TA KƏLA 2:7 - Bibəl ta Sar̄

⁷ Kɔ́ɔ̄ɓē Nə́ɓā ɔy nán̄g əɓāń deē. Ni-əla koō ndi kə kumuú kónən tə́ adə̄ tél de kə́ kə kumuú.

Bible sar

⁷ Kɔ́ɔ̄ɓē Nə́ɓā ɔy nán̄g əɓāń deē. Ni-əla koō ndi kə kumuú kónən tə́ adə̄ tél de kə́ kə kumuú.

TA KƏLA 2:7 Referans Kwoze

1 KORḚNTƏ 15:45

I beé n ndangən̄ kem makətūbə̄ yā Nə́ɓā tə́ na: De kə́ ta kəga dɔ ń i Adam ní, téĺ yá̰á̰ kə́ ndi kə kumneé. Banī Adam kə́ gogə́ i Ndíl kə́ nge rāā kadə̄ deē ndi kə kumneé.

Makətūbə̄ yā Job 33:4

I Ndíĺ Nə́ɓā n əndām̄ ní ō, i koō Nə́ɓā kə́ tɔ́gən i ngá̰ý n i nge rāā kadə̄ m̄-ndi kə kumḿ ní ō.

KOHELET 12:7

Loo ń noō tə́ ní dā̰ rɔ̄ deē téĺ nán̄g gogə́ tām̄ rāānən̄ i kə nángāá ō, koō deē tél kə̄ rɔ̄ Nə́ɓā tə́ gogə́, tām̄ i Nə́ɓā n i nge kəla koō kem deē tə́ ní ō.

IJAI 64:8

Kɔ́ɔ̄ɓē, ī-lōō kadə̄ wōn̄g rāāī ngá̰ý. Yá̰a̰ rāājí kə́ gōtə́ aĺ gə̄ ní, ādə̄ əga kemií dɔ tə́ kə́ njɔ́ḿ gə̄ tə́ alé. Jə-rāāī ɓɔ́ ba á̰a̰ā̰, jḭḭ malang i gír deē yāí gə̄.

KƏLA RĀĀ 17:25

Kəla yān i kəla kə́ deē a rāā kə jīneé aĺ ō, ni-gḛy i yá̰á̰ kə́rēý á kadə̄ deē adə̄n aĺ ō, tɔdɔ̄ i ni n i nge rāā kadə̄ de gə̄ malang ndin̄ kə kumdə́ ō, nge kəla koō kemdə́ tə́ ō, nge kadə̄də́ gotə yá̰á̰ kə́ rang gə̄ malang ō ní.

1 KORḚNTƏ 15:47

De kə́ ta kəga dɔ ń rāānən̄ kə nángāá ní i de kə́ dɔ nang tə́, ba Adam kə́ nge ko̰ jōó ḭḭ dɔ rā̰ tə́ n reē.

TA KƏLA 3:19

Ā ī-rāā kəla kə́ úy tətō tá ā ə́ngeń yá̰a̰ kəsa yāí, bátə́ kadə̄ ā ī-tél āwń gogə́ tū nán̄g ń ī-teē tū tə́ ní tə́. Tɔdɔ̄ rāāīn̄ i kə nángāá, adə̄ ā ī-tél kə̄ gogə́ gíŕ nángāá.

Makətūbə̄ yā Job 27:3

Dan ń m-ásə taā koō ɓáý ō, koō yā Nə́ɓā i kónə́ḿ tə́ ɓáý ō ní,

TA KƏLA 7:22

Yá̰a̰ malang kə́ dɔ nang tə́ ń koō ndi kə kumuú i kemən tə́ ní oy.

JAKARI 12:1

Najə̄ yā Kɔ́ɔ̄ɓē kógə̄ḿ kə́ tām̄ yā Israel tə́ n toó. Kɔ́ɔ̄ɓē ń teē kem dɔ rā̰ ō, əndā dɔ nang dɔ gír gisən gə̄ tə́ ō, əla koō kem deē tə́ ō ní, əda wáńg na:

PĀ GƏ̄ 103:14

Ni ger̄ yá̰á̰ ń ló̰ȳ əɓān̄neéjí ní majə, əga kemən kadə̄ jḭḭ̄ i bumbə́ru.

PĀ GƏ̄ 100:3

Majə kadə̄ ī-gerī na Kɔ́ɔ̄ɓē i Nə́ɓā. I ni n i nge rāājí ní, jḭḭ̄ i yá̰a̰ yān gə̄. Jḭḭ̄ i gír deē yān gə̄, jḭḭ̄ i ɓūtə̄ yá̰a̰ kul̄ gə̄ ń i ni n i nge ngɔ̄m̄də́ ní.

Makətūbə̄ ń Pol ndang adə̄ Rom gə̄ ní 9:20

Banī ḭ̄ deē i náā á kadə̄ ī-nējī naā najə̄ kə Nə́ɓāá ní? Yá̰á̰ ń kɔdə̄ əɓā kə jīneé ní a tél a əda kɔdə̄ na ké i tām̄ rí tə́ áké kɔdə̄ əɓān beé wa a?

IJAI 2:22

I beé ní, ə́ya̰ī deē ndul gə̄! Ndidə́ kə kumdə́ i koō ngóy. Ní, nin̄ i rí kógə̄ḿ?

TA KƏLA 3:23

Kɔ́ɔ̄ɓē Nə́ɓā tə̄ɓā de gə̄ kɔ̄ɔ́ kem ndɔr̄ kə́ Eden tə́ kadə̄ aw̄ ndɔrə̄n̄ dɔ nang ń rāańdə́ ní.

