TA KƏLA 24:11 - Bibəl ta Sar̄

¹¹ Dan ń aw̄ ugə̄ dɔ bəlo man̄ kə́ gidə ɓēé tə́ anī, adə̄ jámbal gə̄ tétə̄n̄ kejədə́ nang tə́ ɔrə̄n̄ koō. I kum mbang kə́ loo sɔlí ń dəyá̰ gə̄ a reēn̄ kuȳ maná tə́ ní.

Bible sar

¹¹ Dan ń aw̄ ugə̄ dɔ bəlo man̄ kə́ gidə ɓēé tə́ anī, adə̄ jámbal gə̄ tétə̄n̄ kejədə́ nang tə́ ɔrə̄n̄ koō. I kum mbang kə́ loo sɔlí ń dəyá̰ gə̄ a reēn̄ kuȳ maná tə́ ní.

TA KƏLA 24:11 Referans Kwoze

1 SAMUEL 9:11

Dan ń unən̄ róbə́ kə́ əta tan kə̄ dɔɔ́ ta kaw̄ kə̄ kem ɓēé anī, dərān̄ ngámandə gə̄ kə́ ḭḭn̄ kem ɓē ní tə́ a reēn̄ kə̄ kuȳ maná. Dəjen̄də́ na ké nge ka̰a̰ yá̰a̰ ndi noó wa.

JA̰A̰ 4:7

Dəyá̰ kógə̄ḿ kə́ Samari reē kuȳ maná. Anī Jeju dəjen na kə adə̄n man̄ tə́ kadə̄ n-a̰ȳ.

Teē Ngán Israel gə̄ 2:16

Nge tun̄ yá̰á̰ kə́ Madian ń rīn na i Jetəro ní ngánən kə́ dəyá̰ gə̄ i sīrí. Ngáń kə́ dəyá̰ gə̄ ní reēn̄ kuȳ maná kadə̄ rosə kem yá̰a̰ ka̰ȳ man̄ yā dā̰ gə̄ kadə̄ yá̰a̰ kul̄ yā bɔbə̄də́ gə̄ reē a̰ȳn̄.

Gōsə̄ najə̄ gə̄ 12:10

De kə́ súmūú a̰a̰ gō dā̰ yān gə̄ majə, banī kum ngé kem ndul gə̄ o̰o̰də́ alé.

TA KƏLA 24:42

Ɓōólaā, loo ń m-ūgə̄ dɔ bəlo maná ní, m̄-ndɔ̄ȳ Nə́ɓā m-ə́da na: Kɔ́ɔ̄ɓē, Nə́ɓā yā kɔ́ɔ̄ḿ Abəraham, ī-rāā ādə̄ mbā yāḿ ń toō majə.

TA KƏLA 29:2

Ni-a̰a̰ bəlo man̄ kógə̄ḿ bembeé. Ba gír ɓūtə̄ batə̄ gə̄ mətá ra a ɔrə̄n̄ koō kadə tə́, tɔdɔ̄ a adə̄n̄ yá̰a̰ kul̄ gə̄ man̄ i dɔ bəlo man̄ ngeé ń noō tə́. Mbal̄ kə́ ta bəlo man̄ ní tə́ i kə́ bo ngá̰ý.

Teē Ngán Israel gə̄ 2:15

Parao̰ oō najə̄ ní, adə̄ a sāā tɔ̄l̄ Moijə. Banī Moijə a̰ȳ aw̄ dɔ nang kə́ Madian tə́, aw̄ ndi ta bəlo man̄ kógə̄ḿ tə́.

NGÉ SARYA 5:11

Ngé nə̄ɓō yá̰á̰ kə́ kəhɔ ta rɔ̄ɔ̄ tə́ gə̄ ń ran̄ kadə loo ka̰ȳ man̄ yā yá̰a̰ kul̄ gə̄ tə́ ní, ənīn̄ gotə rɔ̄ɔ̄ gə̄ ń Kɔ́ɔ̄ɓē tetə ní, ənīn̄ gotə rɔ̄ɔ̄ gə̄ ń Kɔ́ɔ̄ɓē ɔjəń tɔ́gən ta kum ngán Israel gə̄ tə́ ní. Anī deē yā Kɔ́ɔ̄ɓē gə̄ kánə̄n̄ naā ta róbə gə̄ kə́ yā kudəń kə̄ kem ɓēé tə́.