TA KƏLA 22:2 - Bibəl ta Sar̄

² Anī Nə́ɓā əda na: Ún ngōnīí Isaak, ngōnīí kə́ kal kógə̄ḿ beē ń ī-tárən ngá̰ý ní, āw̄ seneé dɔ nang kə́ Moriya tə́, dɔ mbal̄ kógə̄ḿ kə́ dɔ dán madə̄ gə̄ tə́ ń m-ā m-ɔ́jiī tə́ ní, ī-róōn horoó ādə̄m̄.

Bible sar

² Anī Nə́ɓā əda na: Ún ngōnīí Isaak, ngōnīí kə́ kal kógə̄ḿ beē ń ī-tárən ngá̰ý ní, āw̄ seneé dɔ nang kə́ Moriya tə́, dɔ mbal̄ kógə̄ḿ kə́ dɔ dán madə̄ gə̄ tə́ ń m-ā m-ɔ́jiī tə́ ní, ī-róōn horoó ādə̄m̄.

TA KƏLA 22:2 Referans Kwoze

JA̰A̰ 3:16

Rɔ̄kum, Nə́ɓā tár de kə́ dɔ nang tə́ gə̄ ngá̰ý, adə̄ un Ngōnən kə́ kal kógə̄ḿ beē adə̄, yā kadə̄ náā nəkɔ́ ń taā kemən anī, kɔ́ɔ̄ udə kɔ̄ɔ́ alé, banī ndi kə kumneé ngándáńg.

Makətūbə̄ ń Pol ndang adə̄ Rom gə̄ ní 8:32

Nə́ɓā ń ɔgəjí Ngōnən alé, banī əlan jī de gə̄ tə́ tām̄ yājí tə́ ní, loo kadə̄ ni-adə̄jí yá̰a̰ malang kə Ngōnə̄neé aĺ i ba̰ý?

HEBƏRO 11:17

Dan ń nāān̄ Abəraham ní, i kə ta kūl̄ taā kem n ni-ndigə tun̄ Isaak kadə̄ Nə́ɓā ní. Tá Nə́ɓā ənī míndən adə̄n kété, banī ni-ndigə tun̄ ngōnən kə́ kal kógə̄ḿ beē kadə̄ Nə́ɓā.

TA KƏLA 22:16

Najə̄ yā Kɔ́ɔ̄ɓē n toó: m̄-ə̄nā ndūḿ yā rāā majə seí tām̄ yá̰á̰ ń ī-rāā tə́ ní. Ɔ̄gə̄m̄ ngōnīí kə́ kal kógə̄ḿ beē alé, adə̄ m-ā m̄-rāā kadə̄ ngán kaaí gə̄ a bəlan̄ tītə̄ tə́yō̰ gə̄ kə́ dɔ rā̰ tə́ ō, tītə̄ nán̄g ngárə̄ḿnjēý kə́ ta bā bo tə́ ō. Ngán kaaí gə̄ a taān̄ ɓē yā madə̄ ba̰ā̰də́ gə̄ ō.

TA KƏLA 17:19

Nə́ɓā tél ədan na: Rɔ̄kum, nə̄yá̰í Sara a ojə ngōn̄ kə́ dəngam seí kadə̄ ā ə̄ndā rīn na i Isaak. M-ā m-ə́hɔ madə̄ naā seneé ō, kə ngán kaan gēé gotən tə́ ō. I madə̄ naā kə́ a to ngándáńg.

2 MBAN̄G 3:27

Anī ni un ngōn̄ hágən ń kadə̄ o̰o̰ ɓē gotən tə́ ní tɔ̄lən ba róōn kə́ loo tun̄ tə́ dɔ ndogə̄ mbal̄ tə́. Loo ń noō tə́ nél əsō ngán Israel gə̄ ngə̄rāá adə̄ əyan̄ mban̄g kə́ Moab ba télən̄ dɔ tə́ aw̄n̄ gogə́ dɔ nang yādə́ tə́.

TA KƏLA 22:12

Kɔ́ɔ̄ɓē əda na: Ə́ya̰ ngōn̄, ī-lōō rāān yá̰á̰ kə́ tōr̄. Ngɔlaā ní m̄-ger̄ kadə̄ ī-ɓōĺ ndílə́ḿ, tɔdɔ̄ ɔ̄gə̄m̄ ngōnīí kə́ kal kógə̄ḿ beē alé.

