TA KƏLA 2:8 - Bibəl ta Sar̄

⁸ Gō tə́ anī, Kɔ́ɔ̄ɓē Nə́ɓā rāā ndɔr̄ gō nang kə́ Eden tə́, dām̄ kə́ gír ɓē tə́, ba əndā deē ní tū tə́.

Bible sar

⁸ Gō tə́ anī, Kɔ́ɔ̄ɓē Nə́ɓā rāā ndɔr̄ gō nang kə́ Eden tə́, dām̄ kə́ gír ɓē tə́, ba əndā deē ní tū tə́.

TA KƏLA 2:8 Referans Kwoze

EJEKIEL 28:13

Ī-ndi i Eden, kem ndɔr̄ yā Nə́ɓā tə́, mbal̄ gə̄ kə́ gātə̄də́ i ngá̰ý gə̄ utə̄n̄ gidií, adə̄ i mbal̄ sarduan ō, topajə ō, diyamā̰a̰ ō, kərijolitə ō, kɔrnalin ō, jaspə ō, sapir ō, gərenatə ō, emerodə ō. Ḭ̄ ō̰ō̰ nə̄ngá kə́ tayā tayā gə̄ kə́ rāān̄də́ kə lɔ́r, rāān̄ nə̄ngá gə̄ ní i ndɔ̄ ń rāānəń ḭ̄ tə́ ní.

TA KƏLA 3:24

Kɔ́ɔ̄ɓē Nə́ɓā tə̄ɓādə́ kɔ̄ɔ́ ba əndā de kə́ dɔ rā̰ tə́ gə̄ kə́ ngé ngɔ̄m̄ loo gə̄ ta ndɔr̄ kə́ Eden tə́, dām̄ kə́ dūn̄ ɓē tə́, kə kaskar kə́ to tītə̄ ndo̰ hor kə́ tūr̄ gidə naā tə́, kadə̄ ngɔ̄mə̄n̄ ta róbə́ kə́ yā kaw̄ń kə̄ rɔ̄ kāgə̄ kə́ deē əsa anī a ndi kə kumuú ní tə́.

TA KƏLA 13:10

Lot un kumən kə́ dɔɔ́ anī a̰a̰ ndágə loo kə́ Jurdḛ tə́ ń man̄ aw̄ tū tə́ majə ní. Kété tá kadə̄ Kɔ́ɔ̄ɓē nujə Sodom ō, Gomor ō ní, ndágə loo kə́ Jurdḛ tə́ ní to i tītə̄ loo kə́ kem ndɔr̄ yā Kɔ́ɔ̄ɓē tə́ ō, to i tītə̄ dɔ nang kə́ Ejiptə tə́ ō, bátə́ ugə̄ń Soar.

JOEL 2:3

Hor o̰o̰ loo kété nodə́ tə́ ō, ɓáa, ta ndo̰ hor kə́ o̰o̰ bəlim bəlim i gōgə̄ gōdə́ tə́ ō. Ɓē to kété nodə́ tə́ i tītə̄ ndɔr̄ kə́ Eden beē. Ba ré mānə̄n̄ i dəla loo kə́ nujə sák sák kɔ̄ɔ́ beē. Yá̰á̰ kógə̄ḿ kə́ teē ta jīdə́ tə́ gətóo.

IJAI 51:3

Kum Kɔ́ɔ̄ɓē o̰o̰n tām̄ yā Siyo̰ tə́, kumən o̰o̰n tām̄ yā gájə́ kújə yān gə̄ tə́. Ɓē ń toō ń de kə́ kemeé gə̄ gətóon̄ ní, ni a tūrə̄n kadə̄ tél loo kə́ majə ngá̰ý. Ni a rāā dɔ nang kə́ tutə ń toō kadə̄ tél ndɔr̄ kə́ Eden. Rɔ̄nel̄ kə́ ngá̰ý ō, pā tɔ̄ȳ ō, yá̰á̰ kə́ ɓār̄ gōsə̄ ō, a to loo ń noō tə́.

2 MBAN̄G 19:12

Ɓē kə́ Gojan ō, Haran ō, Resep ō, ngáń kə́ Eden tə́ gə̄ ń ndin̄ Telasar á mban̄g kə́ Asiri tə́ kə́ kété noḿ tə́ gə̄ nujən̄də́ sák sák kɔ̄ɔ́ ní ō ní, ɓesə̄ yādə́ gə̄ taān̄də́ əya̰n̄də́ dɔɔ́ noō a?

TA KƏLA 4:16

Gō tə́ anī Kain aw̄ ndi dɔ nang kə́ Nod tə́, sa̰y kɔ̄ɔ́ ta kum Kɔ́ɔ̄ɓē tə́, dām̄ ndɔr̄ Eden kə́ gír ɓē tə́ tə́.

EJEKIEL 31:16

Dan ń m-ā m̄-rāā kadə̄ kāgə̄ ngeé ń toō aw̄ ɓádá gō ngé gə̄ ń ton̄ ɓádá tə́ ní anī, nápar de gə̄ ń a oōn̄ kōōn loo kəsō tə́ ní, ɓōĺ a rāādə́ adə̄ nin̄ a ndewn̄. Yá̰a̰ malang kə́ gírí nang tə́ ń i kāgə̄ gə̄ malang kə́ Eden tə́ ō, kāgə̄ gə̄ kə́ dɔ mbal̄ kə́ Liban tə́ i kāgə̄ gə̄ kə́ majən̄ tɔȳ madə̄ gə̄ ō, rāān̄ man̄ dɔ tə́ tɔȳ yā gotə gə̄ ō ní, a rāān̄ rɔ̄nel̄.

EJEKIEL 31:18

Kem ndɔr̄ kə́ Eden tə́ ní, kāgə̄ kə́ majə tītīí gətóo ō, kə́ bo tītīí gətóo ō. Ɓá tā ba m-ā m̄-rāāī kadə̄ āw̄ gíŕ nángāá naā tə́ kə kāgə̄ gə̄ ń noō. Ā ī-to loo ń noō tə́ kə de gə̄ kə́ əjan̄ mɔtədə́ aĺ ō, kə de gə̄ kə́ oyn̄ yo rɔ̄ɔ̄ ō. Yá̰á̰ ń a rāā mban̄g kə́ Ejiptə ō, a rāā gír deē yān gə̄ malang ō ni n noó. I Kɔ́ɔ̄ɓē Nə́ɓā n əda najə̄ ń noō ní.

EJEKIEL 27:23

Ɓē gə̄ kə́ Haran ō, kə́ Kane ō, kə́ Eden ō, ngé rāā gātə̄ gə̄ Saba ō, ɓē gə̄ kə́ Asur ō, kə́ Kilmad ō, a rāān̄ gātə̄ i seí ḭ̄ḭ́.

TA KƏLA 3:23

Kɔ́ɔ̄ɓē Nə́ɓā tə̄ɓā de gə̄ kɔ̄ɔ́ kem ndɔr̄ kə́ Eden tə́ kadə̄ aw̄ ndɔrə̄n̄ dɔ nang ń rāańdə́ ní.