TA KƏLA 21:1 - Bibəl ta Sar̄

¹ Kɔ́ɔ̄ɓē rāā yá̰á̰ ń ənī míndən yā rāā kadə̄ Sara ní.

Bible sar

¹ Kɔ́ɔ̄ɓē rāā yá̰á̰ ń ənī míndən yā rāā kadə̄ Sara ní.

TA KƏLA 21:1 Referans Kwoze

PĀ GƏ̄ 12:6

Banī Kɔ́ɔ̄ɓē əda na, ń toō ní n-a n-ḭḭ dɔɔ́ yā dḭḭ̄ ngé tɔ́gə gətóo gə̄ ń a rāān̄ kumdə́ ndoō tə́ ní ō, ngé rɔ̄ to ndoō gə̄ ń a tṵ́ṵ̄n̄ ní ō. Na n-a n-dḭḭ̄ deē ń a əjanən̄ kə̄ gogə́ kə gidə jīdə́ ní ō.

TA KƏLA 18:10

Kɔ́ɔ̄ɓē əda na: Kem ɓāl̄ kə́ gogə́ tə́ kum beé anī, m-ā m̄-tél yā reē ɓēé looí, ɓáa nə̄yá̰í Sara a ojə ngōn̄ kə́ dəngam kɔ̄ɔ́. Sara ndi ta róbə kújə́ tə́ gidə Abəraham tə́ a oōń najə̄ ní.

TA KƏLA 18:14

Yá̰á̰ kə́rēý kə́ dum̄ Nə́ɓā i noó a? Ɓāl̄ kə́ gogə́ tə́ m-ā m̄-tél yā reē ɓēé looí, ɓáa Sara a aw̄ kə ngōn̄ kə́ dəngam kógə̄ḿ jīn tə́.

TA KƏLA 17:19

Nə́ɓā tél ədan na: Rɔ̄kum, nə̄yá̰í Sara a ojə ngōn̄ kə́ dəngam seí kadə̄ ā ə̄ndā rīn na i Isaak. M-ā m-ə́hɔ madə̄ naā seneé ō, kə ngán kaan gēé gotən tə́ ō. I madə̄ naā kə́ a to ngándáńg.

TITƏ 1:2

Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.

GALATƏ 4:23

Banī ngōn̄ dəyá̰ kə́ ɓəlo ní, ojənən̄ i kə gō dā̰ rɔ̄ɔ́, ba ngōn̄ dəyá̰ kə́ kɔ́ɔ̄ rɔ̄n ní ojənən̄ i kə ta kūl̄ kənī míndə.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

1 SAMUEL 2:21

Kɔ́ɔ̄ɓē dḭḭ̄ Ana adə̄ ojə ngáń kə́ dəngam gə̄ mətá ō, kə́ dəyá̰ gə̄ jōó ō ɓáý to̰. Ba Samuel ń ni i ngōn̄ ní tɔgə kə̄ ta kum Kɔ́ɔ̄ɓē tə́.

GALATƏ 4:28

Ba sḭḭ̄ ngákó̰ó̰ḿ gə̄, sḭḭ̄ i ngán kənī míndə gə̄ tītə̄ yā Isaak.

RUTƏ 1:6

Dan ń Noemi ndi dɔ nang kə́ Moab tə́ ní, ni oō kadə̄ Kɔ́ɔ̄ɓē a̰a̰ gō gír deē yān gə̄ adə̄ adə̄də́ yá̰a̰ kəsa. Ni-ḭḭ dɔɔ́ kə umən kə́ dəyá̰ kə́ jōó gēé yā tél kaw̄ gogə́ dɔ nang kə́ Juda tə́.

TA KƏLA 50:24

Jəjep əda ngákó̰o̰n gə̄ na n-a n-oy ba Nə́ɓā na a dḭḭ̄də́, na a teē sedə́ kɔ̄ɔ́ kem ɓē ń toō tə́ yā kaw̄ sedə́ dɔ nang ń na ənī ndūn yā kadə̄ Abəraham ō, Isaak ō, Jakob ō ní tə́.

