TA KƏLA 2:1 - Bibəl ta Sar̄

¹ Nə́ɓā tɔ̄l̄ ta dɔ rā̰ ō, dɔ nang ō, yá̰a̰ malang kə́ tū tə́ gə̄ ō i beé.

Bible sar

¹ Nə́ɓā tɔ̄l̄ ta dɔ rā̰ ō, dɔ nang ō, yá̰a̰ malang kə́ tū tə́ gə̄ ō i beé.

TA KƏLA 2:1 Referans Kwoze

PĀ GƏ̄ 33:6

Kɔ́ɔ̄ɓē rāā dɔ rā̰ i kə najə̄ kə́ tan tə́ ō, rāā tə́yō̰ gə̄ malang i kə koō kə́ tan tə́ ō.

Teē Ngán Israel gə̄ 31:17

Ndɔ̄ ń noō i ndɔ̄ kə́ ɔ́jə dɔ ɓoo naā yāḿ mā Kɔ́ɔ̄ɓē kə ngán Israel gēé kə́ a to ngándáńg. I yá̰á̰ kə́ ɔjə kadə̄ m̄-rāā dɔ rā̰ ō, dɔ nang ō, i kem ndɔ̄ mehḛ́, ba kə ndɔ̄ kə́ nge ko̰ sīrí anī m-ɔ̄r̄ koō.

Teē Ngán Israel gə̄ 20:11

Tɔdɔ̄ dɔ rā̰ ō, dɔ nang ō, bā bo ō, yá̰a̰ malang kə́ tū tə́ gə̄ ō ní, m̄-rāādə́ i kem ndɔ̄ mehḛ́, ba m-ɔ̄r̄ koō i kə ndɔ̄ kə́ nge ko̰ sīrí. I tām̄ najə̄ ń noō tə́ n mā Kɔ́ɔ̄ɓē m-ə́dań najə̄ kə́ majə dɔ ndɔ̄ sabat tə́ ō, m̄-ndigəń kadə̄ ɔr̄nən̄ tayā tām̄ yāḿ tə́ ō ní.

TA KƏLA 1:1

Ta kəga dɔ sasak Nə́ɓā əndā dɔ rā̰ ō, dɔ nang ō.

IJAI 45:18

Kɔ́ɔ̄ɓē rāā dɔ rā̰. Ni i Nə́ɓā ń rāā dɔ nang ní. Ni əɓān ō, rāān adə̄ ngan̄g ō. Ni-rāān i yā kadə̄ to ndágə doy alé, əɓān i yā kadə̄ de gə̄ ndin̄ dɔ tə́. Yá̰á̰ ń ni-əda ní n toó: Kɔ́ɔ̄ɓē i mā, Kɔ́ɔ̄ɓē kə́ rang gətóo.

IJAI 42:5

Nə́ɓā, Kɔ́ɔ̄ɓē, rāā dɔ rā̰ ō, tútən kem naā tə́ ō. Ni teē kem dɔ nang kə kāgə̄ kə́ tū tə́ gə̄ malang. Gír de gə̄ ń ndin̄ tū tə́ ní, ni-rāā adə̄ ndin̄ kə kumdə́, ngé gə̄ ń ndin̄ kə kumdə́ tū tə́ ní, ni-adə̄də́ koō. Najə̄ ń ni-əda nge kəla yān ní n toó:

2 MBAN̄G 19:15

ba ndɔ̄ȳ əda na: Kɔ́ɔ̄ɓē Nə́ɓā yā Israel, ḭ̄ ń ī-ndi dɔɔ́ dɔ ngé ngɔ̄m̄ loo kə́ dɔ rā̰ tə́ gə̄ tə́ ní, i ḭ̄ kógə̄ḿ beē ngóy n i Nə́ɓā kə́ tām̄ yā ɓē ko̰o̰ gə̄ malang kə́ dɔ nang tə́ tə́, tām̄ i ḭ̄ n ī-rāā dɔ rā̰ ō, dɔ nang ō ní.

IJAI 45:12

I mā n m̄-rāā dɔ nang ō, de gə̄ ń ndin̄ tū tə́ ní ō. I mā n m̄-tḛḛ̄ kem dɔ rā̰ ō, i mā n i nge kəda ɓūtə̄ tə́yō̰ kə́ ngá̰ý gə̄ yá̰á̰ kə́ kadə̄ rāān̄ ō ní.

