TA KƏLA 21:7 - Bibəl ta Sar̄

⁷ Ni-əda ɓáý to̰ na: I náā n əda Abəraham na ndɔ̄ kógə̄ḿ tə́ anī Sara na a adə̄ ngán gə̄ mba ní? Ɓá tā ba m-ójə ngōn̄ kə́ dəngam seneé dɔ ɓə́gan tə́.

Bible sar

⁷ Ni-əda ɓáý to̰ na: I náā n əda Abəraham na ndɔ̄ kógə̄ḿ tə́ anī Sara na a adə̄ ngán gə̄ mba ní? Ɓá tā ba m-ójə ngōn̄ kə́ dəngam seneé dɔ ɓə́gan tə́.

TA KƏLA 21:7 Referans Kwoze

IJAI 66:8

Deē oō yá̰á̰ kə́ beē aké a̰a̰ yá̰á̰ kə́ beē ɓá a? Deē asə kojə ɓē ndɔ̄ kógə̄ḿ beē a? Deē ojə gíŕ nápar de gə̄ ndɔ̄ kógə̄ḿ hap a? Tá i yá̰á̰ ń noō n Jerusalem rāā ní: Rɔ̄n əla gír tōrə̄n i sḛ́ý beē ɓáý, anī ni ojə ngánən gə̄ kɔ̄ɔ́ ɓá!

2 TESALONIK 1:10

Dan ń a reē anī, deē yān gə̄ a rɔȳnən̄ ō, de gə̄ malang ń taān̄ kemən ní a a̰a̰n̄ majən ō. Ndɔ̄ ń noō tə́ ní sḭḭ̄ i dandə́ tə́ ō, tɔdɔ̄ sḭḭ̄ ī-taāī kem najə̄ ń j-ɔjəsí ní.

EPEJƏ 3:10

I yā kadə̄ ngé ko̰o̰ ɓē gə̄ ō, kɔ́ɔ̄ yá̰a̰ gə̄ ō ń ndin̄ dɔ rā̰ tə́ ní, gerə̄n̄neé kum kedə̄ kə́ tayā tayā gə̄ yā Nə́ɓā ngɔlaā kə ta kūl̄ ngé kán̄ naā gēé.

TƏ́DA 23:23

Kəndā gara gətóo dan ngán Israel gə̄ tə́ ō, koō ta kɔdə̄ sāā gə̄ gətóo dan ngán Israel gə̄ tə́ ō. Ré asə dɔ tə́ anī a ədan̄ ngán Jakob gə̄ ō, ngán Israel gə̄ ō, yá̰á̰ ń Nə́ɓā rāā ní.

PĀ GƏ̄ 86:10

Tɔdɔ̄ ḭ̄ i de kə́ bo, ī-rāā yá̰á̰ kə́ majə to ɓōĺ ngá̰ý gə̄, i īkɔ́ kal kógə̄ḿ beē n i Nə́ɓā kə́ rɔ̄kum ní!

PĀ GƏ̄ 86:8

Kɔ́ɔ̄ɓē, dan nə́ɓā gə̄ tə́ malang ní, ni kə́ tītīí gətóo! Yá̰á̰ ń ī-rāā ní, nə́ɓā kógə̄ḿ kə́ asə rāā gətóo.

IJAI 49:21

Ba ā ī-dəje rɔ̄í najə̄ ń toō, ā ə́da na: Ngán gə̄ ń toō malang ní i náā n adə̄m̄ sedə́? Kété ní, ngánə́ḿ gə̄ gətóon̄ ō, m-ásə kənge ngán gə̄ aĺ ō. Aw̄n̄ seḿ dɔ ɓē kə́ rang tə́ dɔ gúú tə́ ō, əya̰mə̄n̄ kɔ̄ɔ́ ō. Ba ngé gə̄ ń noō ní i náā n ətōdə́? Dan ń mā i kérə́ḿ ní, ngán gə̄ ń toō nin̄ i rá?

TA KƏLA 17:17

Abəraham ɔsə non nang tə́ ba əgō. Ni-əda kə́ kemən tə́ na ké deē ń ɓālə̄n i ɓú kógə̄ḿ ní ké a ojə ngōn̄ wa. Ké Sara ń ɓālə̄n i kutə ndōhó ní ké a ojə ngōn̄ ō wa.

TA KƏLA 18:13

Anī Kɔ́ɔ̄ɓē əda Abəraham na: I tām̄ rí tə́ á Sara əgō ba əda na n-tɔgə ɓə́ga kɔ̄ɔ́ ké n-a n-ojə ngōn̄ i ba̰ý wa ní?

TA KƏLA 21:8

Ngōn̄ ní tɔgə adə̄ ɔr̄nən̄ ta mba tə́. Ba ndɔ̄ ń ɔr̄nəń Isaak ta mba tə́ ní, Abəraham rāā yá̰a̰ kəsa kə́ ngá̰ý ɓāŕəń de gə̄.

JEREMI 20:15

Ādə̄ ndɔ̄ĺ i dɔ deē ń aw̄ əda bɔbə́ḿ na: Ojən̄ ngōn̄ kə́ dəngam kógə̄ḿ adə̄nī, adə̄ adə̄n rɔ̄nel̄ ngá̰ý ní.

1 MBAN̄G GƏ̄ 3:21

Dan ń m-ḭ́ḭ dɔɔ́ kə ndɔ̄ý laā yā kadə̄ ngōnə̄ḿ mba anī, ngōn̄ i kə́ oy kɔ̄ɔ́. M-ə̄ndā ma̰ȳn kum loo kə́ unjə̄ kow tə́ anī m-á̰a̰ m̄-ger̄ kadə̄ i ngōnə̄ḿ ń m-ójən ní alé.

1 MBAN̄G GƏ̄ 11:20

Ngōkó̰o̰ Tapənes ojə ngōn̄ kə́ dəngam kə Hadad, anī Hadad əndā rī ngōn̄ ní na i Genubat. Tapənes ətō ngōn̄ ní i ndogó ɓē Parao̰, adə̄ ra i dan ngán Parao̰ gə̄ tə́.