TA KƏLA 2:4 - Bibəl ta Sar̄

⁴ Adə̄ Nə́ɓā rāā dɔ rā̰ ō, dɔ nang ō i tītə̄ ń noō.

Bible sar

⁴ Adə̄ Nə́ɓā rāā dɔ rā̰ ō, dɔ nang ō i tītə̄ ń noō.

TA KƏLA 2:4 Referans Kwoze

TA KƏLA 5:1

Rī de gə̄ kə́ gír kojə yā Adam tə́ n toó: Ndɔ̄ ń Nə́ɓā əndāń deē tə́ ní, ni-rāān adə̄ to tītə̄ Nə́ɓā.

JEJU TEĒ KUM JA̰A̰ 1:8

Kɔ́ɔ̄ɓē Nə́ɓā əda na ni na i Alpa ō, Omega ō, deē ń ndi ngɔlaā ō, ndi kété ō, a reē ɓáý ō ní. I ni n i Nə́ɓā kə́ bo kə́ tɔ́gən i ngá̰ý ní.

Makətūbə̄ yā Job 38:28

Man̄ ń edə ní bɔbə̄n i noó a? Aké i náā n ojə tal ń tə́sō ní?

1 MBAN̄G GƏ̄ 18:39

Dan ń ngán Israel gə̄ a̰a̰n̄ yá̰á̰ ní anī, nin̄ malang əsōn̄ kə̄ nang tə́, ɔsən̄ nodə́ nang tə́ ba ədan̄ na: I Kɔ́ɔ̄ɓē ń i Nə́ɓā ní! I Kɔ́ɔ̄ɓē n i Nə́ɓā ní!

Teē Ngán Israel gə̄ 15:3

Kɔ́ɔ̄ɓē i go̰ rɔ̄ɔ̄, rīn əhɔ dɔn majə ngá̰ý, a ɓāŕnən̄ na i Kɔ́ɔ̄ɓē.

TA KƏLA 36:1

Ngán Esau gə̄ n toó: Esau ń rīn na i Edom ní taā dəyá̰ gə̄ i dan ngáń kə́ dəyá̰ kə́ Kanaan gə̄ tə́. Kógə̄ḿ i Ada ngōn̄ Elon ń i Het ní ō, kə́ noō i Oholibama ngōn̄ Ana kə́ ngōn̄ Sibeon ń i Hibi ní ō.

TA KƏLA 1:31

Dan ń Nə́ɓā a̰a̰ yá̰a̰ malang ń ni-rāā ní anī, nelə̄n ngá̰ý. Loo tíbə nja i kógə̄ḿ ō, tīī nja i kógə̄ḿ ō, adə̄ i ndɔ̄ kə́ nge ko̰ mehḛ́.

TA KƏLA 1:4

Dan ń Nə́ɓā a̰a̰ loo kə́ unjə̄ kow ngeé ń toō ní a, loo kə́ unjə̄ kow ní nelə̄n. Anī Nə́ɓā ɔr̄ nin̄ loo kə́ unjə̄ kow naā tə́ kə tilií.

PĀ GƏ̄ 18:31

Róbə yā Nə́ɓā i róbə́ kə́ majə ɔtə̄ kə taá. Najə̄ kɔr̄ Kɔ́ɔ̄ɓē a rāā yá̰á̰ gáŕ. Ni i der yā de gə̄ malang ń a ɓɔ̄ɔ̄n̄ rɔ̄də́ rɔ̄n tə́ ní.

2 YÁ̰A̰ GƏ̄ 20:6

ba əda na: Kɔ́ɔ̄ɓē, Nə́ɓā yā kaají gə̄, i ḭ̄ n i Nə́ɓā dɔ rā̰ tə́ ō, ī-ndi dɔ ɓē ko̰o̰ gə̄ malang yā nápar de gə̄ tə́ ō ní aĺ a? Tɔ́gí to ō, ī-ngan̄g ō, adə̄ de kə́ asə rɔ̄ɔ̄ seí gətóo.

Teē Ngán Israel gə̄ 6:16

Rī ngán Lebi gə̄ n toó kə gō gír kaadə́ gēé. Ngánən gə̄ i mətá: Gerson ō, Kehat ō, Merari ō. Lebi rāā ɓāl̄ ɓú kə kutə mətá kə kalən kə́ sīrí pá tá kadə̄ oy ɓáý.

TA KƏLA 36:9

Esau, kaa de kə́ Edom gə̄ ń ndin̄ ɓē dɔ mbal̄ kə́ Seir tə́ ní, ngánən gə̄ ō, ngán kaan gə̄ ō n toó:

TA KƏLA 25:19

Gotə najə̄ yā Isaak ngōn̄ Abəraham n toó:

TA KƏLA 25:12

Gír kojə yā Ismael ngōn̄ ń Abəraham ojə kə Agar dəyá̰ kə́ Ejiptə tə́ kə́ nge kəla yā Sara ní n toó:

TA KƏLA 11:10

Gír kojə yā Sem n toó: Sem rāā ɓāl̄ ɓú anī, ojə Arpaksad, ɓāl̄ jōó gō man̄ kaw̄ tə́.

