TA KƏLA 2:2 - Bibəl ta Sar̄

² Dan ń Nə́ɓā rāā kəla yān malang oy ní, ni-ɔr̄ koō kə ndɔ̄ kə́ nge ko̰ sīrí.

Bible sar

² Dan ń Nə́ɓā rāā kəla yān malang oy ní, ni-ɔr̄ koō kə ndɔ̄ kə́ nge ko̰ sīrí.

TA KƏLA 2:2 Referans Kwoze

HEBƏRO 4:4

Tɔdɔ̄ ɔrə̄n̄ najə̄ kə́ dɔ ndɔ̄ kə́ nge ko̰ sīrí tə́ kem makətūbə̄ yā Nə́ɓā tə́ na: Nə́ɓā ɔr̄ koō tām̄ kəla malang ń ni-rāā tə́ ní kə ndɔ̄ kə́ nge ko̰ sīrí.

Teē Ngán Israel gə̄ 31:17

Ndɔ̄ ń noō i ndɔ̄ kə́ ɔ́jə dɔ ɓoo naā yāḿ mā Kɔ́ɔ̄ɓē kə ngán Israel gēé kə́ a to ngándáńg. I yá̰á̰ kə́ ɔjə kadə̄ m̄-rāā dɔ rā̰ ō, dɔ nang ō, i kem ndɔ̄ mehḛ́, ba kə ndɔ̄ kə́ nge ko̰ sīrí anī m-ɔ̄r̄ koō.

NDŪ NAJƏ̄ 5:14

ba ndɔ̄ kə́ nge ko̰ sīrí i ndɔ̄ sabat tām̄ yā Kɔ́ɔ̄ɓē Nə́ɓā yāí tə́. Ndɔ̄ ń noō tə́ ḭ̄ ō, ngání gə̄ ō, ngé kəla yāí kə́ dəngam gə̄ ō, kə́ dəyá̰ gə̄ ō, man̄g yāí ō, kərō yāí ō, dā̰ kógə̄ḿ kə́ dan dā̰ yāí gə̄ tə́ ō, tə̄rā kə́ nge nam̄ ń ndi ɓēé looí ní ō, ā ī-rāāī kəla ndɔ̄ ń noō tə́ alé. Majə kadə̄ ngé kəla yāí kə́ dəngam gə̄ ō, kə́ dəyá̰ gə̄ ō, ɔrə̄n̄ koō tītə̄ yāí.

Teē Ngán Israel gə̄ 23:12

Ā ī-rāā kəla yāí ndɔ̄ mehḛ́, ba kə ndɔ̄ kə́ nge ko̰ sīrí anī ā ī-rāā kəla alé, kadə̄ man̄g yāí nin̄ kə kərō yāí taān̄neé koō ō, kadə̄ ngōn̄ nge kəla yāí nin̄ kə tə̄rā kə́ nge namāá ɔrə̄n̄neé koō ō.

JA̰A̰ 5:17

Banī Jeju tél ədadə́ na: Bátə́ ngɔlaā ní Bɔbə́ḿ ndi i kə kəlaá jīn tə́, adə̄ mā m̄-ndi i kə kəlaá jīḿ tə́ ō.

IJAI 58:13

Tītə̄ ń toō: Ī-mbātə́ rāā kəla ndɔ̄ sabat tə́, ndɔ̄ ń noō ń i ndɔ̄ kə́ kɔr̄ kam̄ tām̄ yān tə́ ní, ə̄ndā kumií gíŕ yá̰a̰ yāí gə̄ tə́ ndɔ̄ ń noō tə́ alé. Ī-ɓāŕ ndɔ̄ sabat na i ndɔ̄ rɔ̄nel̄. Ī-ɓāŕ ndɔ̄ yā Kɔ́ɔ̄ɓē na i ndɔ̄ kə́ yā ɓōĺ gidə ō, ī-ɓōĺ gidə ndɔ̄ ní kə mbātə́ rāā kəlaá ō, kə mbātə́ kəndā kumií gíŕ yá̰a̰ gə̄ tə́ ō, kə mbātə́ kɔr̄ najə̄ kə́ dan gān̄g aĺ ō.

TA KƏLA 1:31

Dan ń Nə́ɓā a̰a̰ yá̰a̰ malang ń ni-rāā ní anī, nelə̄n ngá̰ý. Loo tíbə nja i kógə̄ḿ ō, tīī nja i kógə̄ḿ ō, adə̄ i ndɔ̄ kə́ nge ko̰ mehḛ́.

HEBƏRO 4:10

Tɔdɔ̄ deē ń udə tū kɔr̄ koō ń Nə́ɓā əndā dɔ danaá tə́ ní, kɔ́ɔ̄ ɔr̄ koō kəla yān tītə̄ ń Nə́ɓā ɔrə̄ń koō kəla yān ní ō.

TA KƏLA 2:3

Nə́ɓā ɔr̄ najə̄ kə́ majə dɔ ndɔ̄ kə́ nge ko̰ sīrí tə́. Ni-ɔr̄ kamə̄n tām̄ yān nəkɔ́ tə́, tɔdɔ̄ i ndɔ̄ ń ni-ɔrə̄ń koō gō kəla malang ń ni-rāā tə́ ní.

Teē Ngán Israel gə̄ 31:15

Ndɔ̄ kə́ mehḛ́ gə̄ i yā rāań kəla, ba ndɔ̄ kə́ nge ko̰ sīrí i ndɔ̄ sabat. I ndɔ̄ kə́ kɔr̄ kam̄ tayā tām̄ yā Kɔ́ɔ̄ɓē tə́. Deē ń a rāā sabat tə́ ní a tɔ̄lə̄n̄ kɔ́ɔ̄ kɔ̄ɔ́.