TA KƏLA 22:4 - Bibəl ta Sar̄

⁴ Kə ndō kə́ nge ko̰ mətá, Abəraham un kumən kə̄ dɔɔ́ anī, a̰a̰ dɔ mbal̄ ń a aw̄ kə̄ tū tə́ ní ra non tə́ sa̰y.

Bible sar

⁴ Kə ndō kə́ nge ko̰ mətá, Abəraham un kumən kə̄ dɔɔ́ anī, a̰a̰ dɔ mbal̄ ń a aw̄ kə̄ tū tə́ ní ra non tə́ sa̰y.

TA KƏLA 22:4 Referans Kwoze

1 KORḚNTƏ 15:4

Dubə̄nən̄ ba Nə́ɓā ndólə̄n kə ndɔ̄ kə́ nge ko̰ mətá tītə̄ ń ndangən̄neé kété kem makətūbə̄ yā Nə́ɓā tə́ ní.

Najə̄ kə́ Majə yā Jeju ń Luk ndang ní 13:32

Anī Jeju ədadə́ na: Āw̄ ə́daī njā̰ ń noō ə́dain̄ na kə a̰a̰: M-ā m̄-tə̄ɓā ndíĺ kə́ majaĺ gə̄ kɔ̄ɔ́ ō, m-ā m̄-rāā ādə̄ rɔ̄ ngé mo̰y gə̄ ngáā ō, ɓōólaā ō bírí ō, ba ndɔ̄ kə́ nge ko̰ mətá tə́ ɓáa m-ā m̄-tɔ̄l̄ ta kəla yāḿ.

MATIYE 17:23

kadə̄ tɔ̄l̄nən̄, ba kə ndɔ̄ kə́ nge ko̰ mətá anī a ndól̄. Ba najə̄ ní tōr̄ wurdə́ ngá̰ý.

OJEE 6:2

Gō tə́ rāā ndɔ̄ jōó anī, ni a rāā kadə̄ j-a jə-tél jə-ndiī kə kumjí gogə́. Kə ndɔ̄ kə́ nge ko̰ mətá anī, ni a tél yā kunjí dɔɔ́ gogə́ ō, j-a jə-ndiī kə kumjí ta kumən tə́ ō.

ESTER 5:1

Dan ń ndɔ̄ kə́ mətá gə̄ ní təgān̄ anī Ester əla kūbə̄ mban̄g rɔ̄n tə́ ba aw̄ ra ndágə loo kə́ ta kújə yā mban̄g tə́ kumən sɔɔ̄ kújə yā mban̄g sew. Mban̄g ndi kújú dɔ kōr̄ kāgə̄ mbang yān tə́ ba kumən i kə̄ ta róbə́ tə́.

2 MBAN̄G 20:5

kə tél dɔ tə́ kə aw̄ gogə́ rɔ̄ Ejekias, ngār kə́ dɔ gír de gə̄ yān ni Kɔ́ɔ̄ɓē tə́ tə́. Kə ədan na yá̰á̰ ń Kɔ́ɔ̄ɓē Nə́ɓā yā kaan Dabid əda ní n toó: M-ōō ndɔ̄ȳ yāí ō, m-á̰a̰ man̄ kumií ō, adə̄ m-ā m̄-rāā kadə̄ rɔ̄í ngan̄g. Bírí i karī, ba loo tḭ̄ḭ̄ anī ā ásə kaw̄ kem kújə yā Kɔ́ɔ̄ɓē tə́.

1 SAMUEL 26:13

Dabid mān̄ aw̄ ra gidə kə́ nú tə́ dɔ mbalá dɔɔ́, ba dɔ dáńdə́ kə gérger yā Saul i sa̰y.

JOJUE 1:11

njə̄rān̄ kem gérgereé ədan̄ de gə̄ kadə̄ rāān̄ sádə̄ gə̄, tɔdɔ̄ na̰y na i ndɔ̄ mətá kadə̄ na a teēn̄ bā Jurdḛ yā kaw̄ taā dɔ nang ń Kɔ́ɔ̄ɓē Nə́ɓā yādə́ adə̄də́ ní.

TƏ́DA 31:19

Banī sḭḭ̄ malang ń ī-tɔ̄lī deē, aké ɔ́diī rɔ̄ nīń deē ní, ī-ndiī gidə ɓē tə́ ndágá ndɔ̄ sīrí sḭḭ̄ gə̄gē ɓəlo yāsí kə́ dəyá̰ gə̄ gə̄gē. Ā ī-tə́goī rɔ̄sí kə ndɔ̄ kə́ nge ko̰ mətá ō, kə ndɔ̄ kə́ nge ko̰ sīrí ō, kadə̄ ī-téliīń de gə̄ kə́ majaĺ tákə̄də́ alé gə̄.

