TA KƏLA 22:3 - Bibəl ta Sar̄

³ Abəraham ḭḭ dɔɔ́ ta gír loo tə́, njár̄ kīr̄ kə́ yā róoń ngōnə̄n kadə̄ Nə́ɓā, do̰ō̰ gidə kərō yān tə́, ba aw̄ kə̄ loo ń Nə́ɓā ɔjən tə́ ní. Ni-ɔy ngé kəla yān gə̄ jōó seneé ō, un ngōnə̄n Isaak ō.

Bible sar

³ Abəraham ḭḭ dɔɔ́ ta gír loo tə́, njár̄ kīr̄ kə́ yā róoń ngōnə̄n kadə̄ Nə́ɓā, do̰ō̰ gidə kərō yān tə́, ba aw̄ kə̄ loo ń Nə́ɓā ɔjən tə́ ní. Ni-ɔy ngé kəla yān gə̄ jōó seneé ō, un ngōnə̄n Isaak ō.

TA KƏLA 22:3 Referans Kwoze

PĀ GƏ̄ 119:60

m̄-nāgə́ m̄-rāā yá̰a̰ kə gō míndí gə̄ kanjə̄ kɔr bā̰ā̰.

MATIYE 10:37

Deē ń tár bɔbə̄n aláa kó̰o̰n tɔȳm̄ ní, kɔ́ɔ̄ asə tél deē yāḿ alé. Deē ń tár ngōnən kə́ dəngam aláa kə́ dəyá̰ tɔȳm̄ ní, kɔ́ɔ̄ asə tél deē yāḿ alé.

Najə̄ kə́ Majə yā Jeju ń Luk ndang ní 14:26

Deē ń reē gōḿ tə́ kanjə̄ kəndām̄ mā kó tár yān tə́ kété no bɔbə̄n tə́ ō, kó̰o̰n tə́ ō, nə̄yá̰n tə́ ō, ngánən gə̄ tə́ ō, ngákó̰o̰n kə́ dəngam gə̄ tə́ ō kə́ dəyá̰ gə̄ tə́ ō, aláa kanjə̄ kəndām̄ mā kó tár yān tə́ kété no ngarān̄g kum rɔ̄n nəkɔ́ tə́ ō ní, ni-asə tél nge ndóō yá̰a̰ yāḿ alé.

GALATƏ 1:16

Ba loo ń ni teē kumḿ dɔ Ngōnən tə́ kadə̄ m-ɔ́jə de gə̄ kə́ nin̄ i Jipə aĺ gə̄ Najə̄ kə́ Majə yān ní, m-āw̄ rɔ̄ deē kógə̄ḿ tə́ m̄-dəjen kɔjə̄ aĺ ō,

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

TA KƏLA 21:14

Adə̄ Abəraham teē dəloí ɓatə, un mápa ō, man̄ kem sɔlɔɔ́ ō, adə̄ Agar, əndā dɔ bɔ̄gə̄n tə́ ō, ngōn̄ ō, ba tə̄ɓān. Agar aw̄ dáȳ kem dəla loo kə́ Beer Seba tə́.

TA KƏLA 17:23

Abəraham un ngōnə̄n Ismael ō, ɔy ɓəlo yān kə́ dəngam gə̄ malang kə́ ɓēé looneé, ngé gə̄ ń ojən̄də́ ɓēé looneé ní ō, ngé gə̄ ń ni mangdə́ kə naraá ní ō, əja mɔtədə́ ndɔ̄ nəkɔ́ ń noō tə́ tītə̄ ń Nə́ɓā ədanəń ní.

HEBƏRO 11:8

I kə ta kūl̄ taā kem n Abəraham oō ta Nə́ɓā dan ń ɓārə́n ní. Adə̄ ni-aw̄ dɔ nang ń Nə́ɓā a rāā yā kadə̄n kə́ yān tə́ ní tə́. Ni-ḭḭ aw̄ kanjə̄ ger̄ loo ń a aw̄ kə̄ tū tə́ ní tə́.

TA KƏLA 22:2

Anī Nə́ɓā əda na: Ún ngōnīí Isaak, ngōnīí kə́ kal kógə̄ḿ beē ń ī-tárən ngá̰ý ní, āw̄ seneé dɔ nang kə́ Moriya tə́, dɔ mbal̄ kógə̄ḿ kə́ dɔ dán madə̄ gə̄ tə́ ń m-ā m-ɔ́jiī tə́ ní, ī-róōn horoó ādə̄m̄.

TA KƏLA 22:4

Kə ndō kə́ nge ko̰ mətá, Abəraham un kumən kə̄ dɔɔ́ anī, a̰a̰ dɔ mbal̄ ń a aw̄ kə̄ tū tə́ ní ra non tə́ sa̰y.

TA KƏLA 22:18

M-ā m̄-rāā majə kə nápar de gə̄ kə́ dɔ nang tə́ gə̄ malang sɔɔ̄ń ngán kaaí gə̄, tɔdɔ̄ ḭ̄ ōō taḿ.

JOJUE 8:10

Jojue teē dəloí ɓatə, əndā ma̰ȳ ngé rɔ̄ɔ̄ yān gə̄ ba əso nodə́ tə́ kété, kum kɔɔ̄ gə̄ yā ngán Israel gə̄ njə̄rān̄ seneé kété no ngé rɔ̄ɔ̄ gə̄ tə́. Ni-aw̄ sedə́ yā kadə̄ aw̄ ənīń ɓē kə́ Ai rɔ̄ɔ̄.

JOJUE 3:1

Jojue nin̄ kə ngán Israel gēé ḭḭn̄ Sitim kə gír looí ɓatə, aw̄ ugə̄n̄ ta bā Jurdḛ tə́. ɓīīn̄ kə̄ ta bā tə́ noō a ngóōnəń kum mbang kə́ yā teēń bā Jurdḛ kə̄ gidə kə́rēý tə́.