TA KƏLA 22:11 - Bibəl ta Sar̄

¹¹ anī nge kaw̄ kəla yā Kɔ́ɔ̄ɓē ndi dɔ rā̰ tə́ ɓārə́n na: Abəraham! Abəraham! Anī Abəraham ndigə na: Mā n toó.

Bible sar

¹¹ anī *nge kaw̄ kəla yā Kɔ́ɔ̄ɓē ndi dɔ rā̰ tə́ ɓārə́n na: Abəraham! Abəraham! Anī Abəraham ndigə na: Mā n toó.

TA KƏLA 22:11 Referans Kwoze

Teē Ngán Israel gə̄ 3:4

Dan ń Kɔ́ɔ̄ɓē a̰a̰n loo rə̄ngō rɔ̄n tə́ anī, ɓār̄ ɓār̄ kə̄ dan bɔkə́ kámbə́ ní tə́, əda na: Moijə, Moijə. Anī Moijə ndigə na: Mā n toó.

TA KƏLA 21:17

Nə́ɓā oō ndū ngōn̄ ní loo sɔ̄ḿ tə́, adə̄ nge kəla yā Nə́ɓā ndi dɔ rā̰ tə́ ɓāŕ Agar, ədan na: Agar, i rí n rāāī? Ī-lōō sōl̄, tɔdɔ̄ Nə́ɓā oō ndū ngōn̄ loo sɔ̄ḿ tə́ loo ń to tū tə́ tə́ ní.

KƏLA RĀĀ 26:14

Jḭḭ malang ní jə-téē jə-tə́sō adə̄ j-a̰a̰ rɔ̄jí i nang tə́. Anī m-ōō ndū deē kógə̄ḿ ədam̄ najə̄ kə ta Hebəro, əda na: Sol, Sol, ī-rāām̄ ndoō tə́ i tām̄ rí tə́? Ngan̄g seí kadə̄ ə̄ɓā ta katə kāgə̄ kēlīí.

KƏLA RĀĀ 9:4

Ni teē əsō nang tə́, anī oō ndū deē kógə̄ḿ ədan na: Sol, Sol, i tām̄ rí tə́ á ī-rāām̄ ndoō tə́ beē?

TA KƏLA 16:7

Nge kaw̄ kəla yā Kɔ́ɔ̄ɓē əngen ta kəɓa man̄ kógə̄ḿ kə́ kem dəla loo tə́. I ta kəɓa man̄ kə́ dɔ róbə́ kə́ ta kaw̄ kə̄ Sur tə́.

1 SAMUEL 3:10

Kɔ́ɔ̄ɓē reē ra ba ɓārə́n tītə̄ kə́ kété gə̄ na: Samuel, Samuel. Anī Samuel tél ədan na: Ɔ̄r̄ najə̄ na nge kəla yāí nēl̄ mbīn yā koōń.

TA KƏLA 22:16

Najə̄ yā Kɔ́ɔ̄ɓē n toó: m̄-ə̄nā ndūḿ yā rāā majə seí tām̄ yá̰á̰ ń ī-rāā tə́ ní. Ɔ̄gə̄m̄ ngōnīí kə́ kal kógə̄ḿ beē alé, adə̄ m-ā m̄-rāā kadə̄ ngán kaaí gə̄ a bəlan̄ tītə̄ tə́yō̰ gə̄ kə́ dɔ rā̰ tə́ ō, tītə̄ nán̄g ngárə̄ḿnjēý kə́ ta bā bo tə́ ō. Ngán kaaí gə̄ a taān̄ ɓē yā madə̄ ba̰ā̰də́ gə̄ ō.

TA KƏLA 22:12

Kɔ́ɔ̄ɓē əda na: Ə́ya̰ ngōn̄, ī-lōō rāān yá̰á̰ kə́ tōr̄. Ngɔlaā ní m̄-ger̄ kadə̄ ī-ɓōĺ ndílə́ḿ, tɔdɔ̄ ɔ̄gə̄m̄ ngōnīí kə́ kal kógə̄ḿ beē alé.

