TA KƏLA 24:3 - Bibəl ta Sar̄

³ ba ə̄nī míndí ādə̄m̄ kə rī Kɔ́ɔ̄ɓē Nə́ɓā kə́ nge rāā dɔ rā̰ ō, dɔ nang ō, kadə̄ ā ī-taā dəyá̰ dan ngáń kə́ dəyá̰ yā Kanaan gə̄ ń m̄-ndi dɔ dáńdə́ tə́ toō tām̄ yā ngōnə̄ḿ tə́ alé,

Bible sar

³ ba ə̄nī míndí ādə̄m̄ kə rī Kɔ́ɔ̄ɓē Nə́ɓā kə́ nge rāā dɔ rā̰ ō, dɔ nang ō, kadə̄ ā ī-taā dəyá̰ dan ngáń kə́ dəyá̰ yā Kanaan gə̄ ń m̄-ndi dɔ dáńdə́ tə́ toō tām̄ yā ngōnə̄ḿ tə́ alé,

TA KƏLA 24:3 Referans Kwoze

1 KORḚNTƏ 7:39

Ndū najə̄ do̰ō̰ dəyá̰ naā tə́ kə ngaaneé i kə dɔ ndɔ̄ gə̄ malang ń ngaan ndiń kə kumneé ní. Ba ré ngaan oy kɔ̄ɔ́ anī ni i kɔ́ɔ̄ rɔ̄n, adə̄ ni a taā dəngam kə́ kemən ndigə, ba kadə̄ dəngam ní i deē yā Kərist tá.

NEHEMI 13:25

m̄-kɔ̄l̄ sedə́ ō, m̄-ndɔ̄ĺdə́ ō. M-ə́nda de kə́ dəngam kə́rēý gə̄ kə́ dandə́ tə́ ō, m̄-ró̰ȳ nənga dɔdə́ ō. Gō tə́ anī m-ādə̄ túbən̄ njadə́ kə rī Nə́ɓāá kadə̄ adə̄n̄ tə̄rā gə̄ ngáńdə́ kə́ dəyá̰ gə̄ kadə̄ táān̄ to̰ aĺ ō, kadə̄ táān̄ dəyá̰ tə̄rā gə̄ adə̄n̄ ngáńdə́ kə́ dəngam gə̄ to̰ aĺ ō, táān̄ tām̄ yādə́ nin̄ kɔ́ gə̄ tə́ to̰ aĺ ō.

TA KƏLA 28:8

Loo ń noō tə́ Esau ger̄ kadə̄ nel̄ bɔbə̄n kə ngáń kə́ dəyá̰ kə́ Kanaan gēé alé.

JEREMI 10:11

Yá̰á̰ ń ā ə́daīdə́ ní n toó: Nə́ɓā gə̄ ń rāān̄ dɔ rā̰ aĺ ō, dɔ nang aĺ ō ní, a gətóon̄ kɔ̄ɔ́ dɔ nang tə́ ō, gír rā̰ tə́ ō.

2 MBAN̄G 19:15

ba ndɔ̄ȳ əda na: Kɔ́ɔ̄ɓē Nə́ɓā yā Israel, ḭ̄ ń ī-ndi dɔɔ́ dɔ ngé ngɔ̄m̄ loo kə́ dɔ rā̰ tə́ gə̄ tə́ ní, i ḭ̄ kógə̄ḿ beē ngóy n i Nə́ɓā kə́ tām̄ yā ɓē ko̰o̰ gə̄ malang kə́ dɔ nang tə́ tə́, tām̄ i ḭ̄ n ī-rāā dɔ rā̰ ō, dɔ nang ō ní.

Teē Ngán Israel gə̄ 34:16

Ré ī-táāī ngáńdə́ kə́ dəyá̰ gə̄ ādī ngáńsí kə́ dəngam gə̄ anī, ngáńdə́ kə́ dəyá̰ gə̄ ní a rāān̄ kadə̄ ngáńsí kə́ dəngam gə̄ a rāān̄ ɓesə̄ yādə́ gə̄.

