TA KƏLA 23:2 - Bibəl ta Sar̄

² Ni-oy i Kiryat Arba ń i Hebron ní, dɔ nang kə́ Kanaan tə́. Abəraham nōō nə̄yá̰n.

Bible sar

² Ni-oy i Kiryat Arba ń i Hebron ní, dɔ nang kə́ Kanaan tə́. Abəraham nōō nə̄yá̰n.

TA KƏLA 23:2 Referans Kwoze

TA KƏLA 23:19

Gō tə́ anī Abəraham dubə̄ nə̄yá̰n Sara bəlo mbal̄ kə́ kem ndɔr̄ kə́ Makəpela tə́ ń sɔɔ̄n̄ ta naā kə Mamre ń i Hebron ní, dɔ nang kə́ Kanaan tə́.

TA KƏLA 13:18

Abəram ndɔ́tə̄ kə kújə tandā yān gēé, aw̄ ndi ɓē mbo̰ō̰ kāgə̄ sén gə̄ kə́ Mamre tə́ kadə Hebron tə́ ngɔr. Ni-ɔy kūbə̄rū mbal̄ gə̄ tə́ndā dɔ naā tə́ loo ń noō tə́, rāań loo tun̄ yá̰a̰ tām̄ yā Kɔ́ɔ̄ɓē tə́.

NGÉ SARYA 1:10

Rɔ̄ɔ̄n̄ de kə́ Hebron gə̄ ō. Kété ní rī ɓē kə́ Hebron na i Kiryat Arba, adə̄ tɔ̄lə̄n̄ Sesay gə̄ ō, Ahiman gə̄ ō, Talmai gə̄ ō.

KƏLA RĀĀ 8:2

De kə́ ngé ɓōĺ Ndíĺ Nə́ɓā gə̄ dubə̄n̄ Etiyen ō, nōōnən̄ ngá̰ý ō.

JA̰A̰ 11:35

Jeju nōō.

JA̰A̰ 11:31

Loo ń Jipə gə̄ ń ndin̄ kə Mari kújú yā sɔl̄ kemən ní a̰ā̰n̄ Mari ḭḭ dɔɔ́ gandang ba teē anī, aw̄n̄ gōn tə́. Tɔdɔ̄ nin̄-gírə̄n̄ kadə̄ a aw̄ i kə̄ ta bəlo yo tə́ yā nōō.

JEREMI 22:18

Tā anī najə̄ ń Kɔ́ɔ̄ɓē əda sɔɔ̄ dɔ Joakim kə́ ngōn̄ Josias, mban̄g kə́ Juda tə́ ní n toó: Pā yo ń na: I yá̰á̰ kə́ to kum kaȳ aĺ kə́ ba̰ý beé, ngōkó̰ó̰ḿ kə́ dəngam, i yá̰á̰ kə́ to kum kaȳ aĺ kə́ ba̰ý beé, ngōkó̰ó̰ḿ kə́ dəyá̰ i yá̰á̰ kə́ to kum kaȳ aĺ kə́ ba̰ý beé, kɔ́ɔ̄ḿ. i yá̰á̰ kə́ to kum kaȳ aĺ kə́ ba̰ý beé, de kə́ bo ní deē a nōōnneé alé.

JEREMI 22:10

Ī-nōōī deē ń oy kɔ̄ɔ́ ní alé. Əhɔī ndoō tām̄ yān tə́ alé. Ba deē ń a aw̄ i mbéé ní ī-nōōniī ba ī-tél ī-nōōniī ɓáý to̰. tɔdɔ̄ ni a tél yā reē gogə́ kem ɓē kojən tə́ to̰ alé.

2 YÁ̰A̰ GƏ̄ 35:25

Jeremi nge koō ta rāā pā kógə̄ḿ nōoń Josias. Əla gír ndɔ̄ ń noō tə́ bátə́ ɓōólaā ní, gōsə̄ pā kə́ dəngam gə̄ ō, kə́ dəyá̰ gə̄ ō, malang a ɔrə̄n̄ i najə̄ yā Josias kem pā nōō rɔ̄ yādə́ gə̄ tə́, tɔdɔ̄ tél i jī bēl̄ loo rāā yá̰á̰ kə́ dɔ nang kə́ Israel tə́ kɔ̄ɔ́. Ndangən̄ pā gə̄ ní i kem makətūbə̄ pā nōō rɔ̄ gə̄ tə́.