TA KƏLA 22:1

Gō yá̰a̰ gə̄ ń noō tə́, Nə́ɓā nāā Abəraham. Ni-ɓārə́n anī Abəraham ndigə na: Mā n toó.

TA KƏLA 21:18

Ḭ́ḭ dɔɔ́, ún ngōn̄ údən dɔɔ́ ba ə́hɔ ta jīn, tɔdɔ̄ m-ā m̄-rāā kadə̄ ni a ojə nápar de kə́ ngá̰ý gə̄.

TA KƏLA 22:10

Abəraham əla jīn unəń kəyā yā kəjań kɔ́ɔ ngōnən,

TA KƏLA 24:7

Kɔ́ɔ̄ɓē Nə́ɓā kə́ dɔ rā̰ tə́ ń teē seḿ kɔ̄ɔ́ ɓē bɔbə́ḿ ō, ɓē ngééḿ gēé ō ní, ɔr̄ najə̄ seḿ ō, ənī míndən adə̄m̄ ō, əda na dɔ nang ń toō n-a n-adə̄ ngán kaaḿ gə̄. Ní, nəkɔ́ a əla deē yān kə́ dɔ rā̰ tə́ kété noí tə́, adə̄ ā ī-taā dəyá̰ i nú tām̄ yā ngōnə̄ḿ tə́.

TA KƏLA 31:11

Nge kəla yā Nə́ɓā reē dɔḿ tə́ kə nīí ɓārə́m̄ na: Jakob! Anī m̄-ndigən na: Mā n toó!

TA KƏLA 46:2

Nə́ɓā ndɔ̄bə̄n ndɔ̄ɔ́, ɔr̄ najə̄ seneé, ɓārə́n na Jakob, Jakob! Anī Jakob ndigən na: Mā n toó.

TA KƏLA 48:16

kadə̄ de kə́ dɔ rā̰ tə́ ń un yá̰á̰ kə́ majaĺ gə̄ kɔ̄ɔ́ dɔn tə́ ní, kə rāā majə kə ngán gə̄ ń toō. Kadə̄ ɓārə́n̄də́ kə rīneé ō, kə rī kaan Abərahamaá ō, kə rī bɔbə̄n Isaaká ō. Kadə̄ ojən̄ naā ngá̰ý kem ɓēé ō.

Teē Ngán Israel gə̄ 3:2

Nge kaw̄ kəla yā Kɔ́ɔ̄ɓē ndɔ̄bən tū ndo̰ hor tə́ dan bɔkə́ kámbə́ tə́. Moijə a̰a̰ hor kə́ a əɓa dan bɔkə́ kámbə́ ní tə́ kanjə̄ ko̰o̰ bɔkə́ kámbə́ ní.

TA KƏLA 37:13

Anī Israel əda Jəjep na n-sāā kəlan gō ngákó̰o̰n gə̄ ń aw̄n̄ Sisem kə yá̰a̰ kul̄ gēé dɔ mu tə́ ní. Anī Jəjep ndigə əda na: Mā n toó, ə́lam̄.

NGÉ SARYA 2:1

Nge kaw̄ kəla yā Kɔ́ɔ̄ɓē ḭḭ Gilgal aw̄ Bokim. Ni-əda ngán Israel gə̄ na: m̄-teē sesí kɔ̄ɔ́ kem ɓē kə́ Ejiptə tə́ ba m-āw̄ sesí dɔ nang ń m-ə̄nī ndūḿ wáńg kadə̄ m-ādə̄ kaasí gə̄ ní tə́. M-ə́dásí na madə̄ naā ń m̄-ə́hɔ sesí ní m-ā m̄-lōō gírí aĺ ō,

1 SAMUEL 3:4

Kɔ́ɔ̄ɓē ɓāŕ Samuel anī Samuel ndigən na: Mā n toó.

IJAI 6:8

Loo ń noō tə́ m-ōō ndū Kɔ́ɔ̄ɓē loo dəje najə̄ tə́, əda na: M-ā m-ə́la i náā? Ngōmbang kəla yājí i náā? Anī m̄-dal najə̄ ní m-ə́da na: Mā n toó, ə́lam̄!