TA KƏLA 23:11 - Bibəl ta Sar̄

¹¹ I beé alé, kɔ́ɔ̄ḿ. Ī-nēl̄ mbīí ōoń najə̄ yāḿ. M-ādī ndɔr̄ ō, m-ādī bəlo mbal̄ kə́ kemeé ō, karī ta kum gír deē yāḿ gə̄ tə́. Ī-dubə̄ nə̄yá̰í kemeé.

Bible sar

¹¹ I beé alé, kɔ́ɔ̄ḿ. Ī-nēl̄ mbīí ōoń najə̄ yāḿ. M-ādī ndɔr̄ ō, m-ādī bəlo mbal̄ kə́ kemeé ō, karī ta kum gír deē yāḿ gə̄ tə́. Ī-dubə̄ nə̄yá̰í kemeé.

TA KƏLA 23:11 Referans Kwoze

Najə̄ kə́ Majə yā Jeju ń Luk ndang ní 19:24

Anī ngār tél əda ngé gə̄ ń ndin̄ kum tə́ noō ní na: Ī-táāī sə́lē lɔ́r yān gə̄ kɔ̄ɔ́, ba ādī madə̄n ń yān i kutə ní.

IJAI 32:8

Banī de kə́ majə ɓōĺ ndíĺdə́ gə̄ ní, i yá̰á̰ kə́ súmūú gə̄ ngóy n nin̄ sāān̄ rāā ní ō, nin̄ a rāān̄ i yá̰á̰ kə́ ngáā gə̄ ō.

RUTƏ 4:11

Anī gír de gə̄ malang ń ndin̄ loo sarya tə́ ní ō, kum kɔɔ̄ gə̄ ō, ədan na: A̰á̰ā̰ jḭḭ i de kə́ kum tə́ yāí gə̄! Ādə̄ Kɔ́ɔ̄ɓē rāā kə dəyá̰ ń a aw̄ kújú jīí tə́ ní tītə̄ ń rāań kə Rasel nin̄ kə Lea adə̄ ojən̄ gír de gə̄ yā Israel ní! Ī-rāā yá̰á̰ kə́ de kə́ ngáā tə́ kem ɓē kə́ Epərata tə́ ō, ə̄ndā rī kem ɓē kə́ Betlehem tə́ ō!

RUTƏ 4:9

Tā anī Boj əda kum kɔɔ̄ gə̄ ō, de gə̄ malang ń ndiń sedə́ loo sarya tə́ ní ō na: Ɓōólaā sḭḭ̄ i kə́ kum tə́ yāḿ kadə̄ yá̰a̰ malang ń i yā Elimelek ō, i yā Kilyon nin̄ kə Malon ō ní, m̄-mang jī Noemi tə́ kɔ̄ɔ́.

RUTƏ 4:4

Ba mā m-ə́da na m-ā m-ə́daī kadə̄ ī-ger̄ gō ō, m̄-mērī mang loo ndɔr̄ ní ta kum kum kɔɔ̄ gə̄ yā gír de gə̄ yāḿ gə̄ tə́ ō, ta kum de kə́ rang gə̄ ń ndin̄ laā tə́ ní ō. Ta róbə gān̄g dɔ loo ndɔr̄ i yāí ḭ̄ ní ré ī-ndigə anī ī-gān̄g dɔ. Ba ré i-ndigə aĺ anī ə́dam̄ ādə̄ m̄-ger̄. Tɔdɔ̄ deē ń kadə̄ gān̄g dɔ loo ndɔr̄ ní i ḭ̄ ngóy, ba ré ɔ́də aĺ tá i mā ɓáý. Anī deē ní əda na n-ndigə gān̄g dɔ loo ndɔr̄ ní.

RUTƏ 4:1

Boj aw̄ ndi loo sarya tə́. Anī nge gān̄g dɔ ń ni-əda Rutə najə̄ yān ní a mān̄. Ni-ɓārə́n ba ədan na kə reē kə ndi laā. Anī deē ní reē ndi.

NDŪ NAJƏ̄ 19:15

Najə̄ ta de kə́ kum tə́ kə́ kal kógə̄ḿ beē asə kadə̄ deē gāngəń sarya dɔ de kə́ əndān̄ najə̄ tɔ̄l̄ deē dɔn tə́ tə́ aĺ ō, dɔ de kə́ əndān̄ najə̄ majaĺ kə́ rāā dɔn tə́ tə́ aĺ ō, dɔ de kə́ əndān̄ najə̄ rāā yá̰á̰ kə́rēý kə́ gōtə́ aĺ dɔn tə́ tə́ aĺ ō, banī i najə̄ ta de kə́ kum tə́ gə̄ kə́ asən̄ jōó aláa mətá n a ɔjə kadə̄ deē ní rāā yá̰á̰ ní rɔ̄kum ní.

NDŪ NAJƏ̄ 17:6

Deē a gān̄g sarya yo dɔ deē tə́ i kə ta kūl̄ najə̄ ta de kə́ kum tə́ kə́ kógə̄ḿ beē alé, banī i kə ta kūl̄ najə̄ ta de kə́ kum tə́ gə̄ kə́ asən̄ jōó aláa mətá.

TƏ́DA 35:30

Ré deē tɔ̄l̄ deē anī, a tɔ̄lə̄n̄ kɔ́ɔ̄ i kə gō najə̄ kə́ ta ngé kə́ kum tə́ gə̄ ń a̰a̰nən̄ loo tɔ̄l̄ de tə́ ní. Ba najə̄ ta de kə́ kum tə́ kə́ kal kógə̄ḿ beē a asə deē tɔ̄ləń ngé tɔ̄l̄ deē alé.

TA KƏLA 23:18

télən̄ yá̰a̰ yā Abəraham. Het gə̄ ń reēn̄ loo sarya tə́ malang ní, nin̄ i kum tə́.

TA KƏLA 23:6

Kɔ́ɔ̄jí, ōō najə̄ yājí. Ḭ̄ i ngār kə́ Nə́ɓā rāā majə seí dɔ dáńjí tə́. Ī-gə̄rā bāá kə́ nelī dan yājí gə̄ tə́ ī-dubə̄ń nə̄yá̰í. Deē kógə̄ḿ kə́ a ɔgī dubə̄ nə̄yá̰í kem bāá yān tə́ danjí tə́ laā gətóo.

TA KƏLA 23:12

Abəraham ɔsə non nang tə́ ta kum kósə de gə̄ tə́ ɓáý to̰,