TA KƏLA 22:9 - Bibəl ta Sar̄

⁹ Dan ń ugə̄n̄ loo ń Nə́ɓā ɔjə Abəraham tə́ ní anī, Abəraham ɔy kūbə̄rū mbal̄ gə̄ tə́ndā dɔ naā tə́ rāań loo tun̄ yá̰a̰, ba ɔsə̄ kīr̄ dɔ tə́. Ni-do̰ō̰ ngōnə̄n Isaak ənīn dɔ kīr̄ ní tə́.

Bible sar

⁹ Dan ń ugə̄n̄ loo ń Nə́ɓā ɔjə Abəraham tə́ ní anī, Abəraham ɔy kūbə̄rū mbal̄ gə̄ tə́ndā dɔ naā tə́ rāań *loo tun̄ yá̰a̰, ba ɔsə̄ kīr̄ dɔ tə́. Ni-do̰ō̰ ngōnə̄n Isaak ənīn dɔ kīr̄ ní tə́.

TA KƏLA 22:9 Referans Kwoze

JAKƏ 2:21

Kaají Abəraham ní, i tām̄ kəla rāān gə̄ tə́ n ni-téləń de kə́ gōtə́, tām̄ ndējə̄ ń ni-ndējə̄ ngōnən Isaak dɔ loo tun̄ yá̰á̰ tə́ ní aĺ a?

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

HEBƏRO 9:28

i tītə̄ ń noō n Kərist adə̄ rɔ̄n yá̰a̰ tun̄ tə́ nja kógə̄ḿ yā kunəń majaĺ yā de gə̄ ngá̰ý gə̄ kɔ̄ɔ́ ní. Ni a teē nja kə́ nge ko̰ jōó, i yā kun majaĺ kɔ̄ɔ́ to̰ alé, banī i yā kajə ngé gə̄ ń ndi ngóōnən̄ ní.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

KƏLA RĀĀ 8:32

Ba najə̄ ń ndi a tə́dá ní n toó: Ni to i tītə̄ batə̄ kə́ aw̄n̄ seneé kə̄ loo tɔ̄lən tə́ beē, tītə̄ ngōn̄ batə̄ kə́ ra tan mbóo no nge dəsā bḭḭ̄n tə́ beē, ni-tḛḛ̄ tan mḛḛ alé.

MARK 15:1

Ngol gə̄ kə́ dɔ ngé tun̄ yá̰a̰ gə̄ tə́ ō, kum kɔɔ̄ gə̄ ō, ngé ndóō de gə̄ ndū najə̄ gə̄ ō, ngé sarya gə̄ malang ō, oōn̄ naā dəloí ɓatə, pá tá do̰ō̰n̄ Jeju kə kəlāá ba aw̄n̄ seneé, əlanən̄ jī Pilatə tə́.

MATIYE 27:2

Nin̄-do̰ō̰nən̄ kə kəlaá ba aw̄n̄ seneé, aw̄ əlanən̄ jī Pilatə nge ko̰o̰ ɓē tə́.

PĀ GƏ̄ 118:27

Kɔ́ɔ̄ɓē i Nə́ɓā ō, ni-adə̄jí loo kə́ unjə̄ kow ō. Əhɔī ta jī kāgə̄ gə̄ jīsí tə́ ba ī-raī kə gō naá bátə́ kíl loo tun̄ yá̰á̰ tə́.

TA KƏLA 12:7

Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

TA KƏLA 8:20

Noe ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́, ba əhɔ dā̰ kógə̄ḿ kógə̄ḿ dan dā̰ kə́ unjə̄ njáý njáý gə̄ tə́ ō, yel̄ kógə̄ḿ kógə̄ḿ dan yel̄ kə́ unjə̄ njáý njáý gə̄ tə́ ō, róō horoó dɔ loo tun̄ yá̰á̰ ní tə́ adə̄ Kɔ́ɔ̄ɓē.

TA KƏLA 12:8

Ni-ḭḭ loo ń noō tə́, ənda dām̄ loo kə́ mbalá kə́ Betel gān̄g, ba aw̄ udə kújə tandā yān dɔ dán Betel nin̄ kə Ai tə́. Betel i kə̄ no ɓē tə́ ō, Ai i kə̄ dūn̄ ɓē tə́ ō. Ni-rāā loo tun̄ yá̰á̰ kə́ rang ō, ɓāŕ Nə́ɓā na i Kɔ́ɔ̄ɓē kem ndɔ̄ȳ yān tə́ ō.

TA KƏLA 13:18

Abəram ndɔ́tə̄ kə kújə tandā yān gēé, aw̄ ndi ɓē mbo̰ō̰ kāgə̄ sén gə̄ kə́ Mamre tə́ kadə Hebron tə́ ngɔr. Ni-ɔy kūbə̄rū mbal̄ gə̄ tə́ndā dɔ naā tə́ loo ń noō tə́, rāań loo tun̄ yá̰a̰ tām̄ yā Kɔ́ɔ̄ɓē tə́.

TA KƏLA 22:8

Anī Abəraham tél əda na: Ngōnə̄ḿ, Nə́ɓā nəkɔ́ a adə̄ ngōn̄ batə̄ kə́ yā róō horoó kadə̄n. Nin̄ njə̄rān̄ gō naā tə́ aw̄n̄.

TA KƏLA 22:10

Abəraham əla jīn unəń kəyā yā kəjań kɔ́ɔ ngōnən,

1 MBAN̄G GƏ̄ 18:33

Ni ɔsə̄ kīr̄ dɔ loo tun̄ yá̰á̰ ní tə́ ba górīyō dā̰ man̄g kə́ bəra ní ɓōkə́ dɔ tə́.