TA KƏLA 24:12 - Bibəl ta Sar̄

¹² Ni-ndɔ̄ȳ Nə́ɓā, əda na: Kɔ́ɔ̄ɓē, Nə́ɓā yā kɔ́ɔ̄ḿ Abəraham, m̄-rāāī ɓɔ́, ī-rāā ādə̄ m-ə́ngé yá̰á̰ ń m̄-reē sāāá ní ɓōólaā. Ɔ́jə kem majə yāí kə́ tām̄ yā kɔ́ɔ̄ḿ Abəraham tə́ kə̄ ndágá.

Bible sar

¹² Ni-ndɔ̄ȳ Nə́ɓā, əda na: Kɔ́ɔ̄ɓē, Nə́ɓā yā kɔ́ɔ̄ḿ Abəraham, m̄-rāāī ɓɔ́, ī-rāā ādə̄ m-ə́ngé yá̰á̰ ń m̄-reē sāāá ní ɓōólaā. Ɔ́jə kem majə yāí kə́ tām̄ yā kɔ́ɔ̄ḿ Abəraham tə́ kə̄ ndágá.

TA KƏLA 24:12 Referans Kwoze

TA KƏLA 24:27

əda na: m̄-tɔ̄ȳ Kɔ́ɔ̄ɓē Nə́ɓā yā kɔ́ɔ̄ḿ Abəraham ń ɔjə kɔ́ɔ̄ḿ kem majə yān kə́ rɔ̄kum kə̄ ndágá ní. Kɔ́ɔ̄ɓē ndɔ́rə̄m̄ ta róbə bátə́ aw̄ seḿ ɓē ngé kɔ́ɔ̄ḿ gēé.

2 MBAN̄G 2:14

Ni-un kūbə̄ ní əndań man̄ bā ba əda na: Kɔ́ɔ̄ɓē Nə́ɓā yā Eli i rá? Adə̄ ni-ənda man̄ bā tītə̄ yā Eli ō. Man̄ kēgə̄ naā tə́ jōó anī ni mān̄ danaá.

Teē Ngán Israel gə̄ 3:15

Ə́dádə́ na i Kɔ́ɔ̄ɓē Nə́ɓā yā kaadə́ gə̄, adə̄ i Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō n əlaī rɔ̄də́ tə́ ní. Rīḿ ń a to ngándáńg kadə̄ de gə̄ a ɓāŕmə̄n̄neé kə dɔ ɓāl̄ gə̄ ní n noó.

Teē Ngán Israel gə̄ 3:6

Mā i Nə́ɓā yā bɔbí, Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō. Moijə ənī kūbə̄ utə̄ń ta kumən kɔ̄ɔ́ tɔdɔ̄ ni ɓōĺ ka̰a̰ Nə́ɓā.

TA KƏLA 26:24

Kɔ́ɔ̄ɓē ndɔ̄bə̄n ndɔ̄ɔ́ ədan na: Mā i Nə́ɓā yā bɔbí Abəraham. Ī-lōō ɓōĺ yá̰á̰ kógə̄ḿ, tɔdɔ̄ mā i naā tə́ seí, adə̄ m-ā m̄-rāā majə seí. M-ā m̄-rāā kadə̄ ngání gə̄gē, ngán kaaí gə̄gē, a bəlan̄ tām̄ táŕ ń m̄-tár nge kəla yāḿ Abəraham tə́ ní.

TA KƏLA 24:48

Gō tə́ anī m-ɔ́sə noḿ nang tə́, m̄-tɔ̄ȳ Kɔ́ɔ̄ɓē, Nə́ɓā yā kɔ́ɔ̄ḿ Abəraham, ni ń reē seḿ kə gōó adə̄ m̄-taā ngōn̄ kaa ngōkó̰ó̰ kɔ́ɔ̄ḿ tām̄ yā ngōnə̄n tə́ ní.

