TA KƏLA 20:7 - Bibəl ta Sar̄

⁷ Ngɔlaā ní ī-tél kə dəyá̰ ń noō ādə̄n kə ngaaneé gogə́. Ngaan i nge koō ta yāḿ. Ni a ndɔ̄ȳm̄ tām̄ yāí tə́ anī, ā ī-ndi kə kumuú. Ba ré ī-tél ādə̄n kə ngaaneé gogə́ aĺ anī, ā óyiī sḭḭ̄ kə de gə̄ yāí gēé malang.

Bible sar

⁷ Ngɔlaā ní ī-tél kə dəyá̰ ń noō ādə̄n kə ngaaneé gogə́. Ngaan i *nge koō ta yāḿ. Ni a ndɔ̄ȳm̄ tām̄ yāí tə́ anī, ā ī-ndi kə kumuú. Ba ré ī-tél ādə̄n kə ngaaneé gogə́ aĺ anī, ā óyiī sḭḭ̄ kə de gə̄ yāí gēé malang.

TA KƏLA 20:7 Referans Kwoze

Makətūbə̄ yā Job 42:8

Ba ń toō ɓáa ə́hɔī man̄g kə́ bəra gə̄ sīrí ō, bal batə̄ gə̄ sīrí ō, ba āw̄ ə́ngeī nge kəla yāḿ Job. Ī-tɔ̄lī dā̰ gə̄ ń noō ī-tunīdə́ kə taá malang tām̄ yá̰á̰ kə́ gōtə́ aĺ ń ī-rāāī tə́ ní ō, ādə̄ nge kəla yāḿ Job ndɔ̄ȳ Nə́ɓā tām̄ yāsí tə́ ō. Ré m̄-rāāsí yá̰á̰ kə́ tōr̄ tām̄ kɔ̄r̄ yāsí tə́ aĺ anī, i najə̄ yā nge kəla yāḿ Job tə́. Tɔdɔ̄ sḭḭ̄ ə́daī najə̄ kə́ rɔ̄kum dɔḿ tə́ tītə̄ nge kəla yāḿ Job alé.

1 SAMUEL 7:5

Gō tə́ anī Samuel əda na: Ādī Israel gə̄ kánə̄n̄ naā malang Misəpa na m-ā m̄-ndɔ̄ȳ Kɔ́ɔ̄ɓē tām̄ yāsí tə́ loo ń noō tə́.

HEBƏRO 13:4

Ādə̄ de gə̄ malang ɓōlə́n̄ gidə taā naā ō, kadə̄ majaĺ tákə̄ tə̄rá taā naā alé ō, tɔdɔ̄ Nə́ɓā a gān̄g sarya dɔ ngé gə̄ ń sāān̄ naā loo kaya tə́ ní ō, dɔ ngé rāȳ gə̄ tə́ ō.

2 SAMUEL 24:17

Dan ń Dabid a̰a̰ de kə́ dɔ rā̰ tə́ loo tɔ̄l̄ de gə̄ tə́ anī, əda Kɔ́ɔ̄ɓē na i ni Dabid n n-mān̄ dɔ ndū najə̄ yā Nə́ɓā ō, n-rāā yá̰á̰ kə́ gōtə́ aĺ ō ní, ba ké batə̄ gə̄ ń noō ké rāān̄ yādə́ i rí wa. Ní kadə̄ kə Kɔ́ɔ̄ɓē kə rāān nəkɔ́ ō, gír kojə yān ō, yá̰á̰ kə́ tōr̄.

1 YÁ̰A̰ GƏ̄ 16:22

Əda de gə̄ na: Ī-lōōī kɔdə rɔ̄ ngé gə̄ ń m-úr yibə̄ dɔdə́ tə́ ní, ī-lōōī rāā ngé koō ta yāḿ gə̄ yá̰á̰ kə́ majaĺ!

2 MBAN̄G 5:11

Loo ń noō tə́ wōn̄g rāā Naaman adə̄ ní ɔtə kə wōngōó ba əda na: Mā m-ɔ́jəń na a teē yā reē rɔ̄ḿ tə́ yā ra kə njan kə́ dɔɔ́ ɓārə́nń rī Kɔ́ɔ̄ɓē Nə́ɓā yān ō, kəla jīn kɔdəń looḿ ń moy i tū tə́ ní ō, kadə̄ bānjə̄ kə́ rɔ̄ḿ tə́ urə̄ń.

1 JA̰A̰ 5:16

Ré de kə́rēý a̰a̰ ngōkó̰o̰n loo rāā majaĺ kə́ a əla deē ta yo tə́ aĺ tə́ anī, ādə̄ ni-ndɔ̄ȳ Nə́ɓā tām̄ yān tə́, na Nə́ɓā a rāā kadə̄ a ndi kə kumneé. Majaĺ kógə̄ḿ kə́ a əla deē ta yo tə́ i noó. Ba i nge ń noō n m-ə́da najə̄ yā ndɔ̄ȳ tām̄ yā nge rāān tə́ ní alé.

