄ i kutə mehḛ́ ō, kə́rēý gə̄ i kutə mətá ō.

TA KƏLA 26:29

Ə̄nī míndí kadə̄ ā ī-rāā yá̰á̰ kə́ majaĺ kógə̄ḿ sejí alé tītə̄ ń jə-rāań yá̰á̰ kə́ majaĺ seí alé ba jə-rāā i yá̰á̰ kə́ majə tá seí, adə̄ j-əya̰ī ādə̄ āw̄ kə lɔmɔɔ́ ní. Ḭ̄ i de kə́ Kɔ́ɔ̄ɓē rāā majə seí rɔ̄kum.

Gōsə̄ najə̄ gə̄ 10:22

I tɔ́r̄ ta yā Kɔ́ɔ̄ɓē ngóy n a adə̄ deē yá̰a̰ kənge ní, kəhɔ rɔ̄ tɔgə yā deē ənī yá̰á̰ kógə̄ḿ dɔ tə́ alé.

TA KƏLA 25:11

Gō yo Abəraham tə́, Nə́ɓā rāā majə kə ngōnə̄n Isaak. Ni-ndi i kadə bəlo man̄ kə́ Lahai Roi tə́.