NEHEMI 9:6

I īkɔ́ ngóy kal kógə̄ḿ beē n i Kɔ́ɔ̄ɓē ní! I ḭ̄ n ī-rāā dɔ rā̰ adə̄ bo ngá̰ý ní ō, i ḭ̄ n ī-rāā tə́yō̰ gə̄ malang kə́ dɔ rā̰ tə́ ō, i ḭ̄ n ī-rāā dɔ nang kə yá̰a̰ malang kə́ tū tə́ ō, bā bo gə̄ kə yá̰a̰ malang kə́ kum tə́ gə̄ ō ní. I ḭ̄ n ī-rāā ādə̄ yá̰a̰ gə̄ ń noō malang ndin̄ kə kumdə́ ní ō, i ḭ̄ n yá̰a̰ malang kə́ dɔ rā̰ tə́ a əsō kə̄ nang tə́ a rɔyī ō ní.

2 YÁ̰A̰ GƏ̄ 2:12

Adə̄ ngɔlaā ní m-ə́la kə kɔdə̄ kógə̄ḿ kə́ ger̄ yá̰á̰ ngá̰ý m-ādī. Rīn na i Hiram Abi.

JOJUE 2:12

Ngɔlaā ní ī-túbə ādə̄mī kə rī Kɔ́ɔ̄ɓē, kadə̄ ā ī-rāāī kem majə kə de gə̄ kə́ gír kojə yāḿ tə́ tītə̄ ń m̄-rāań kem majə sesí ní.

NDŪ NAJƏ̄ 10:20

I Kɔ́ɔ̄ɓē Nə́ɓā yāsí n ā ī-ɓōlíī ndílən ō, ā ī-rāāī kəla yān ō, ā ə́hɔī gōn ō, ā ə̄nīī ndūsí i kə rīneé ō ní.

NDŪ NAJƏ̄ 6:13

I ni ngóy n ā ī-ɓōlíī ndílən ō, ā ī-ndɔ̄ȳniī ō, ā ī-túbiī kə rīneé ō ní.

TƏ́DA 5:21

ādə̄ Kɔ́ɔ̄ɓē rāāī yá̰á̰ kə́ tōr̄ tām̄ yā yá̰á̰ kə́ majaĺ kə́ ī-rāā tə́. Ādə̄ Kɔ́ɔ̄ɓē rāā adə̄ ī-tél dəyá̰ kə́ kujə ō, rāā adə̄ kemií tíī ō, yā kadə̄ de gə̄ kə́ kem ɓē yāí tə́ gə̄ a unən̄ i rīí n a túbənə̄ń ní.

Teē Ngán Israel gə̄ 23:13

Ā ə̄ndāī kumsí gíŕ yá̰a̰ gə̄ ń m-ɔ́jə́sí kadə̄ ī-rāāī tə́ ní malang. Ā ī-ɓāríī ɓesə̄ gə̄ ń i nə́ɓā kə́ rang gə̄ ní kadə̄ dḭḭ̄n̄sí aĺ ō, ādī deē oō rīdə́ tasí tə́ aĺ ō.

Teē Ngán Israel gə̄ 20:7

Ā ī-ɓāŕ rīḿ kanjə̄ kumən alé, tɔdɔ̄ deē ń a ɓāŕ rīḿ kanjə̄ kumən ní, mā Kɔ́ɔ̄ɓē Nə́ɓā yāí m-ā m-ə́ya̰n karī alé.

TA KƏLA 50:25

Jəjep mēr̄ ngán Israel gə̄ kadə̄ ənīn̄ ndūdə́, əda na loo ń Nə́ɓā a dḭḭ̄də́ yā teē sedə́ anī, kə ɔyn̄ kə̄ngān gə̄ kə aw̄nəń.