HEBƏRO 1:1

Kété ní Nə́ɓā ɔr̄ najə̄ kə kaají gēé kə̄ nja naā tə́ ō, kə ta róbə́ kə́ tayā gēé ō, i kə ta kūl̄ ngé koō ta gēé.

1 KORḚNTƏ 14:4

Nge ń ɔr̄ najə̄ kə ta kə́ tayā ní, mbūsə̄ i gír taā kem yān nəkɔ́ kadə̄ ngan̄g. Ba nge ń əda najə̄ kə́ Nə́ɓā əndā tan tə́ ní, mbūsə̄ i gír taā kem yā ngé kán̄ naā gə̄ malang kadə̄ ra ngan̄g.

EJEKIEL 33:8

Tītə̄ ń toō, i gáŕ kadə̄ m̄-tāā deē kógə̄ḿ kə́ majaĺ m-ə́dan na ni a oy rɔ̄kum. Banī ḭ̄ ī-tāan alé, ī-dəjen kadə̄ tūr̄ hálən alé. Adə̄ deē ní a oy najə̄ yá̰a̰ rāān gə̄ kə́ gōtə́ aĺ tə́, banī mā m-ā m̄-dəjeī ḭ̄ gír yon.

EJEKIEL 3:18

Dan ń m-ā m-ə́da nge rāā majaĺ na: Ā óy rɔ̄kum, ba ré ī-tāān adə̄ tūr̄ hálən ba ndiń kə kumneé alé anī, nge rāā majaĺ ní a oy sɔɔ̄ń yá̰a̰ rāān kə́ gōtə́ aĺ gə̄, banī m-ā m-ə̄ndā najə̄ yon i dɔí ḭ̄ tə́.

JEREMI 27:18

Ré nin̄ i ngé koō ta gə̄ ō, ré Kɔ́ɔ̄ɓē əndā najə̄ tadə́ tə́ ō anī, ādə̄ rāān̄ Kɔ́ɔ̄ɓē kə́ bo kə́ tɔ́gən i ngá̰ý ɓɔ́ kə ngangá ngá̰ý najə̄ kadə̄ de gə̄ ɔyn̄ gotə yá̰a̰ rāā kəla gə̄ ń ton̄ kem kújə yā Kɔ́ɔ̄ɓē tə́ ō, kem kújə yā mban̄g kə́ Juda tə́ ō, kə́ Jerusalem tə́ ō ní aw̄n̄neé Babilon tə́.

JEREMI 15:1

Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.

JEREMI 14:11

Kɔ́ɔ̄ɓē ədam̄ na: Ī-lōō kə ndɔ̄ȳ tām̄ yā gír de gə̄ ń toō tə́, ī-lōō ndə̄ngā kadə̄ ndin̄ majə.

PĀ GƏ̄ 25:14

Kɔ́ɔ̄ɓē ənī kemən adə̄ ngé gə̄ ń ɓōlə́n̄ ndílən ní. Ni-rāā adə̄ gerə̄n̄ madə̄ naā yān.

Makətūbə̄ yā Job 34:19

I ni ngóy n i nge rɔȳ ngār gə̄ tām̄ ta kumdə́ tə́ aĺ ní ō, nge kɔr̄ kam̄ nge kənge yá̰a̰ naā tə́ kə nge ndoó aĺ ní ō. Tɔdɔ̄ i ni n i nge rāādə́ jōó mbak ní.

1 MBAN̄G GƏ̄ 13:6

Kə̄ ta jī tə́ noō mban̄g əda deē yā Nə́ɓā ní na: m̄-dəjeī kadə̄ ī-rāā Kɔ́ɔ̄ɓē Nə́ɓā yāí ɓɔ́ ādə̄ mā̰ȳ rɔ̄n dɔḿ tə́ ō, adə̄ rāā jīḿ ādə̄ tél kə̄ rɔ̄ḿ tə́ ō. Deē yā Nə́ɓā ní rāā Kɔ́ɔ̄ɓē ɓɔ́, anī jī mban̄g tél kə̄ rɔ̄n tə́.

1 SAMUEL 12:23

Mā tā a m-ā m̄-lōō gír rāā Kɔ́ɔ̄ɓē ɓɔ́ tə́ tām̄ yāsí tə́ alé. Tɔdɔ̄ ré m̄-lōō gírí anī m̄-rāā i majaĺ kə Kɔ́ɔ̄ɓēé. M-ā m̄-na̰y kə̄ loo kɔjəsí róbə́ kə́ majə tə́ ō, kə́ súmūú tə́ ō.

1 SAMUEL 12:19

Ədan̄ Samuel na: Ī-rāā Kɔ́ɔ̄ɓē Nə́ɓā yāí ɓɔ́ tām̄ yājí tə́ ādə̄ j-oy alé. Tɔdɔ̄ j-ənī yá̰á̰ kə́ majaĺ kə́ rang ń i dəje mban̄g kógə̄ḿ tām̄ yājí tə́ ní dɔ gotə yá̰á̰ kə́ majaĺ gə̄ malang ń jə-rāā tə́ ní.