HEBƏRO 12:9

Ī-gírī dɔ bɔbə̄jí kə́ dɔ nang tə́ laā gə̄ tə́. Əndan̄jí yā tūrəńjí, anī jə-ɓōlíī ndíĺdə́. Majə kadə̄ j-əlaī dɔjí gíŕ tɔ́gə Bɔbə̄jí kə́ dɔ rā̰ tə́ kadə̄ tɔȳ yādə́, yā kadə̄ jə-ndiīń kə kumjí aĺ a?

TƏ́DA 16:22

Moijə nin̄ kə Aaro̰ əsō sébən̄ kumdə́ nang tə́ ba ədan̄ na: Á Nə́ɓā, ḭ̄ ń ī-rāā adə̄ de gə̄ malang ndin̄ kə kumdə́ ní, de kə́ kógə̄ḿ beē rāā yá̰á̰ kə́ majanī, ā ī-rāā wōn̄g kə gotə de gə̄ malang a?

Gōsə̄ najə̄ gə̄ 20:27

Koō deē i hor lámba yā Kɔ́ɔ̄ɓē, ni-a̰a̰ loo bátə́ teē gə́la kem deē tə́.

Makətūbə̄ yā Job 33:6

Á̰a̰ā̰, m-ásə seí ta kum Nə́ɓā tə́, əɓāmə̄n̄ i kə nánjá ō.

2 KORḚNTƏ 5:1

Rɔ̄jí i kújə yājí kə́ dɔ nang tə́ laā. Ba jə-gerī kadə̄ ré kújə yājí ngeé ń toō nujə kɔ̄ɔ́ anī, j-awī kə nge kə́ a to ngándáńg dɔ rā̰ tə́, kə́ Nə́ɓā rāā tām̄ yājí tə́, kújə́ ní i kújə́ kə́ deē rāā kə jīneé alé.

2 KORḚNTƏ 4:7

Banī jḭḭ ń j-ətō yá̰a̰ kənge kə́ gātə̄n i ngá̰ý ngeé ń toō ní, jə-to i tītə̄ jóó nánjə̄ gə̄ beé, yā kadə̄ de gə̄ gerə̄n̄neé kadə̄ tɔ́gə́ kə́ ngá̰ý kə́ to tayā ngeé ń toō ní, i yā Nə́ɓā ba i yājí jḭḭ alé.

JA̰A̰ 20:22

Gō najə̄ ń toō tə́ anī, ni əla tóo dɔdə́ tə́ ba ədadə́ na: Ī-taāī Ndíĺ kə́ Táĺ.

Makətūbə̄ yā Job 4:19

deē ndul gə̄ ń rāān̄də́ i kə nánjá ō, rɔ̄də́ i nán̄g ō, asən̄ tɔ̄l̄də́ tītə̄ loo tɔ̄l̄ kón̄g beé ō ní, loo kadə̄ ni-ənī kemən adə̄də́ i ba̰ý?

TƏ́DA 27:16

Kɔ́ɔ̄ɓē Nə́ɓā, ḭ̄ ń ī-rāā de gə̄ malang ādə̄ ndin̄ kə kumdə́ ní, ə̄ndā deē kógə̄ḿ dɔ ngán Israel gə̄ tə́,

KOHELET 3:7

Kum mbang kə́ yā kadə̄ deē rə̄ya̰ń kūbə̄ i noó ō, ni kə́ yā kadə̄ deē urə̄ń i noó ō. Kum mbang kə́ yā kadə̄ deē ndiń tan mbóo i noó ō, ni kə́ yā kadə̄ deē ɔrə̄ń najə̄ i noó ō.

1 TIMOTE 2:13

Tɔdɔ̄ i Adam n Nə́ɓā rāān kété tá kadə̄ rāā Ebə ɓáý ní.

TA KƏLA 2:6

Ba man̄ kə́rēý teē nang tə́ a əla loo.

NŌŌ RƆ̄ 4:20

Mban̄g ń Kɔ́ɔ̄ɓē gə̄rān á i nge rāā kadə jə-ndiī kə kumjí ní ō, ni ń j-ɔrī najə̄ yān j-ədaī na: J-a jə-ndiī dan nápar de gə̄ tə́ gír ndílən tə́ ō ní, ni i kem kújə dəngáy yādə́ gə̄ kə́ gíŕ nángāá tə́.

EJEKIEL 37:5

Najə̄ ń Kɔ́ɔ̄ɓē Nə́ɓā ədasí ní n toó: M-ā m̄-rāā kadə̄ koō kógə̄ḿ kə́ a rāā deē kadə̄ ndi kə kumneé reē kemsí tə́, adə̄ ā ī-ndiī kə kumsí.

TA KƏLA 1:27

Nə́ɓā rāā de gə̄, ni-əndā de gə̄ kə́ teēnən̄. I de gə̄ kə́ teēnən̄ n ni-əndādə́ ní. Əndādə́ dəngam ō, dəyá̰ ō.

EJEKIEL 37:6

M-ā m̄-rāā ngərasí gə̄ kadə̄ ton̄ rɔ̄sí tə́ ō, m-ā m̄-rāā dā̰sí gə̄ kadə̄ ton̄ gidəsí gə̄ tə́ ō, m-ā m-ūtə̄ gidəsí kə ndāŕ ō. M-ā m-ə́la koō kə́ rāā deē kadə̄ ndi kə kumneé kemsí tə́ adə̄ ā ī-ndiī kə kumsí. Loo ń noō tə́ ā ī-gerī kadə̄ Kɔ́ɔ̄ɓē i mā.