TA KƏLA 27:46

Rebeka əda Isaak na: Nelə̄m̄ kə rɔ̄ḿ to̰ alé sɔɔ̄ń dəyá̰ Het gə̄ ń Esau taā ní. Ré Jakob taā dəyá̰ dɔ nang ń toō tə́ ɓáý to̰ anī, ndiḿ kə kumḿ to̰ aĺ i só tə́.

TA KƏLA 21:23

Adə̄ ə̄nī míndí kə rī Nə́ɓāá ādə̄m̄ kadə̄ ā ī-gólə̄m̄ mā aĺ ō, ngánə́ḿ gə̄ aĺ ō, ngán kaaḿ gə̄ aĺ ō. Tītə̄ ń m̄-rāań kem majə seí ní, ī-rāā kem majə seḿ ō, kə ɓē ń ī-ndi tū tə́ toō ō.

TA KƏLA 14:19

Ni-tɔ́r̄ tan dɔ Abəram tə́, əda na: Ādə̄ Nə́ɓā kə́ dɔɔ́ sa̰y ngá̰ý ń i nge kəndā dɔ rā̰ ō, dɔ nang ō, ní rāā majə kə Abəram.

TA KƏLA 6:4

Dan ń noó tə́ ní de kə́ ngāl̄ ngá̰ý gə̄ ndin̄ dɔ nang tə́. I nin̄ n i go̰ rɔ̄ɔ̄ kə́ jóo gə̄ ń rīdə́ ɓār̄ ngá̰ý ní. I ngáń Nə́ɓā gə̄ ń táān̄ ngáń kə́ dəyá̰ yā de gə̄ ní n ojən̄də́ ní.

TA KƏLA 6:2

ngáń Nə́ɓā gə̄ a̰a̰n̄ ngáń kə́ dəyá̰ yā de gə̄ ní mandən̄ ngá̰ý ta kumdə́ tə́, adə̄ táān̄ ngé gə̄ ń nin̄ gə̄rān̄də́ ní kə́ dəyá̰ gə̄ tə́.

HEBƏRO 6:16

Loo ń ré de gə̄ a túbə̄n̄ anī, túbə̄n̄ i kə rī de kə́ bo tɔȳdə́ gēé ō, túbə̄ i yá̰á̰ kə́ a rāā adə̄ deē taā kem najə̄ kɔr̄ deē ō, a rāā adə̄ gír nējə̄ naā najə̄ dɔ yá̰á̰ tə́ a gān̄g ō.

SOPONI 1:5

Ngé kal̄ dɔ kújə́ dúŕ dur gə̄ tə́ yā ndɔ̄yń tə́yō̰ gə̄ ní, m-ā m̄-rāādə́ kadə̄ nin̄ a gətóon̄ kɔ̄ɔ́. Ngé gə̄ ń a rɔȳmə̄n̄ ō, a túbən̄ kə nə́ɓā Milkom ō ní, m-ā m̄-rāādə́ kadə̄ nin̄ a gətóon̄ kɔ̄ɔ́.

JEREMI 12:16

Ba ré nin̄ ndóōn̄ kun háĺ kə́ majə tītə̄ yā gír deē yāḿ gə̄ ō, ré túbə̄n̄ kə rīḿ ədan̄ na: Tītə̄ ń Kɔ́ɔ̄ɓē ndiń kə kumneé noō, tītə̄ ń ɔjən̄neé gír deē yāḿ gə̄ loo túbə̄ kə rī Baal ō ní anī, a əngen̄ loo yā ndiń dan gír deē yāḿ gə̄ tə́.

JEREMI 4:2

Ré ī-túbə̄ ə́da na: Tītə̄ ń Kɔ́ɔ̄ɓē ndiń kə kumneé noō, ba ī-túbə̄ i dɔ najə̄ kə́ rɔ̄kum tə́ ō, i kem háĺ kə́ súmūú tə́ ō, kem yá̰a̰ rāā kə́ gōtə́ tə́ ō anī, nápar de gə̄ a tɔ́rə̄n̄ tadə́ dɔ naā tə́ ō, a rɔyn̄ naā ō, kə kūl̄neé.