2 SAMUEL 5:5

O̰o̰ ɓē Hebron ɓāl̄ sīrí kə núsə dɔ gír ɓē yā Juda tə́. Gō tə́ anī o̰o̰ ɓē Jerusalem ɓāl̄ kutə mətá gidə i mətá dɔ Israel gə̄ tə́ malang ō, dɔ Juda gə̄ tə́ ō.

2 SAMUEL 5:3

Kum kɔɔ̄ kə́ Israel tə́ gə̄ malang reēn̄ rɔ̄ mban̄g Dabid tə́ Hebron. Ni-əhɔ madə̄ naā sedə́ ta kum Kɔ́ɔ̄ɓē tə́ ō, urən̄ yibə̄ ngār dɔn tə́ əndānneé mban̄g kə́ Israel tə́ ō.

2 SAMUEL 2:11

Dabid o̰o̰ ɓē dɔ Juda gə̄ tə́ ɓāl̄ sīrí kə na mehḛ́. Ni-ndi i Hebron n a o̰o̰n ɓē ní.

2 SAMUEL 1:17

Loo ń noō tə́ Dabid un pā yo nōoń Saul nin̄ kə ngōnən Jonatan.

2 SAMUEL 1:12

Nin̄ nōōn̄ ō, ndin̄ ɓō tām̄ yā Nə́ɓā tə́ ō, bátə́ adə̄ loo tíbə dɔdə́ tə́, əhɔnə̄ń ndoō Saul nin̄ kə ngōnən Jonatan ō, əhɔnə̄ń ndoō ngán Israel gə̄ malang ń nin̄ i de gə̄ kə́ dan gír deē yā Kɔ́ɔ̄ɓē gə̄ tə́ ba oyn̄ ta rɔ̄ɔ̄ tə́ ní ō.

1 SAMUEL 28:3

Samuel oy kɔ̄ɔ́ adə̄ ngán Israel gə̄ malang rāān̄ yon ō dubə̄nən̄ kem ɓē yān tə́ Rama ō Saul ɔgə̄ kadə̄ deē oō ta kɔdə̄ sāā gə̄ dɔ nang yān tə́ ō.

1 SAMUEL 20:31

Banī ōō najə̄ ń toō majə, ré ngōn̄ Jese ń noō ndi kə kumneé ta kaw̄ jóo anī, ngəraī ḭ̄ a əhɔ nang aĺ ō, ngəra ko̰o̰ ɓē yāí a əhɔ nang aĺ ō. Adə̄ ī-mēr̄ kəhɔn ngɔr ń toō tə́ ādə̄ reēn̄ seneé adə̄mə̄n̄, tɔdɔ̄ ni-rāā yá̰á̰ kə́ asə yon.

JOJUE 20:7

Ngán Israel gə̄ ɔrə̄n̄ kam̄ Kedes kə́ Galile ń i ɓē kə́ gō nang ké mbalá yā Nepətali ní ō, Sisem ń i ɓē kə́ gō nang kə́ mbalá yā Epəraim ō, Kiryat Arba ń a ɓārə́n̄ na i Hebron ń i ɓē kə́ gō nang kə́ mbalá yā Juda ní ō tayā.

JOJUE 10:39

Nin̄ taān̄ ɓē kə́ Debir ō, tɔ̄lə̄n̄ mban̄g kə́ tū tə́ ō, taān̄ ɓē gə̄ ń ndin̄ kadə tə́ ní ō. Nin̄ tɔ̄lə̄n̄ de ké kem ɓēé gə̄ malang kə kəyā kaskaraá bāān̄neé dɔdə́ adə̄n̄ Nə́ɓā, əya̰n̄ deē kógə̄ḿ adə̄ ndi kə kumuú alé. Yá̰á̰ ń Jojue rāā kə ɓē kə́ Debir ō, kə mban̄g kə́ Debir ō ní, i tītə̄ yá̰á̰ ń ni-rāā kə ɓē kə́ Hebron ō, kə ɓē kə́ Libəna ō, kə mban̄g kə́ tū tə́ ō ní.

NDŪ NAJƏ̄ 34:8

Ngáń Israel gə̄ nōōn̄ Moijə ndɔ̄ kutə mətá ndágə loo gə̄ kə́ Moab tə́ pá tá kadə̄ asədə́ ɓáý.

TƏ́DA 20:29

Ngán Israel gə̄ malang a̰a̰n̄ kadə̄ Aaro̰ oy kɔ̄ɔ́ anī nōōnən̄ ndɔ̄ kutə mətá.