1 SAMUEL 7:8

Nin̄ ədan̄ Samuel na: Ī-lōō ndi taí mbóo ō, kəya̰jí kɔ̄ɔ́ ō. Ī-nōō kə̄ dɔ Kɔ́ɔ̄ɓē Nə́ɓā yājí tə́ ādə̄ ajəjí jī Pilistin gə̄ tə́.

LEBI GƏ̄ 6:7

Ndū najə̄ kə́ dɔ kōō kə́ ndējə̄ tə́ n toó: I ngán Aaro̰ gə̄ n a ran̄ ta loo tun̄ yá̰á̰ tə́ yā ndējə̄ Kɔ́ɔ̄ɓē kōō ní.

LEBI GƏ̄ 6:4

Gō tə́ anī, a ɔr̄ kūbə̄ gə̄ kə́ rɔ̄n tə́ kɔ̄ɔ́, ba a əla kə́ rang gə̄ yā kaw̄ń kə kúl dā̰ kə́ tun̄ ní yā ɓōkə́ gidə ɓē tə́ ndágá loo kə́ kɔr̄ kam̄ tə́.

Teē Ngán Israel gə̄ 18:17

Umən tél ədan na loo rāā ń na a rāā noó na majə alé.

Teē Ngán Israel gə̄ 7:1

Anī Kɔ́ɔ̄ɓē əda Moijə na: Á̰a̰ā̰, m-ə̄ndāī i nə́ɓā yā Parao̰ tə́ ō, m-ə̄ndā ngōkó̰ó̰í Aaro̰ i nge koō ta yāí tə́ ō.

Teē Ngán Israel gə̄ 4:16

Aaro̰ na a ɔr̄ najə̄ kə de gēé kum gotən ni Moijə. Aaro̰ na i ta Moijə ō, Moijə na i nə́ɓā yā Aaro̰ ō.

TA KƏLA 12:17

Banī Kɔ́ɔ̄ɓē ənda Parao̰ ō, de gə̄ kə́ kem kújə yān tə́ gə̄ ō, kə yá̰á̰ kə́ to wur kɔl gēé najə̄ yā Sarai nə̄yá̰ Abəram tə́.

TA KƏLA 12:15

Ngol áskar yā mban̄g Parao̰ gə̄ a̰a̰nən̄ anī, aw̄ wálə̄n̄ najə̄ mandən rɔ̄ kɔ́ɔ̄də́ tə́. Adə̄ aw̄n̄ kə dəyá̰ ní ɓē Parao̰ó̰.

TA KƏLA 2:17

ba ī-lōō kəsa kan̄ kāgə̄ kə́ ré deē əsa anī a ger̄ yá̰á̰ kə́ majə ō, yá̰á̰ kə́ majaĺ ō, tɔdɔ̄ ndɔ̄ ń ā ə́sá tə́ ní, ā óy.

KƏLA RĀĀ 8:24

Simo̰ tél əda Piyer nin̄ kə Ja̰a̰ na: Sḭḭ̄ kɔ́ gə̄ ī-ndɔ̄yī Kɔ́ɔ̄ɓē tām̄ yāḿ tə́, ādə̄ yá̰á̰ kógə̄ḿ kə́ dan yá̰a̰ gə̄ ń ə́damī tə́ toō rāām̄ alé.

TA KƏLA 20:3

Ndɔ̄ɔ́ anī Nə́ɓā reē dɔ Abimelek tə́ kə nīí, ədan na: Ā óy najə̄ dəyá̰ ń ādə̄ əhɔ adīn̄ tə́ ní, tɔdɔ̄ ngaan i noó.

TA KƏLA 20:8

Abimelek teē dəloí ɓatə, ɓāŕ ngé kəla yān gə̄, ənīdə́ gotə yá̰a̰ gə̄ ní malang, anī ɓōĺ rāā de gə̄ ní ngá̰ý.

TA KƏLA 23:6

Kɔ́ɔ̄jí, ōō najə̄ yājí. Ḭ̄ i ngār kə́ Nə́ɓā rāā majə seí dɔ dáńjí tə́. Ī-gə̄rā bāá kə́ nelī dan yājí gə̄ tə́ ī-dubə̄ń nə̄yá̰í. Deē kógə̄ḿ kə́ a ɔgī dubə̄ nə̄yá̰í kem bāá yān tə́ danjí tə́ laā gətóo.

2 YÁ̰A̰ GƏ̄ 30:18

De gə̄ ngá̰ý unjə̄n̄ njáý njáý alé. Ngá̰ý gə̄ i de kə́ gír ɓē yā Epəraim tə́ gə̄ ō, Manase tə́ gə̄ ō, Isakar tə́ gə̄ ō, Jabulo̰ tə́ ō. Adə̄ nin̄ əsan̄ dā̰ Pákə i kə gō ń ndangən̄neé kem makətūbūú ní alé. Banī Ejekias rāā Nə́ɓā ɓɔ́ tām̄ yādə́ tə́ əda na: