TA KƏLA 21:8 - Bibəl ta Sar̄

⁸ Ngōn̄ ní tɔgə adə̄ ɔr̄nən̄ ta mba tə́. Ba ndɔ̄ ń ɔr̄nəń Isaak ta mba tə́ ní, Abəraham rāā yá̰a̰ kəsa kə́ ngá̰ý ɓāŕəń de gə̄.

Bible sar

⁸ Ngōn̄ ní tɔgə adə̄ ɔr̄nən̄ ta mba tə́. Ba ndɔ̄ ń ɔr̄nəń Isaak ta mba tə́ ní, Abəraham rāā yá̰a̰ kəsa kə́ ngá̰ý ɓāŕəń de gə̄.

TA KƏLA 21:8 Referans Kwoze

1 SAMUEL 1:22

banī Ana aw̄ sedə́ alé. Ni-əda ngaan na n-ngóō kadə̄ ré n-ɔr̄ ngōn̄ ta mba tə́ pá tá n-aw̄ seneé Silo ta kum Kɔ́ɔ̄ɓē tə́ ɓáý ō, n-əya̰n kadə̄ ra kə̄ noó kə́ njɔ́ḿ gə̄ tə́ ō.

OJEE 1:8

Gomer ɔr̄ Tarəmale ta mba tə́. Gō tə́ anī ni ndān̄ ngōn̄ ɓáý to̰, ba ojə ngōn̄ kə́ dəngam kə́ rang.

PĀ GƏ̄ 131:2

Banī kemḿ tetə kə̄ nang tə́ ō, m̄-ndi jəke ō, tītə̄ ngōn̄ kə́ kɔrə̄n ta mba tə́ kə́ tél ndi kadə kó̰o̰n tə́ beē. m̄-tél m̄-ndi i tītə̄ yā ngōn̄ ń noō.

1 MBAN̄G GƏ̄ 3:15

Salomo̰ ndól̄, banī nī yān ní n noó. Ni-tél aw̄ gogə́ Jerusalem, ba aw̄ ra ta kum Kɔ́ɔ̄ɓē tə́ no sandúkə madə̄ naā tə́. Ni ndējə̄ Nə́ɓā yá̰a̰ tun̄ kə́ róō horoó kə taá malang gə̄ ō, yá̰a̰ tun̄ kə́ tām̄ yā kem kógə̄ḿ tə́ gə̄ ō, ba ta tɔ̄l̄ ta anī rāā yá̰a̰ kəsa kə́ ngá̰ý tām̄ yā de kə́ bo yān gə̄ tə́ malang.

2 SAMUEL 3:20

Ni-aw̄ ənge Dabid kem ɓē kə́ Hebron tə́. De gə̄ ń aw̄n̄ seneé ní i deē kutə jōó. Dabid rāā yá̰a̰ kəsa kə́ ngá̰ý adə̄də́.

TA KƏLA 40:20

Ndɔ̄ mətá gō tə́ anī Parao̰ rāā nāā kojən. Ni rāā yá̰a̰ kəsa kə́ ngá̰ý adə̄ ngé rāā kəla yān gə̄ malang. Ni əndā ngol ngé kadə̄ mban̄g yá̰a̰ ka̰ȳ gə̄ ō, ngol ngé kɔr̄ mápa gə̄ ō, loo kə́ bo tə́ ta kum ngé kəla yān gə̄ tə́ malang.

TA KƏLA 29:22

Laban ɓāŕ de kə́ kem ɓēé gə̄ malang ba rāā yá̰a̰ kəsa kə́ ngá̰ý adə̄də́.

TA KƏLA 26:30

Isaak rāā yá̰a̰ kəsa kə́ ngá̰ý adə̄də́, adə̄ əsan̄ ō, a̰ȳn̄ ō.

TA KƏLA 19:3

Banī Lot ra sedə́ gagar adə̄ aw̄n̄ ɓēé looneé. Ni-rāā yá̰a̰ kəsa ō, rāā mápá kə́ kanjə̄ kaan ō, adə̄ əsan̄.

1 SAMUEL 25:36

Dan ń Abigail tél aw̄ ugə̄ ɓēé anī, ənge Nabal i ta yá̰a̰ kəsa kə́ ngá̰ý tə́. I yá̰á̰ kə́ ngá̰ý kə́ tītə̄ yá̰a̰ kəsa mban̄g beé. Rɔ̄ Nabal nelə̄n ngá̰ý. Kasə rāān kɔ̄ɔ́, adə̄ Abigail ədan yá̰á̰ kógə̄ḿ alé bátə́ ta gír loo tə́.

NGÉ SARYA 14:12

Samso̰ əda balsáa gə̄ ní: M-a m-ə́gásí səngó kógə̄ḿ, ba ré ə́damī kum pá tá gír ndɔ̄ kə́ sīrí gə̄ yā yá̰a̰ kūjə́ taā naā gān̄g anī m-a m-ādə̄sí ngōmájə kutə mətá ō, kūbə̄ kə́ yā mbéləń gír madə̄ gə̄ kutə mətá ō.

NGÉ SARYA 14:10

Bɔbə̄ Samso̰ aw̄ ɓē dəyá̰ ní tə́, tɔdɔ̄ Samso̰ rāā yá̰a̰ kūjə́ taā naā looneé tītə̄ ń balsáa gə̄ a rāānəń ní.

TA KƏLA 21:7

Ni-əda ɓáý to̰ na: I náā n əda Abəraham na ndɔ̄ kógə̄ḿ tə́ anī Sara na a adə̄ ngán gə̄ mba ní? Ɓá tā ba m-ójə ngōn̄ kə́ dəngam seneé dɔ ɓə́gan tə́.

TA KƏLA 21:9

Ndɔ̄ kógə̄ḿ tə́ Sara a̰a̰ ngōn̄ ń Agar, dəyá̰ kə́ Ejiptə tə́, ojə kə Abəraham ní loo kógə̄ naā tə́ anī,

1 SAMUEL 1:24

Dan ń ɔrə̄n ta mba tə́ kɔ̄ɔ́ anī aw̄ seneé kem kújə yā Kɔ́ɔ̄ɓē tə́. Nin̄ kə ngaaneé əhɔn̄ man̄g kə́ bəra kə́ ɓālə̄n i mətá jīdə́ tə́ ō. Unən̄ ndujə̄ kem káĺ kə́ bo kógə̄ḿ tə́ ō, kasə nduú jīdə́ tə́ kem sɔlɔɔ́ ō. Adə̄ Samuel tél nge rāā kəla yā Kɔ́ɔ̄ɓē.