TA KƏLA 22:7 - Bibəl ta Sar̄

⁷ Anī Isaak ɓāŕ bɔbə̄n Abəraham na: Bɔbə́ḿ! Bɔbə̄n ndigə na: Mā n toó ngōnə̄ḿ. Isaak əda na: Hor n toó ō, kīr̄ n toó ō, ba ngōn̄ batə̄ kə́ yā róō horoó kadə̄ Nə́ɓā i rá?

Bible sar

⁷ Anī Isaak ɓāŕ bɔbə̄n Abəraham na: Bɔbə́ḿ! Bɔbə̄n ndigə na: Mā n toó ngōnə̄ḿ. Isaak əda na: Hor n toó ō, kīr̄ n toó ō, ba ngōn̄ batə̄ kə́ yā róō horoó kadə̄ Nə́ɓā i rá?

TA KƏLA 22:7 Referans Kwoze

Makətūbə̄ ń Pol ndang adə̄ Rom gə̄ ní 8:15

Tām̄ Ndíĺ ń ə́ngeī ní rāāsí adə̄ ī-téliī i ɓəlo gə̄ aĺ ō, rāāsí adə̄ ī-tél ī-ɓōlíī gogə́ aĺ ō. Banī ə́ngeī i Ndíĺ kə́ rāāsí adə̄ ī-téliī ngáń Nə́ɓā gə̄. Tɔdɔ̄ i kə ta kūl̄neé n j-əgaī kɔŕ j-ədaī na: Aba, Bɔbə̄jí ní.

JA̰A̰ 18:11

Jeju əda Piyer na: Ī-téĺ ə́la kaskar yāí kem hɔ̄pə̄n tə́ gogə́. Yá̰á̰ kə́ kem kopoó ń Bɔbə́ḿ adə̄m̄ kadə̄ m-ā̰ȳ ní kə m-ā̰ȳ aĺ a?

MATIYE 26:42

Ni-tél aw̄ adə̄ dan gə̄lā sa̰y nja kə́ nge ko̰ jōó, ba ndɔ̄ȳ Nə́ɓā əda na: Bɔbə́ḿ, ré loo kun kópə ń toō kɔ̄ɔ́ kanjə̄ kadə̄ m-ā̰ȳ yá̰á̰ kə́ kemeé gətóo anī, ādə̄ yá̰á̰ ń ī-ndigə ní rāā yá̰a̰!

MATIYE 26:39

Ni-aw̄ dan sa̰y sḛ́ý anī ɔsə non nang tə́, ba ndɔ̄ȳ Nə́ɓā əda na: Bɔbə́ḿ, ré loo rāā kadə̄ kópə wur kɔl ń toō mān̄ sa̰y rɔ̄ḿ tə́ to noó anī, ī-rāā ādə̄ mān̄ sa̰y rɔ̄ḿ tə́. Banī ādə̄ i kə gō kem ndigə yāḿ alé, ba i kə gō kem ndigə yāí īkɔ́ tá.

Teē Ngán Israel gə̄ 12:3

Ədaī ngán Israel gə̄ malang kadə̄ kə ndɔ̄ kə́ nge ko̰ kutə yā nāā ngeé ń toō ní, kə əhɔn̄ ngōn̄ batə̄, aláa ngōn̄ bə̄yā̰ kə ta kújə gēé kógə̄ḿ kógə̄ḿ.

TA KƏLA 8:20

Noe ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́, ba əhɔ dā̰ kógə̄ḿ kógə̄ḿ dan dā̰ kə́ unjə̄ njáý njáý gə̄ tə́ ō, yel̄ kógə̄ḿ kógə̄ḿ dan yel̄ kə́ unjə̄ njáý njáý gə̄ tə́ ō, róō horoó dɔ loo tun̄ yá̰á̰ ní tə́ adə̄ Kɔ́ɔ̄ɓē.

JA̰A̰ 1:29

Teē kə ndɔ̄ kə́ noō anī, Ja̰a̰ a̰a̰ Jeju a reē kə̄ rɔ̄n tə́, anī əda na: Á̰a̰ī Ngōn̄ batə̄ yā Nə́ɓā, nge kɔr̄ majaĺ yā de kə́ dɔ nang tə́ gə̄.

JA̰A̰ 1:36

Dan ń ni-a̰a̰ Jeju a mān̄ anī əda na: Á̰a̰ī Ngōn̄ batə̄ yā Nə́ɓā.

JEJU TEĒ KUM JA̰A̰ 13:8

Ngōn̄ batə̄ ń əjan̄ míndən ní, de kə́ dɔ nang tə́ gə̄ malang ń kété ta kəla gír kəndā dɔ rā̰ ō dɔ nang ō tə́ ɓáa rīdə́ i kə́ ndang kem makətūbə̄ ndi kə kumuú yān tə́ aĺ ní, a rɔȳnən̄.

TA KƏLA 22:8

Anī Abəraham tél əda na: Ngōnə̄ḿ, Nə́ɓā nəkɔ́ a adə̄ ngōn̄ batə̄ kə́ yā róō horoó kadə̄n. Nin̄ njə̄rān̄ gō naā tə́ aw̄n̄.

Teē Ngán Israel gə̄ 29:38

A tɔ̄lə̄n̄ ngán batə̄ kə́ ɓāl̄ kógə̄ḿ gə̄ jōó jōó kə dɔ ndɔ̄ gə̄ yā kadə̄m̄ dɔ loo tun̄ yá̰á̰ tə́ ngándáńg.