TƏ́DA 13:22

Nin̄ unən̄ gō nang kə́ Negeb ba aw̄n̄ bátə́ ugə̄n̄ Hebron, loo ń ngán Anak gə̄ ń, rīdə́ na i Ahiman ō, Sesay ō, Talmai ō, ndin̄ tū tə́ ní. Rāān̄ ɓē kə́ Hebron adə̄ rāā ɓāl̄ sīrí pá tá rāān̄ ɓē kə́ Soan kə́ dɔ nang kə́ Ejiptə tə́ ɓáý.

TA KƏLA 50:10

Dan ń aw̄ ugə̄n̄ loo kənda kōō yā Atad tə́ ń i gidə bā Jurdḛ tə́ ní anī, nōōn̄ yo nōō kə́ to ɓōĺ ngá̰ý loo ń noō tə́. Jəjep rāā yo bɔbə̄n ndɔ̄ sīrí rɔȳnəń.

TA KƏLA 27:41

Esau im̄ Jakob najə̄ tɔ́r̄ ta ń bɔbə̄n tɔ́r̄ tan dɔn tə́ ní. Ni-əda kə̄ kemən tə́ na: Bɔbə́ḿ a oy ngɔr. Ndɔ̄ ń bɔbə́ḿ a oy tə́ anī, m-ā m̄-tɔ̄l̄ Jakob.

TA KƏLA 23:1

Sara rāā ɓāl̄ ɓú kə kutə jōó kə kalən kə́ sīrí.

TA KƏLA 24:67

Gō tə́ anī Isaak aw̄ kə Rebekaá kem kújə́ ń kó̰o̰n Sara ndi tū tə́ kété ní adə̄ tél nə̄yá̰n. Ni-tár Rebeka ngá̰ý adə̄ ənge kem sɔl̄ gotə kó̰o̰n ń gətóó tə́ ní.

TA KƏLA 35:27

Jakob ugə̄ rɔ̄ bɔbə̄n Isaak tə́ Mamre, kadə Kiryat Arba ń a ɓārə́n̄ na i Hebron ní tə́. I loo ń Abəraham ō, Isaak ō, ndin̄ tū tə́ kété ní.

TA KƏLA 37:14

Israel ədan na kə aw̄ kə a̰a̰ ngákó̰o̰n gə̄ ké ton̄ karī ō, ké yá̰a̰ kul̄ gə̄ ton̄ karī ō wa, ba kə tél kə reē kə ədan kōōdə́. Israel ndi i wól loo kə́ Hebron tə́ n əlań Jəjep ní, adə̄ Jəjep ḭḭ aw̄ Sisem.

JOJUE 15:13

Gāngə̄n̄ dɔ nang adə̄n Kaleb ngōn̄ Yepune dan Juda gə̄ tə́, tītə̄ ń Kɔ́ɔ̄ɓē ədań Jojue ní. I ɓē ń rīn na i Kiryat Arba á i ɓē yā Arba ní n adə̄n̄ Kaleb ní. Arba i rī bɔbə̄ Anak.

JOJUE 15:54

Humeta ō, Kiryat Arba ń a ɓārə́n̄ na i Hebron ní ō, Sior ō, adə̄ ɓē i ndōhó naā tə́ kə ngán ɓē gə̄ ń ndin̄ kə gō gidií ní.

JOJUE 21:11

Ta kəga dɔ i Kiryat Arba. Arba i rī kaa Anak gə̄. Rī ɓē ní kə́ ngɔlaā na i Hebron. I ɓē gō nang kə́ mbaláa yā Juda tə́ Adə̄n̄də́ ɓē ní i naā tə́ kə dɔ nang gə̄ ń gīrə̄n̄ gidə ní.

NEHEMI 11:25

Gír kojə kə́rēý gə̄ kə́ Juda tə́ ndin̄ i kem ɓē kə́ ndágá gə̄ tə́: Ndin̄ i Kiryat Arba ō, kem ngán ɓē gə̄ kə́ gidə tə́ ō, Dibon ō, kem ngán ɓē gə̄ kə́ gidə tə́ ō, Yekabəsel ō, kem ngán ɓē gə̄ kə́ gidə tə́ ō,

TA KƏLA 50:1

Jəjep əsō kə̄ dɔ bɔbə̄n tə́, nōō kə man̄ kumneé ō, əhɔn kə̄ rɔ̄n tə́ ɓirə̄n dagə ō.

1 SAMUEL 25:1

Samuel oy. Ngán Israel gə̄ malang kánə̄n̄ naā ba nōōnən̄ ō rāān̄ yon ō. Dubə̄nən̄ i ɓē yān tə́ Rama. Gō tə́ anī Dabid aw̄ kem dəla loo kə́ Paran tə́.