TA KƏLA 10:1

Ngán Noe gə̄ ń i Sem ō, Kam ō, Japet ō ní ojən̄ naā gō man̄ kaw̄ tə́. Gír kojə yādə́ n toó:

TA KƏLA 1:28

Nə́ɓā rāā majə sedə́ ɓáý, ədadə́ na: Ɔ́jiī ngán gə̄ ī-bəlaī ī-rosiī dɔ nang malang, ə́laī dɔ yá̰a̰ malang ń m̄-rāā ní gíŕ tɔ́gə yāsí tə́. Ī-ndiī dɔ kānjə̄ kə́ kum bā bo gə̄ tə́ ō, dɔ yel̄ kə́ dɔɔ́ gə̄ tə́ ō, dɔ dā̰ malang kə́ a njə̄rā nang tə́ tə́ ō.

TA KƏLA 1:1

Ta kəga dɔ sasak Nə́ɓā əndā dɔ rā̰ ō, dɔ nang ō.

JEJU TEĒ KUM JA̰A̰ 16:5

Anī de kə́ dɔ rā̰ tə́ ń əndānən̄ dɔ man̄ gə̄ tə́ ní ɔr̄ najə̄ adə̄ m-ōō, əda na: Ḭ̄ ń ī-ndi ngɔlaā ō, ī-ndi kété ō, ī-to kadə̄ deē ɓōĺ ndílí ō rɔyī ō ní, ḭ̄ i de kə́ gōtə́, tām̄ ī-gān̄g sarya dɔ yá̰a̰ gə̄ ń toō tə́.

JEJU TEĒ KUM JA̰A̰ 11:17

Nin̄-ədan̄ na: Kɔ́ɔ̄ɓē Nə́ɓā kə́ bo kə́ tɔ́gí i ngá̰ý, ḭ̄ ń ī-ndi ngɔlaā ō, ī-ndi kété ō ní, jə-ndadə̄ j-adī tɔdɔ̄ ó̰o̰ ɓē kə ta kūl̄ tɔ́gí kə́ ngá̰ý.

JEJU TEĒ KUM JA̰A̰ 1:4

I mā Ja̰a̰ n m̄-ndang makətūbə̄ ń toō m-ə́lań m-ādə̄ Egəlijə kə́ sīrí gə̄ kə́ gō nang kə́ Aji tə́ ní. Ādə̄ nge ń ndi ngɔlaā ō, ndi kété ō, a reē ɓáý ní ō, ādə̄ ndíĺ kə́ sīrí gə̄ ń ran̄ ta kōr̄ kāgə̄ mbang yān tə́ ní ō, rajən̄sí ō, sɔlə̄n̄ kemsí ō. Ādə̄ Jeju Kərist ń i nge kəda najə̄ kə́ kum tə́ kə́ ni i nge ra dɔ ndūn tə́ ō, ni i ngōn̄ hágə́ kə́ ndól̄ kété no de kə́ koy gə̄ tə́ ō, ni i de kə́ bo kə́ dɔ mban̄g gə̄ kə́ dɔ nang tə́ ō ní, Kərist ń táŕjí ō, gān̄g dɔjí kə mósəneé najə̄ majaĺ yājí tə́ ō,

IJAI 44:6

Yá̰á̰ ń Kɔ́ɔ̄ɓē ō, mban̄g ō, nge gān̄g dɔ Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.

PĀ GƏ̄ 86:10

Tɔdɔ̄ ḭ̄ i de kə́ bo, ī-rāā yá̰á̰ kə́ majə to ɓōĺ ngá̰ý gə̄, i īkɔ́ kal kógə̄ḿ beē n i Nə́ɓā kə́ rɔ̄kum ní!

TA KƏLA 1:3

Nə́ɓā əda na kadə̄ loo kə unjə̄ kow, anī loo unjə̄ kow.

TA KƏLA 2:3

Nə́ɓā ɔr̄ najə̄ kə́ majə dɔ ndɔ̄ kə́ nge ko̰ sīrí tə́. Ni-ɔr̄ kamə̄n tām̄ yān nəkɔ́ tə́, tɔdɔ̄ i ndɔ̄ ń ni-ɔrə̄ń koō gō kəla malang ń ni-rāā tə́ ní.

Makətūbə̄ yā Job 38:4

Dan ń m-ā m̄-rāań dɔ nang ní, ḭ̄ i loo kə́ rá tə́? Tītə̄ ń ī-ger̄ yá̰á̰ ngá̰ý ní, ə́dam̄!