PĀ GƏ̄ 146:6

Kɔ́ɔ̄ɓē rāā dɔ rā̰ ō dɔ nang ō, bā bo ō yá̰a̰ malang kə́ kum tə́ ō. Ni i nge ra dɔ ndūn tə́ ngándáńg.

JAKARI 12:1

Najə̄ yā Kɔ́ɔ̄ɓē kógə̄ḿ kə́ tām̄ yā Israel tə́ n toó. Kɔ́ɔ̄ɓē ń teē kem dɔ rā̰ ō, əndā dɔ nang dɔ gír gisən gə̄ tə́ ō, əla koō kem deē tə́ ō ní, əda wáńg na:

PĀ GƏ̄ 33:9

Ni-ɔr̄ najə̄ anī yá̰á̰ ń ni-əda ní rāā yá̰a̰, Ni-əda najə̄ anī, yá̰á̰ ń əda najə̄n ní teē ndi.

NEHEMI 9:6

I īkɔ́ ngóy kal kógə̄ḿ beē n i Kɔ́ɔ̄ɓē ní! I ḭ̄ n ī-rāā dɔ rā̰ adə̄ bo ngá̰ý ní ō, i ḭ̄ n ī-rāā tə́yō̰ gə̄ malang kə́ dɔ rā̰ tə́ ō, i ḭ̄ n ī-rāā dɔ nang kə yá̰a̰ malang kə́ tū tə́ ō, bā bo gə̄ kə yá̰a̰ malang kə́ kum tə́ gə̄ ō ní. I ḭ̄ n ī-rāā ādə̄ yá̰a̰ gə̄ ń noō malang ndin̄ kə kumdə́ ní ō, i ḭ̄ n yá̰a̰ malang kə́ dɔ rā̰ tə́ a əsō kə̄ nang tə́ a rɔyī ō ní.

2 YÁ̰A̰ GƏ̄ 2:12

Adə̄ ngɔlaā ní m-ə́la kə kɔdə̄ kógə̄ḿ kə́ ger̄ yá̰á̰ ngá̰ý m-ādī. Rīn na i Hiram Abi.

HEBƏRO 4:3

Jḭḭ̄ ń jə-taāī kem ní, j-a j-udiī tū kɔr̄ koō ngeé ń toō ń Nə́ɓā əda najə̄n tə́ ní, ni-əda na: Dan ń wōn̄g rāām̄ ní, m̄-túbə̄ m-ə́da na: Nin̄ a ugə̄n̄ ɓē ń m-ə̄ndā dɔ kɔr̄ koō danaá tū tə́ tām̄ yādə́ tə́ ní alé. Gír kəla yān gān̄g kɔ̄ɔ́ i jóó ngá̰ý dan ń ni rāań dɔ rā̰ ō, dɔ nang ō ní, banī ni-əda najə̄ ń noō.

KƏLA RĀĀ 4:24

Dan ń nin̄-oōn̄ najə̄ gə̄ ní anī, nin̄ malang ndɔ̄ȳn̄ Nə́ɓā kə kem kə́ kógə̄ḿ beé ədan̄ na: Kɔ́ɔ̄jí, i ḭ̄ n ī-rāā dɔ rā̰ ō dɔ nang ō, bā bo ō, kə yá̰a̰ gə̄ malang kə́ tū tə́ ní.

JEREMI 10:16

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír de gə̄ ń nin̄ i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

JEREMI 10:12

Tɔdɔ̄ Nə́ɓā i nge ń rāā dɔ nang kə ta kūl̄ tɔ́gəneé ō, əndā yá̰a̰ gə̄ kə kum kedə̄ yānneé ō, teē kem dɔ rā̰ kə̄ gogə́ kə gō yá̰a̰ ger̄ yānneé ō ní.

IJAI 65:17

Tām̄ m-ā m̄-rāā dɔ rā̰ kə́ kijə ō, dɔ nang kə́ kijə ō. A əga kem deē dɔ yá̰á̰ kə́ mān̄ kɔ̄ɔ́ tə́ to̰ alé, deē a gír̄ dɔ tə́ to̰ alé.