IJAI 65:16

Kem ɓēé ní, ré deē ndigə ndə̄ngā ndi majə yā deē kógə̄ḿ anī, a un i rī Nə́ɓā kə́ nge ra dɔ ndūn tə́ n a tɔ́rəń tan dɔ deē ní tə́ ní. Nge kənī ndūn kə ngangá a un i rī Nə́ɓā kə́ nge ra dɔ ndūn tə́ n a túbəń yā kənīń ndūn ní. Kɔ́ɔ̄ɓē əda na: Wur kɔl kə́ mān̄ kɔ̄ɔ́ gə̄ ní, dɔ de gə̄ a ndígə̄nal kɔ̄ɔ́, nin̄ a hində̄n̄ lim kɔ̄ɔ́ sa̰y ta kumḿ tə́.

IJAI 48:1

Kojə yā Jakob gə̄, sḭḭ̄ ń rī Israel ɓār̄ dɔsí tə́ ō, i Juda n ojəsí ō ní, ōōī. Sḭḭ̄ ī-túbiī kə rī Kɔ́ɔ̄ɓēé ō, ɔ̄rī najə̄ yā yá̰a̰ gə̄ ń Nə́ɓā yā Israel rāā ní ō, banī sḭḭ̄ i de kə́ rɔ̄kum gə̄ aĺ ō, de kə́ súmūú gə̄ aĺ ō.

IJAI 45:23

Tītə̄ ń mā i Nə́ɓā kə́ rɔ̄kum noó, m̄-túbə̄ njaḿ, m-ɔ́jəń kadə̄ i rɔ̄kum, yá̰á̰ ń teē taḿ tə́ ní, i yá̰á̰ kə́ rɔ̄kum. Najə̄ kógə̄ḿ kə́ m-ā m̄-tūr̄ kem kār̄ kə́ rang tə́ aĺ n toó: Deē ndul gə̄ malang a ɔsən̄ kejədə́ nang tə́ noḿ mā tə́ ō, nin̄ a túbə̄n̄ yā kɔjəń kadə̄ i rɔ̄kum ō, a ədan̄ na:

PĀ GƏ̄ 115:15

Ādə̄ Kɔ́ɔ̄ɓē rāā majə sesí, ni ń i nge rāā dɔ rā̰ ō dɔ nang ō ní!

1 SAMUEL 20:17

Jonatan mēr̄ Dabid túbə kadə̄n ɓáý to̰ kə rī táŕ ń aw̄ń kemən tə́ tām̄ yān tə́ ní. Tɔdɔ̄ nəkɔ́ Jonatan tár Dabid kə ngarā̰ kemənneé malang.

LEBI GƏ̄ 19:12

Úniī rīḿ ī-túbiīń dɔ sor̄ tə́ alé, na sōgə́ ī-nujiī rāā Nə́ɓā yāsí. Mā i Kɔ́ɔ̄ɓē.

Teē Ngán Israel gə̄ 22:11

Ba ré ɓogən̄ dā̰ ní dɔ kum madə̄ ɓēn ní tə́ i ɓēé looneé anī a əgā kə̄rā dā̰ ní.

TA KƏLA 14:22

Abəram tél əda mban̄g kə́ Sodom na: M-ə́la jīḿ kə̄ dɔɔ́ ta kum Kɔ́ɔ̄ɓē Nə́ɓā kə́ dɔɔ́ sa̰y ngá̰ý tə́, ni ń i nge kəndā dɔ rā̰ ō, dɔ nang ō ní.