TA KƏLA 24:42

Ɓōólaā, loo ń m-ūgə̄ dɔ bəlo maná ní, m̄-ndɔ̄ȳ Nə́ɓā m-ə́da na: Kɔ́ɔ̄ɓē, Nə́ɓā yā kɔ́ɔ̄ḿ Abəraham, ī-rāā ādə̄ mbā yāḿ ń toō majə.

PILIPƏ 4:6

Ī-sōlī yá̰á̰ kógə̄ḿ alé. Ba tū yá̰a̰ gə̄ tə́ malang ɓáa, yá̰á̰ ń ndoōn rāāsí ní, ī-dəjeī Nə́ɓā kə ndɔ̄yɔ̄ɔ́ ō, ī-rāāniī ɓɔ́ ō, ī-ndadə̄ ādə̄niī ō.

MATIYE 22:32

Nə́ɓā əda na: Mā i Nə́ɓā yā Abəraham ō, yā Isaak ō, yā Jakob ō. Jeju ədadə́ dɔ tə́ ɓáý to̰ na, mā i Nə́ɓā yā de gə̄ kə́ ndin̄ kə kumdə́ gə̄, ba i Nə́ɓā yā de kə́ koy gə̄ alé.

Gōsə̄ najə̄ gə̄ 3:6

Tū yá̰a̰ rāāí gə̄ tə́ malang ní majə kadə̄ ī-gerə̄n, loo ń noō tə́ ni a ɔjiī loo rāā yá̰a̰.

PĀ GƏ̄ 127:1

Pā kə́ yā kaw̄ń loo kə́ táĺ tə́. I pā yā Salomo̰. Ré Kɔ́ɔ̄ɓē əndā kújə aĺ anī, ngé kəndā kújə gə̄ rāān̄ kəla i ndāńg. Ré Kɔ́ɔ̄ɓē ngɔ̄m̄ ɓē aĺ anī, ngé ngɔ̄m̄ loo gə̄ ɔgə̄n̄ kumdə́ ɓīī i ndāńg.

PĀ GƏ̄ 122:6

Ī-dəjeī lápə́ya tām̄ yā ɓē kə́ Jerusalem tə́. Ɓē kə́ Jerusalem, ādə̄ ngé gə̄ ń nel̄də́ seí ngá̰ý ní ndin̄ jəke kanjə̄ sōl̄ yá̰á̰ kógə̄ḿ.

PĀ GƏ̄ 118:25

Kɔ́ɔ̄ɓē, ájə́jí! Kɔ́ɔ̄ɓē, ī-rāā ādə̄ jə-tetə rɔ̄ɔ̄!

PĀ GƏ̄ 37:5

Ə́ya̰ rɔ̄í kem jī Kɔ́ɔ̄ɓē tə́. Ə̄ndā kemií dɔn tə́ anī ni a rāā yá̰a̰ tām̄ yāí tə́.

NEHEMI 2:4

Mban̄g dəjem̄ na ké i rí n m̄-gḛy kadə̄ n-adə̄m̄ ní wa. Anī m̄-ndɔ̄ȳ Nə́ɓā kə́ dɔ rā̰ tə́,

NEHEMI 1:11

Kɔ́ɔ̄ɓē, m̄-rāāī ɓɔ́, ī-nēl̄ mbīí ōoń ndɔ̄ȳ yāḿ mā nge kəla yāí ō, ndɔ̄ȳ yā gotə ngé kəla yāí kə́ rang gə̄ ń rɔ̄də́ nel̄də́ loo ɓōĺ ndūí tə́ ní ō. Ī-rāā ādə̄ yá̰á̰ ń m-ā m̄-rāā loon ɓōólaā ní teē yá̰a̰ ō, ī-rāā ādə̄ dəngam ń noō rāā kem majə seḿ ō. Dan ngeé ń noō tə́ ní mā i nge kadə̄ mban̄g yá̰a̰ ka̰ȳ.