2 YÁ̰A̰ GƏ̄ 3:1

Salomo̰ əla gír rāā kújə yā Kɔ́ɔ̄ɓē kem ɓē kə́ Jerusalem tə́ dɔ mbal̄ Moriya tə́, loo ń Kɔ́ɔ̄ɓē ndɔ̄bə̄ bɔbə̄n Dabid tū tə́ ní tə́, I loo ń Dabid rāā kété loo kənda kōō yā Ornan kə́ Yebus tə́ ní.

NGÉ SARYA 11:39

Aw̄ rāā nāā jōó tél dɔ tə́ reē ɓē bɔbə̄neé adə̄ rāā yá̰á̰ ń ənī ndūn dɔ tə́ adə̄ Kɔ́ɔ̄ɓē ní seneé. Ni-oy kanjə̄ ger̄ dəngam.

NGÉ SARYA 11:31

m̄-tél kə lápə́yaá ō anī, deē ń a teē ndogə̄ yāḿ tə́ yā tə́nī taḿ ní, m-ā ɔ̄r̄ kamə̄n tayā tām̄ yāí tə́ ō, m-ā m̄-róōn horoó yā kadī ō.

TA KƏLA 21:12

Banī Nə́ɓā ədan na: Ī-lōō kadə̄ wōn̄g rāāī najə̄ yā ngōn̄ tə́ ō, najə̄ yā ɓəlo yāí kə́ dəyá̰ tə́ ō. Ī-ndigə najə̄ ń Sara ədaī ní malang, tām̄ ngán gə̄ ń m-ə̄nī míndə́ḿ yā kadī ní, i Isaak n a ojədə́ ní.

Makətūbə̄ ń Pol ndang adə̄ Rom gə̄ ní 5:8

Ba á̰a̰ī yá̰á̰ ń Nə́ɓā rāā ɔjəńjí táŕ ń ni-táŕjí ní: I dan ń jḭḭ i ngé rāā majaĺ gə̄ ɓáý ní n Kərist oy tām̄ yājí tə́ ní.

MISE 6:7

Kɔ́ɔ̄ɓē ndigə i bal batə̄ kə́ dūbūú ngá̰ý gə̄ a? Ni ndigə i yibə̄ kə́ a̰ā̰ ngá̰ý tītə̄ man̄ dɔ mbal̄ kə́ nūgə́ beé a? Yā kadə̄ ni mā̰yń rɔ̄n dɔ yá̰a̰ rāāḿ gə̄ kə́ gōtə́ aĺ tə́ ō, dɔ ra dɔ ndū tə́ aĺ yāḿ gə̄ tə́ ō ní, kə m-ún i ngōn̄ hágə́ḿ n kə m̄-ndējə̄ ní a?

TA KƏLA 8:20

Noe ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́, ba əhɔ dā̰ kógə̄ḿ kógə̄ḿ dan dā̰ kə́ unjə̄ njáý njáý gə̄ tə́ ō, yel̄ kógə̄ḿ kógə̄ḿ dan yel̄ kə́ unjə̄ njáý njáý gə̄ tə́ ō, róō horoó dɔ loo tun̄ yá̰á̰ ní tə́ adə̄ Kɔ́ɔ̄ɓē.

TA KƏLA 22:3

Abəraham ḭḭ dɔɔ́ ta gír loo tə́, njár̄ kīr̄ kə́ yā róoń ngōnə̄n kadə̄ Nə́ɓā, do̰ō̰ gidə kərō yān tə́, ba aw̄ kə̄ loo ń Nə́ɓā ɔjən tə́ ní. Ni-ɔy ngé kəla yān gə̄ jōó seneé ō, un ngōnə̄n Isaak ō.

TA KƏLA 22:9

Dan ń ugə̄n̄ loo ń Nə́ɓā ɔjə Abəraham tə́ ní anī, Abəraham ɔy kūbə̄rū mbal̄ gə̄ tə́ndā dɔ naā tə́ rāań loo tun̄ yá̰a̰, ba ɔsə̄ kīr̄ dɔ tə́. Ni-do̰ō̰ ngōnə̄n Isaak ənīn dɔ kīr̄ ní tə́.

TA KƏLA 21:3

Abəraham əndā rī ngōn̄ kə́ dəngam ń Sara ojə seneé ní na i Isaak.