TA KƏLA 23:4 - Bibəl ta Sar̄

⁴ Mā i nge nam̄ dɔ dáńsí tə́, adə̄ ādə̄mī bāá yāsí kógə̄ḿ tə́ ādə̄ m̄-dubə̄ń nīń nə̄yá̰ḿ.

Bible sar

⁴ Mā i nge nam̄ dɔ dáńsí tə́, adə̄ ādə̄mī bāá yāsí kógə̄ḿ tə́ ādə̄ m̄-dubə̄ń nīń nə̄yá̰ḿ.

TA KƏLA 23:4 Referans Kwoze

HEBƏRO 11:9

I kə ta kūl̄ taā kem n ni-aw̄ ndi tītə̄ tə̄rā beé, dɔ nang ń Nə́ɓā ənī míndən dɔ tə́ adə̄n ní. Ni-ndi i kem kújə tandā tə́ tītə̄ yā Isaak ō, Jakob ō ń. Nə́ɓā ənī míndən yā kadə̄də́ dɔ nang ń toō tītə̄ yān ō ní.

1 YÁ̰A̰ GƏ̄ 29:15

Tɔdɔ̄ ta kumií tə́ ní, jḭḭ i tə̄rā gə̄ ō, ngé nam̄ gə̄ ō, tītə̄ yā kaají gə̄ malang. Ndɔ̄jí gə̄ ń jə-ndiń kə kumjí dɔ nang tə́ ní mānə̄n̄ láẃ ngá̰ý tītə̄ ndíl beé ō, j-asə kənī ndɔ̄jí ta madə̄ tə́ aĺ ō.

TA KƏLA 17:8

Dɔ nang kə́ Kanaan ń ḭ̄ i mbā tū tə́ toō, m-ā m-ādī ḭ̄ ō, ngán kaaí gə̄ ń a utə̄n̄ gōí ní ō. Dɔ nang ní a tél i dɔ nang yādə́ kə́ njɔ́ḿ gə̄ tə́ ō, mā i Nə́ɓā yādə́ ō.

PĀ GƏ̄ 119:19

Mā i mbā dɔ nang tə́, ī-lōō mundə̄m̄ gō míndí gə̄.

KƏLA RĀĀ 7:5

Nə́ɓā adə̄n loo dɔ nang ní tə́ alé, loo kə́ laan asə kə da nja deé gə̄gē adə̄n alé. Dan ngeé ń noō tə́ ní Abəraham ənge ngōn̄ aĺ ɓáý ɓá tā ba, Nə́ɓā ənī míndən yā kadən ni ō, ngán kaan gə̄ ń a reēn̄ gōn tə́ ní ō, dɔ nang ń toō yá̰a̰ haladə́ tə́.

PĀ GƏ̄ 39:12

Ḭ̄ ɔ́jə deē yá̰a̰ kə ndéy jīí tām̄ yá̰a̰ rāān kə́ gōtə́ aĺ tə́. Yá̰á̰ ń kemən gḛy ngá̰ý ní ī-nujəń kɔ̄ɔ́ tītə̄ yā kur̄ beé. Rɔ̄kum deē ndul i nél karī.

LEBI GƏ̄ 25:23

Deē a igə kə dɔ nangaá kə́ njɔ́ḿ gə̄ tə́ alé, tɔdɔ̄ ɓē i yāḿ mā Kɔ́ɔ̄ɓē. Ī-ndiī dɔ nang yāḿ tə́ i tītə̄ tə̄rā gə̄ kə́ ngé nam̄ gə̄ ō, tītə̄ de gə̄ kə́ əhɔn̄ loo ndinə̄ń ō ngóy.

TA KƏLA 49:30

Makəpela na i ndɔr̄ ń na ra sɔɔ̄n ta naā kə loo kə́ Mamre, dɔ nang kə́ Kanaan tə́ ní. Abəraham na mang ndɔr̄ ní jī Epəron tə́ na i yā kadə̄ bəlo ɓádə́ kə́ tū tə́ kə tél loo ɓádə yān yā dubə̄ń nīń gə̄.

1 PIYER 2:11

Kó tár gə̄, sḭḭ̄ ń i mbā gə̄ ō tə̄rā gə̄ ō dɔ ɓē kə́ rang tə́ ní, m̄-dəjesí kadə̄ ī-mbātíī yá̰a̰ gə̄ ń ngurdə́ asəsí nák ní.

