TA KƏLA 22:1 - Bibəl ta Sar̄

¹ Gō yá̰a̰ gə̄ ń noō tə́, Nə́ɓā nāā Abəraham. Ni-ɓārə́n anī Abəraham ndigə na: Mā n toó.

Bible sar

¹ Gō yá̰a̰ gə̄ ń noō tə́, Nə́ɓā nāā Abəraham. Ni-ɓārə́n anī Abəraham ndigə na: Mā n toó.

TA KƏLA 22:1 Referans Kwoze

HEBƏRO 11:17

Dan ń nāān̄ Abəraham ní, i kə ta kūl̄ taā kem n ni-ndigə tun̄ Isaak kadə̄ Nə́ɓā ní. Tá Nə́ɓā ənī míndən adə̄n kété, banī ni-ndigə tun̄ ngōnən kə́ kal kógə̄ḿ beē kadə̄ Nə́ɓā.

NDŪ NAJƏ̄ 8:2

Ādə̄ əga kemsí dɔ róbə́ ń Kɔ́ɔ̄ɓē Nə́ɓā yāsí rāā adə̄ ī-njə̄rāī tū tə́ ɓāl̄ kutə sɔ́ kem dəla loo tə́ ní. Ni-rāā adə̄ yá̰á̰ kə́ ngan̄g gə̄ əngen̄sí i yā nāańsí ō, i yā ka̰a̰ń yá̰á̰ kə́ kemsí tə́ ō, yā gerə̄ń ké ā ī-rāāī yá̰a̰ gə̄ ń ɔjəsí ní aké ā ī-rāāī aĺ wa ō.

1 PIYER 1:7

I yá̰á̰ kə́ tōr̄ gə̄ ngeé ń noō n a nāān̄neé taā kem yāsí ní. Lɔ́r i yá̰á̰ kə́ to yā nujə kɔ̄ɔ́ ɓá tā, banī nōōnən̄ horoó. Adə̄ nāān̄ taā kem yāsí ń gātə̄n tɔȳ gātə̄ lɔ́ŕ ní, yā ka̰a̰ń tɔ́gən i tītə̄ ń noō ō. I beé n sḭḭ̄ ā ásiīneé kadə̄ tɔ̄ȳn̄sí ō, ɔsən̄ gɔnsí ō, rɔȳn̄sí ō, ndɔ̄ ń Jeju Kərist a teēń hɔy tə́ ní.

JAKƏ 2:21

Kaají Abəraham ní, i tām̄ kəla rāān gə̄ tə́ n ni-téləń de kə́ gōtə́, tām̄ ndējə̄ ń ni-ndējə̄ ngōnən Isaak dɔ loo tun̄ yá̰á̰ tə́ ní aĺ a?

1 KORḚNTƏ 10:13

Yá̰a̰ nāā gə̄ malang ń nāān̄neésí ní, i yá̰a̰ nāā gə̄ kə́ asən̄ gō tɔ́gə deē tə́. Nə́ɓā i de kə́ nge ra dɔ ndūn tə́, adə̄ ni a əya̰ kadə̄ nāā tɔȳ tɔ́gə́sí alé. Ni a adə̄sí tɔ́gə́ kə́ kadə̄ ī-tə́gāīneé tasí ta yá̰a̰ nāā tə́ ō, a rāā ta róbə kə́ kadə̄ ī-teēīneé kɔ̄ɔ́ ta tə́ ō.

Gōsə̄ najə̄ gə̄ 17:3

Loo kə́ yā nō gində̄ arjā̰a̰ tū tə́ i noó ō, loo kə́ yā nō lɔ́ŕ tū tə́ i noó ō, banī i Kɔ́ɔ̄ɓē n i nge nāā ngarā̰ kem de gə̄ ní.

NDŪ NAJƏ̄ 8:16

Mána ń i yá̰a̰ kəsa kə́ kaasí gə̄ gerə̄n̄ aĺ ní, i ni n i nge kadə̄sí kadə̄ ə́saī kem dəla loo tə́ ní. Ni- rāā adə̄ ko̰y əngesí i yā nāańsí ō, yá̰á̰ kə́ majə gə̄ kə́ tām̄ yāsí tə́ ní, ni-əndā dɔ jīn yā rāań majə sesí kem ndɔ̄ gə̄ ń a reēn̄ ɓáý tə́ ní ō.

Teē Ngán Israel gə̄ 3:4

Dan ń Kɔ́ɔ̄ɓē a̰a̰n loo rə̄ngō rɔ̄n tə́ anī, ɓār̄ ɓār̄ kə̄ dan bɔkə́ kámbə́ ní tə́, əda na: Moijə, Moijə. Anī Moijə ndigə na: Mā n toó.

