TA KƏLA 20:1 - Bibəl ta Sar̄

¹ Abəraham aw̄ dɔ nang kə́ Negeb tə́ aw̄ ndi dɔ dán Kades nin̄ kə Sur tə́. Gō tə́ anī, aw̄ ndi Gerar sḛ́ý to̰.

Bible sar

¹ Abəraham aw̄ dɔ nang kə́ Negeb tə́ aw̄ ndi dɔ dán Kades nin̄ kə Sur tə́. Gō tə́ anī, aw̄ ndi Gerar sḛ́ý to̰.

TA KƏLA 20:1 Referans Kwoze

TA KƏLA 26:6

Isaak ndi i Gerar.

TA KƏLA 26:1

Ɓō əsō kem ɓēé, utə̄ gō ɓō ń rāā de gə̄ ɓāl̄ yā Abəraham tə́ ní. Adə̄ Isaak ḭḭ a aw̄ kə̄ Gerar ɓē Abimelek mban̄g yā Pilistin gə̄ tə́.

PĀ GƏ̄ 29:8

Ndūn rāā adə̄ dəla loo ndebə. Kɔ́ɔ̄ɓē rāā adə̄ dəla loo kə́ Kades ndebə.

TA KƏLA 18:1

Kɔ́ɔ̄ɓē ndɔ̄bə̄ Abəraham mbo̰ō̰ kāgə̄ sén gə̄ kə́ Mamre tə́. Abəraham ndi i ta kújə yān tə́. Loo i dan kadə ndaa.

1 SAMUEL 15:7

Saul rɔ̄ɔ̄ Amalek gə̄ Habila bátə́ aw̄ ugə̄ sedə́ ta ɓē kə́ Sur ń ra sɔɔ̄ ta Ejiptə ní tə́.

NDŪ NAJƏ̄ 32:51

Tɔdɔ̄ sḭḭ̄ kə ngōkó̰ó̰í Aaro̰ ī-rāāī yá̰á̰ kə́ gōtə́ aĺ seḿ ta kum ngán Israel gə̄ tə́ Kades, kem dəla loo kə́ Təsin tə́, ta man̄ kə́ Meriba tə́. Ndɔ̄ ń noō tə́ ní sḭḭ̄ ɔ́jiī kə̄ ndágá ta kum ngán Israel gə̄ tə́ kadə̄ mā i de kə́ táĺ alé.

NDŪ NAJƏ̄ 1:19

Gō tə́ anī j-ḭḭī mbal̄ Horeb tə́ kə gō ndū Kɔ́ɔ̄ɓē Nə́ɓā yājí, ba j-əndaī kem dəla loo kə́ bo ngá̰ý ō, to ɓōĺ ngá̰ý ō ń á̰a̰ī kə kumsí ní jə-gāngī. J-uniī i róbə́ kə́ teē mbal̄ ń Amor gə̄ ndin̄ tū tə́ ní n jə-reē j-ugīneé Kades Barnea ní.

TƏ́DA 20:16

Jə-no kə̄ dɔ Kɔ́ɔ̄ɓē tə́ anī ni oō nōō yājí, adə̄ əla de kə́ dɔ rā̰ tə́ kógə̄ḿ adə̄ reē teē sejí kɔ̄ɔ́ kem ɓē kə́ Ejiptə tə́. Ngɔlaā ní jḭḭ i kem ɓē kə́ Kades ń i kadə dɔ nin̄ dɔ nang yāí tə́ ní.

TƏ́DA 13:26

Nin̄ reē əngen̄ Moijə ō, Aaro̰ ō, ngán Israel gə̄ ō, Kades kem dəla loo kə́ Paran tə́. Nin̄-ənīn̄də́ gotə yá̰a̰ malang ń a̰a̰n̄ ní ō, ɔjən̄də́ kan̄ kāgə̄ gə̄ kə́ kem ɓē ní tə́ ō.

TA KƏLA 26:26

Abimelek ḭḭ Gerar reē ka̰a̰n tə́, nin̄ kə Ahujat ń i nge kɔjən gōsə̄ najə̄ ní ō, Pikol ń i ngol áskar yān gə̄ ní ō.

TA KƏLA 26:20

Anī ngé kul̄ yá̰á̰ kə́ Gerar tə́ gə̄ sāān̄ ta ngé kul̄ yá̰a̰ yā Isaak gə̄, ədan̄ na man̄ na i yādə́. Adə̄ Isaak ənda rī bəlo man̄ ni na i Esek, kumən na i sāā tām̄, tɔdɔ̄ sāān̄ tan dɔ man̄ ní tə́.

TA KƏLA 24:62

Isaak ndɔ́tə̄ dɔ bəlo man̄ kə́ Lahai Roi tə́ kɔ̄ɔ́, aw̄ ndi dɔ nang kə́ Negeb tə́.

TA KƏLA 13:1

Abəram ḭḭ Ejiptə aw̄ gogə́ gō nang kə́ Negeb tə́ kə nə̄yá̰neé ō, kə yá̰a̰ kənge yān gēé malang ō. Lot i seneé.

TA KƏLA 10:19

Dɔ nin̄ loo yādə́ əla gír i Sidon, teēń Gerar bátə́ ugə̄ń Gaja ō, Sodom ō, Gomor ō, Adəma ō, Seboim ō, Lesa ō.

TA KƏLA 16:14

I tām̄ najə̄ ń noō tə́ n əndānəń rī bəlo man̄ ń ra dɔ dán Kades nin̄ kə Bered tə́ ní na i bəlo man̄ yā Lahai Roi ní, kumən na i bəlo man̄ yā nge ndi kə kumuú ń a̰a̰m̄ ní.

TA KƏLA 16:7

Nge kaw̄ kəla yā Kɔ́ɔ̄ɓē əngen ta kəɓa man̄ kógə̄ḿ kə́ kem dəla loo tə́. I ta kəɓa man̄ kə́ dɔ róbə́ kə́ ta kaw̄ kə̄ Sur tə́.

TA KƏLA 16:1

Sarai, nə̄yá̰ Abəram, ojə ngōn̄ adə̄n alé. Ba ni-aw̄ kə ɓəlo kə́ dəyá̰ kógə̄ḿ kə́ Ejiptə tə́, rīn na i Agar.

TA KƏLA 14:7

Gō tə́ anī nin̄ tél reēn̄ En Misəpat ń i Kades ní, ba rɔ̄ɔ̄n̄ Amalek gə̄ dɔ nang yādə́ tə́ malang ō, Amor gə̄ ń ndin̄ Hasason Tamar ní ō.

TA KƏLA 12:9

Abəram ndi ɓáa ndɔ́təń sḛ́ý sḛ́ý kum kə̄ gō nang kə́ Negeb tə́.

TA KƏLA 25:18

Ɓē yā ngán kaan gə̄ əla gír i Habila bátə́ ugə̄ń Sur. Sur i kadə Ejiptə tə́, kum kə̄ Asur. Nin̄ ndin̄ i kə kéŕdə́, ɓoon̄ naā kə gotə ngán kaa Abəraham kə́ rang gə̄ alé.

Teē Ngán Israel gə̄ 15:22

Ngán Israel gə̄ ń Moijə ɔr nodə́ ní, ḭḭn̄ bā tə̄ɓā gə̄ tə́ aw̄n̄ kum kə̄ dəla loo kə́ Sur tə́. Nin̄-njə̄rān̄ ndɔ̄ mətá kem dəla loo tə́ kanjə̄ kənge man̄.

TA KƏLA 21:34

Abəraham ndi dan i ngá̰ý dɔ nang yā Pilistin gə̄ tə́.