KOHELET 12:7

Loo ń noō tə́ ní dā̰ rɔ̄ deē téĺ nán̄g gogə́ tām̄ rāānən̄ i kə nángāá ō, koō deē tél kə̄ rɔ̄ Nə́ɓā tə́ gogə́, tām̄ i Nə́ɓā n i nge kəla koō kem deē tə́ ní ō.

KOHELET 12:5

Loo ń noō tə́ ní, róbə́ kə́ əta tan kə̄ dɔɔ́ rāā adə̄ deē ɓōĺ ō, deē ɓōĺ njə̄rā ō. Dɔ deē ndaa bum tītə̄ kāgə̄ kə́ hútə̄ beé ō, rɔ̄ deē ɔȳn tītə̄ gaẃ kə́ ḭḭ ba tél əsō nang tə́ beē ō. Ndi kə kumuú yā deē aw̄ kɔ̄ɔ́ tītə̄ kan̄ kāgə̄ kə́ ḭḭ dɔɔ́ əsō beé ō. A̰á̰ā̰, ndɔ̄ kógə̄ḿ tə́ anī, de gə̄ kógə̄ḿ kógə̄ḿ a aw̄n̄ kum kə́ ɓádá. Loo kə́ ɓádá i kújə yā de kə́ ta tɔ̄l̄ ta tə́. Dəyá̰ kə́ ngé nōō yo gə̄ i kum róbə kɔsɔɔ́ kɔ̄ɔ́ ɓá.

KOHELET 6:3

De kógə̄ḿ asə kojə ngán gə̄ nja ɓú ō, ndi kə kumneé ɓāl̄ ngá̰ý ō. Ba ré rɔ̄n nelə̄n kem ɓāl̄ kə́ ngá̰ý gə̄ noō tə́ aĺ ō, deē dubə̄n kə gōó aĺ ō ní, kumən na i rí? Mā m-ə́da na yā ngōn̄ kə́ teē nīń i só tə́ tɔȳ yān.

Makətūbə̄ yā Job 30:23

Mā m̄-ger̄ majə kadə̄ ī-tél ā āw̄ seḿ i kə̄ ɓē yā yo tə́. I loo kənge naā yā de gə̄ malang ń ndin̄ kə kumdə́ ní.

TA KƏLA 50:13

Unən̄ nīnə́n aw̄nəń dɔ nang kə́ Kanaan tə́, aw̄ dubə̄n̄ Makəpela kadə loo kə́ Mamre tə́. Abəraham mang ndɔr̄ kə́ Makəpela ní jī Epəron ń ni i Het ní tə́ i yā kadə̄ bəlo ɓádə́ kə́ tū tə́ téləń bəlo ɓádə yān yā dubə̄ń nīń gə̄.

TA KƏLA 47:9

Jakob tél ədan na ɓāl̄ gə̄ ń na n-njə̄rań mbā ní na i ɓāl̄ ɓú kə kutə mətá. Ndɔ̄n gə̄ na təgān̄ láẃ ngá̰ý ō, ɓāl̄ gə̄ ń yá̰á̰ kə́ ngan̄g gə̄ na rāānənə̄ń ní na i ngá̰ý ō. Ɓālə̄n na asə gō yā bɔbə̄n ō, yā kaan gə̄ ō ń na njə̄rānəń mbā tə́ ní alé.

TA KƏLA 3:19

Ā ī-rāā kəla kə́ úy tətō tá ā ə́ngeń yá̰a̰ kəsa yāí, bátə́ kadə̄ ā ī-tél āwń gogə́ tū nán̄g ń ī-teē tū tə́ ní tə́. Tɔdɔ̄ rāāīn̄ i kə nángāá, adə̄ ā ī-tél kə̄ gogə́ gíŕ nángāá.

KƏLA RĀĀ 7:16

Ətōn̄də́ aw̄n̄ sedə́ Sisem, aw̄ ɓōkə́n̄də́ kem bāá ɓádə́ ń Abəraham mang kə naraá jī ngán Hamor kə́ bɔbə̄ Sisem tə́ ní.

TA KƏLA 23:5

Het gə̄ tél ədan̄ Abəraham na:

Teē Ngán Israel gə̄ 2:22

Sepora ojə ngōn̄ kə́ dəngam, anī Moijə əndā rīn na i Gersom, kumən na i nge nam̄, tɔdɔ̄ əda na ni na i nge nam̄ dɔ nang yā tə̄rā gə̄ tə́.