TA KƏLA 22:11

anī nge kaw̄ kəla yā Kɔ́ɔ̄ɓē ndi dɔ rā̰ tə́ ɓārə́n na: Abəraham! Abəraham! Anī Abəraham ndigə na: Mā n toó.

TA KƏLA 22:7

Anī Isaak ɓāŕ bɔbə̄n Abəraham na: Bɔbə́ḿ! Bɔbə̄n ndigə na: Mā n toó ngōnə̄ḿ. Isaak əda na: Hor n toó ō, kīr̄ n toó ō, ba ngōn̄ batə̄ kə́ yā róō horoó kadə̄ Nə́ɓā i rá?

IJAI 6:8

Loo ń noō tə́ m-ōō ndū Kɔ́ɔ̄ɓē loo dəje najə̄ tə́, əda na: M-ā m-ə́la i náā? Ngōmbang kəla yājí i náā? Anī m̄-dal najə̄ ní m-ə́da na: Mā n toó, ə́lam̄!

2 YÁ̰A̰ GƏ̄ 32:31

Ɓá tā ba dan ń ngé ko̰o̰ ɓē kə́ Babilon gə̄ əlan̄ de kə́ bo yādə́ gə̄ rɔ̄n tə́ kadə̄ dəjenən̄ najə̄ kə́ dɔ yá̰á̰ kə́ to kɔr kum ń rāā yá̰a̰ kem ɓēé tə́ ní anī, Nə́ɓā əya̰n kɔ̄ɔ́ sāań najə̄ kə́ kemən tə́, yā gerə̄ń yá̰a̰ malang kə́ kemən tə́.

Teē Ngán Israel gə̄ 16:4

Kɔ́ɔ̄ɓē əda Moijə na n-a n-rāā kadə̄ yá̰a̰ kəsa ḭḭ dɔ rā̰ tə́ edə tītə̄ man̄ beé dɔdə́ tə́. De gə̄ na a teēn̄ yā kaw̄ kɔy, ba na a ɔyn̄ i kə́ kum ta kəsa ndɔ̄ kógə̄ḿ ngóy kə dɔ ndɔ̄ gə̄. Na n-a n-nāādə́ i tītə̄ ń noō yā ka̰a̰ń ké a rāān̄ yá̰á̰ ń ndū najə̄ yān əda ní aké a rāān̄ aĺ wa.

NDŪ NAJƏ̄ 13:3

Ká ré yá̰á̰ ní reē rāā yá̰a̰ rɔ̄kum tītə̄ ń ədań ní gə̄gē, ba ni mēr̄sí rāā ɓesə̄ gə̄ ō, rāā kəla kadə̄ ɓesə̄ gə̄ ń i nə́ɓā kə́ rang gə̄ kə́ sḭḭ̄ ī-gerīdə́ aĺ ní ō anī,

NGÉ SARYA 2:22

M-ā m̄-nāā ngán Israel gə̄ kə nápar de gə̄ ní yā ka̰a̰ń ké a rāān̄ yá̰á̰ ń kemḿ ndigə ní ō, a oōn̄ taḿ tītə̄ yā kaadə́ gə̄ ō wa.

2 SAMUEL 24:1

Wōn̄g rāā Kɔ́ɔ̄ɓē kə ngán Israel gēé ɓáý to̰. Ni sə̄lā Dabid dɔdə́ tə́. Mērən tə́da kutə Israel gə̄ ō, Juda gə̄ ō,

PĀ GƏ̄ 11:5

Kɔ́ɔ̄ɓē ndigə de kə́ súmūú. Banī nelə̄n kə nge kem nduluú aĺ ō, kə deē ń rāā yá̰a̰ i kə dɔ́nɔ́ ní aĺ ō.

TA KƏLA 15:1

Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

TA KƏLA 21:11

Najə̄ ní nel̄ Abəraham aĺ ngá̰ý tɔdɔ̄ Ismael i ngōnən ō.

TA KƏLA 37:13

Anī Israel əda Jəjep na n-sāā kəlan gō ngákó̰o̰n gə̄ ń aw̄n̄ Sisem kə yá̰a̰ kul̄ gēé dɔ mu tə́ ní. Anī Jəjep ndigə əda na: Mā n toó, ə́lam̄.

TA KƏLA 46:2

Nə́ɓā ndɔ̄bə̄n ndɔ̄ɔ́, ɔr̄ najə̄ seneé, ɓārə́n na Jakob, Jakob! Anī Jakob ndigən na: Mā n toó.

1 SAMUEL 3:4

Kɔ́ɔ̄ɓē ɓāŕ Samuel anī Samuel ndigən na: Mā n toó.