TA KƏLA 17:21

Banī m-ā m-ə́hɔ madə̄ naā i kə Isaak ń Sara a ojən yā kadī ní. A ojən dan kə́ tītə̄ ń toō tə́ kem ɓāl̄ ń a reē tə́ toō.

TA KƏLA 17:16

M-ā m̄-rāā majə seneé ō, m-ā m-ādī ngōn̄ kə́ dəngam kə kūl̄neé ō. M-ā m̄-rāā majə seneé kadə̄ a tél kaa nápar de kə́ ngá̰ý gə̄. Mban̄g kə́ bo gə̄ yā gír de kə́ tayā tayā gə̄ a teēn̄ gír kaa yān tə́.

Najə̄ kə́ Majə yā Jeju ń Luk ndang ní 1:68

Kɔ́ɔ̄ɓē ń i Nə́ɓā yā ngán Israel gə̄ ní, asə kadə̄ de gə̄ tɔ̄ȳnən̄! Tām̄ ni-əndā kumən gō gír deē yān gə̄ tə́ ba ajədə́.

Teē Ngán Israel gə̄ 4:31

Nin̄-taān̄ kem. Dan ń gerə̄n̄ kadə̄ Kɔ́ɔ̄ɓē a̰a̰ yá̰á̰ kə́ tōr̄ gə̄ ń a rāān̄ sedə́ ní ō, kadə̄ ni-reē i kajədə́ tə́ ō ní anī, tétə̄n̄ kejədə́ nang tə́ ō, ɔsən̄ nodə́ nang tə́ ō, rɔȳnəń Kɔ́ɔ̄ɓē.

PĀ GƏ̄ 106:4

Kɔ́ɔ̄ɓē, loo ń ā ī-rāā kem majə kə gír deē yāí gēé anī, ī-gír̄ dɔḿ tə́! Dan ń ā ájə́ gír deē yāí gə̄ anī, á̰a̰ gōḿ.

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

Teē Ngán Israel gə̄ 3:16

Āw̄ ɔ́sə dɔ kum kɔɔ̄ gə̄ yā ngán Israel gə̄ naā tə́, ə́dádə́ na Kɔ́ɔ̄ɓē, Nə́ɓā yā kaasí gə̄, adə̄ i Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō, na ndɔ̄bī, ədaī na n-gḛy dḭḭ̄sí tām̄ yá̰á̰ ń rāān̄ sesí kem ɓē kə́ Ejiptə tə́ ní.

Najə̄ kə́ Majə yā Jeju ń Luk ndang ní 19:44

a rējə̄n̄sí rárák nang tə́, ḭ̄ gə̄gē ngání gə̄ ń a ton̄ kem bɔr yāí tə́ ní gə̄gē, a əya̰n̄ mbal̄ kógə̄ḿ dɔ mbal̄ madə̄ tə́ looí alé, tɔdɔ̄ ī-ger̄ ndɔ̄ ń Nə́ɓā reē go̰ō̰īneé tə́ ní alé.

TA KƏLA 24:36

Nə̄yá̰n Sara ojə ngōn̄ seneé dɔ ɓə́gan tə́, adə̄ ni-tél kə yá̰a̰ kənge yān gēé malang adə̄ ngōnə̄n ní.

1 SAMUEL 1:19

Elkana nin̄ kə deē yān gēé ḭḭn̄ dɔɔ́ kə gír looí ɓatə ngá̰ý ba aw̄ ɔsən̄ nodə́ nang tə́ no Kɔ́ɔ̄ɓē tə́ rɔȳnən̄neé. Gō tə́ anī tél aw̄n̄ gogə́ ɓē yādə́ tə́ Rama. Elkana ɓīī kə nə̄yá̰n Ana, anī əga kem Kɔ́ɔ̄ɓē dɔ Ana tə́,

2 MBAN̄G 4:17

Dəyá̰ ní ndān̄ ngōn̄ ba ojə kem ɓāl̄ kə́ kutə̄ gō tə́, kə nāā ń Elije ədanneé tə́ ní.