1 MBAN̄G GƏ̄ 18:36

Dan ń kum mbang tun̄ yá̰á̰ kə́ loo sɔlí asə anī, Eli ndɔ́tə̄ kə̄ ta loo tun̄ yá̰á̰ tə́ ba əda na: Kɔ́ɔ̄ɓē, Nə́ɓā yā Abəraham ō, yā Isaak ō, yā Jakob ō, ɔ́jə kə̄ ndágá ɓōólaā ādə̄ de gə̄ gerə̄n̄ kadə̄ i ḭ̄ n i Nə́ɓā dɔ nang kə́ Israel tə́ ō, mā i nge kəla yāí ō, m̄-rāā yá̰a̰ gə̄ ń toō malang i kə gō najə̄ kə́ taí tə́ ō.

TA KƏLA 43:14

Kadə̄ Nə́ɓā kə́ bo kə́ tɔ́gən i ngá̰ý kə rāā kadə̄ kum dəngam ní kə o̰o̰n tām̄ yādə́ tə́, kadə̄ kə əya̰ ngōkó̰ó̰də́ Simeo̰ ō, Benjamḛ ō, kadə̄ kə tél reēn̄ sedə́. Ni tā anī ré i yā kadə̄ n-ndi kanjə̄ ngánən gə̄ anī, kadə̄ kə n-ndi tītə̄ kə́ na n-ojə ngōn̄ aĺ beé.

TA KƏLA 32:9

ba əda na ré Esau reē rɔ̄ɔ̄ gír ɓūtə̄ kə́ kógə̄ḿ tetən rɔ̄ɔ̄ anī, ɓūtə̄ kə́ kógə̄ḿ na a ənge ta róbə yā ka̰ȳń.

TA KƏLA 31:42

Ré Nə́ɓā yā kaaḿ Abəraham, nge ń Isaak a ɓōlə́n ní i seḿ aĺ anī, ā ī-tə̄ɓām̄ i jīḿ karī. Nə́ɓā a̰a̰ tápə̄ yāḿ ō, a̰a̰ kəla ń m̄-rāā kə jīḿ ní ō, adə̄ ndɔ̄ɔ́ laā ni gān̄g i sarya kə́ majə tām̄ yāḿ tə́.

TA KƏLA 28:13

Kɔ́ɔ̄ɓē ra non tə́ ədan na: Mā i Kɔ́ɔ̄ɓē Nə́ɓā yā kaaí Abəraham ō, Nə́ɓā yā Isaak ō. Dɔ nang ń ī-to tū tə́ toō m-ā m-ādə̄sí sḭḭ̄ kə ngání gə̄ ō, ngán kaaí gə̄ ō.

TA KƏLA 27:20

Isaak əda na: Ngōnə̄ḿ, ī-rāā i ba̰ý n ə́ngeń dā̰ láẃ beé? Jakob tél əda na: I Kɔ́ɔ̄ɓē Nə́ɓā yāí n reē seneé noḿ tə́ ní.

TA KƏLA 27:10

Ā āwń yā kadə̄ bɔbí əsa ba tɔ́rəń tan dɔí tə́ pá tá oy ɓáý.

TA KƏLA 15:1

Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

TA KƏLA 24:21

Dəngam ní əndā kumən dɔn tə́ kə tan kə́ mbóó, yā ka̰a̰ń ké Kɔ́ɔ̄ɓē a rāā kadə̄ mbā yān a majə aké a majaĺ wa.

TA KƏLA 32:10

Jakob əda na: Nə́ɓā yā kaaḿ Abəraham, Nə́ɓā yā bɔbə́ḿ Isaak, i ḭ̄ Kɔ́ɔ̄ɓē n ə́dam̄ na kə m̄-tél kə m-āw̄ ɓē kojəḿ tə́ rɔ̄ ngééḿ gə̄ tə́, na ā ī-rāā seḿ majə ní.