TƏ́DA 19:19

Deē ń i kə́ unjə̄ njáý njáý ní, de kə́ yḛr alé a sə̄kā man̄ tə́go rɔ̄ dɔn tə́ i kə ndɔ̄ kə́ nge ko̰ mətá ō, kə ndɔ̄ kə́ nge ko̰ sīrí ō. Kə ndɔ̄ kə́ nge ko̰ sīrí ré sə̄kān̄ man̄ dɔn tə́ oy anī, ni a tə́go kūbə̄ yān gə̄ ō, a ndogə̄ man̄ ō. Ba ré loo tíbə anī, ni a tél de kə́ unjə̄ njáý njáý.

TƏ́DA 19:12

Kɔ́ɔ̄ a tə́go rɔ̄n kə ndɔ̄ kə́ nge ko̰ mətá ō, kə́ nge ko̰ sīrí ō, kə man̄ tə́go rɔ̄ɔ́ pá tá a tél de kə́ unjə̄ njáý njáý ɓáý. Ba ré ni tə́go rɔ̄n kə ndɔ̄ kə́ nge ko̰ mətá aĺ ō, kə́ nge ko̰ sīrí aĺ ō anī, ndi i de kə́ unjə̄ njáý njáý tə́ ɓáý.

TƏ́DA 10:33

Ngán Israel gə̄ ḭḭn̄ mbal̄ yā Kɔ́ɔ̄ɓē tə́, njə̄rān̄ ndɔ̄də́ mətá. Sandúkə madə̄ naā yā Kɔ́ɔ̄ɓē i kété nodə́ tə́ yā sāā loo kɔr̄ koō tām̄ yādə́ tə́.

LEBI GƏ̄ 7:17

Ba gotən ń a nay ɓáý ní, teē kə ndɔ̄ kə́ ko̰ mətá anī, a ənīn̄ i horó kɔ̄ɔ́.

Teē Ngán Israel gə̄ 19:15

Gō tə́ anī ədadə́ na kə ndin̄ dɔ rɔ̄də́ tə́ tām̄ yā ndɔ̄ kə́ nge ko̰ mətá tə́. Kə lōōn̄ ɓīī kə nə̄yá̰də́ gēé.

Teē Ngán Israel gə̄ 19:11

Ādə̄ ndin̄ dɔ rɔ̄də́ tə́ tām̄ yā ndɔ̄ kə́ nge ko̰ mətá tə́, tɔdɔ̄ ndɔ̄ ń noō tə́ ní m-ā m̄-risə dɔ mbal̄ Sinai tə́ ta kum de gə̄ tə́ malang.

Teē Ngán Israel gə̄ 15:22

Ngán Israel gə̄ ń Moijə ɔr nodə́ ní, ḭḭn̄ bā tə̄ɓā gə̄ tə́ aw̄n̄ kum kə̄ dəla loo kə́ Sur tə́. Nin̄-njə̄rān̄ ndɔ̄ mətá kem dəla loo tə́ kanjə̄ kənge man̄.

Teē Ngán Israel gə̄ 5:3

Moijə nin̄ kə Aaro̰ tél ədan̄ na Nə́ɓā yā Hebəro gə̄ na ndɔ̄bə̄də́. Ní kə adə̄də́ ndɔ̄ mətá kadə̄ kə n-njə̄rā n-aw̄n̄ kem dəla loo tə́, kə n-aw̄ n-tunə̄n̄ yá̰a̰ kə n-adə̄nən̄, na sōgə́ tɔ̄l̄də́ kə mo̰y ngāl̄bɔ̄gīí aláa kə kaskaraá.

TA KƏLA 22:3

Abəraham ḭḭ dɔɔ́ ta gír loo tə́, njár̄ kīr̄ kə́ yā róoń ngōnə̄n kadə̄ Nə́ɓā, do̰ō̰ gidə kərō yān tə́, ba aw̄ kə̄ loo ń Nə́ɓā ɔjən tə́ ní. Ni-ɔy ngé kəla yān gə̄ jōó seneé ō, un ngōnə̄n Isaak ō.

TA KƏLA 22:5

Anī ni-əda ngé kəla yān kə́ jōó gə̄ ní na: Ī-raī laā kə kərōó. Mā ō, ngōn̄ ō, j-a j-aw̄ nú yā ndɔ̄ȳ Nə́ɓā tá j-a jə-tél.