TA KƏLA 24:7

Kɔ́ɔ̄ɓē Nə́ɓā kə́ dɔ rā̰ tə́ ń teē seḿ kɔ̄ɔ́ ɓē bɔbə́ḿ ō, ɓē ngééḿ gēé ō ní, ɔr̄ najə̄ seḿ ō, ənī míndən adə̄m̄ ō, əda na dɔ nang ń toō n-a n-adə̄ ngán kaaḿ gə̄. Ní, nəkɔ́ a əla deē yān kə́ dɔ rā̰ tə́ kété noí tə́, adə̄ ā ī-taā dəyá̰ i nú tām̄ yā ngōnə̄ḿ tə́.

TA KƏLA 28:1

Isaak ɓāŕ Jakob, tɔ́r̄ tan dɔn tə́ ba ədan na: Ī-lōō taā dəyá̰ dan ngáń kə́ dəyá̰ gə̄ kə́ Kanaan tə́.

TA KƏLA 47:31

Jakob tél ədan na kə túbə kə adə̄n. Anī Jəjep túbə adə̄n. Loo ń noō tə́ Israel əsō kə̄ nang tə́ dɔ tə̄rá yān tə́.

NGÉ SARYA 14:3

Bɔbə̄n nin̄ kə kó̰o̰neé ədanən̄ na: Dəyá̰ kə́ yā kadə̄ ī-taā dan ngééí gə̄ tə́ aláa dan ngán Israel gə̄ tə́ gətóo i mbéé á kə āw̄ dan Pilistin gə̄ kə́ ngé kəja mɔtədə́ aĺ gə̄ tə́ tá kə ī-taā a? Banī Samso̰ əda bɔbə̄n na kə taā dəyá̰ ní kə adə̄n tɔdɔ̄ i ni n na nelə̄n seneé ní.

PĀ GƏ̄ 136:26

Ī-tɔ̄yī Nə́ɓā kə́ dɔ rā̰ tə́, tɔdɔ̄ kem majə yān to ngándáńg.

TA KƏLA 34:9

Ī-rāāī madə̄ naā sejí, ādījí ngáńsí kə́ dəyá̰ gə̄ ādə̄ jə-taā ō, ī-taāī yājí gə̄ ō.

TA KƏLA 38:2

Ni a̰a̰ ngōn̄ kə́ dəyá̰ yā Kanaan kógə̄ḿ kə́ rīn na i Sua noó. Ni taā ngōn̄ kə́ dəyá̰ ní.

1 SAMUEL 30:15

Dabid dəjen na ké ndigə kɔrən ta róbə yā kaw̄ seneé gō ɓūtə̄ ngé ɓogə gə̄ ní tə́ wa. Anī deē ní tél ədan na: Ré ə̄nī míndí kə rī Nə́ɓāá ādə̄m̄ kadə̄ ā ī-tɔ̄lə̄m̄ aĺ ō ā ī-tél yā kəlam̄ jī kɔ́ɔ̄ḿ tə́ gogə́ to̰ aĺ ō anī, m-ā m-ɔ́riī ta róbə yā kaw̄ seí gōdə́ tə́.

ESDRAS 5:11

Nin̄ tél ədan̄jí na nin̄ na i ngé rāā kəla gə̄ yā Nə́ɓā kə́ kɔ́ɔ̄ dɔ rā̰ ō dɔ nang ō. Na i kújə́ kə́ mban̄g kógə̄ḿ kə́ bo kə́ Israel tə́ rāā jóó ngá̰ý n ra na n-a n-rāān̄ gogə́ rang ní.

JEREMI 29:6

Ī-táāī dəyá̰ gə̄ ojiīneé ngáń kə́ dəngam gə̄ ō, kə́ dəyá̰ gə̄ ō, ī-táāī dəyá̰ gə̄ ādī ngáńsí kə́ dəngam gə̄ ō, ādī ngáńsí kə́ dəyá̰ gə̄ táān̄ dəngam gə̄ ō, yā kadə̄ ojən̄neé ngáń kə́ dəngam gə̄ ō, kə́ dəyá̰ gə̄ ō. Ójiī naā ngá̰ý loo ń ī-ndiī tū tə́ tə́ noō. Ādə̄ kutəsí tél kə̄ gogə́ alé.