IJAI 48:13

A̰á̰ā̰, i mā n m-ə̄ndā dɔ nang dɔ gír gisən gə̄ tə́ ní, i mā n m̄-tḛḛ̄ kem dɔ rā̰ ní. Dan nəkɔ́ ń m̄-ɓāŕdə́ anī, kə̄ ta jī tə́ noō nin̄-reē ran̄ noḿ tə́.

NDŪ NAJƏ̄ 4:19

Ī-lōōī kənī kumsí kə̄ dɔɔ́ ka̰a̰ń mbang ō, nāā ō, tə́yō̰ gə̄ ō, ɓūtə̄ yá̰a̰ gə̄ kə́ dɔ rā̰ tə́ malang ō, ba kəya̰ rɔ̄sí kadə̄ gólə̄n̄sí kadə̄ ɔ́siī nosí nang tə́ nodə́ tə́ ō, ī-rāāī kəla ādīdə́ ō. Tɔdɔ̄ háĺ yá̰a̰ rāā kə́ tītə̄ ń noō ní, Kɔ́ɔ̄ɓē Nə́ɓā yāsí adə̄ i gír de kə́ rang gə̄ malang ń ndin̄ dɔ nang tə́ ní.

TA KƏLA 2:4

Adə̄ Nə́ɓā rāā dɔ rā̰ ō, dɔ nang ō i tītə̄ ń noō.

TA KƏLA 1:10

Nə́ɓā ɓāŕ loo kə́ ngan̄g ní na i nang, ba ɓāŕ man̄ gə̄ ń kánə̄n̄ naā loo kógə̄ḿ ní na i bā bo. Nə́ɓā a̰a̰ kadə̄ i yá̰á̰ kə́ majə.

NDŪ NAJƏ̄ 17:3

adə̄ rāā kəla adə̄ i ɓesə̄ gə̄ ō, ɔsə i non nang tə́ nodə́ tə́ ō, no mbang tə́ ō, no nāā tə́ ō, tə́yō̰ gə̄ malang kə́ dɔ rā̰ tə́ tə́ ō, ndɔ̄yńdə́, nge ń noō ń i yá̰á̰ kə́ m-ə́daī kadə̄ ī-rāā aĺ ní,

JEREMI 8:2

A ɓōkə́n̄də́ kum mbang tə́ ō, nāā ndaá ō, ta kum kɔýyo̰ gə̄ tə́ ō. I yá̰a̰ gə̄ ń nin̄ tárən̄də́ ō, rāān̄ kəla adə̄n̄də́ ō, unən̄ gōdə́ ō, aw̄n̄ koō tadə́ tə́ ō, əsōn̄ kə̄ nang tə́ nodə́ tə́ rɔȳn̄də́ ō ní. De gə̄ a kánə̄n̄ kə̄ngā gə̄ ń toō yā dubə̄ alé, a télən̄ i yedə̄ yá̰a̰ dɔ nang tə́.

IJAI 55:9

Jī bēl̄ loo rāā yá̰a̰ yāḿ gə̄ ō, jī bēl̄ loo rāā yá̰a̰ yāsí gə̄ ō ní, dɔ dáńdə́ i sa̰y ngá̰ý, gír̄ yāḿ gə̄ ō, gír̄ yāsí gə̄ ō ní, dɔ dáńdə́ i sa̰y ngá̰ý. Dɔ dáńdə́ i sa̰y tītə̄ dɔ dán dɔ rā̰ kə dɔ nangaá beē.

Makətūbə̄ yā Job 12:9

Tɔdɔ̄ dandə́ nin̄ malang ń noō tə́ ní, i nge kə́ rá n ger̄ kadə̄ i jī Kɔ́ɔ̄ɓē n rāā yá̰á̰ ń noō aĺ ní?

KƏLA RĀĀ 7:42

Banī Nə́ɓā tūr̄ gidən tadə́ tə́ kɔ̄ɔ́, ba əya̰də́ adə̄ ndɔ̄ȳn̄ tə́yō̰ gə̄ kə́ dɔ rā̰ tə́, tītə̄ ń ndangən̄neé kem makətūbə̄ yā ngé koō ta gə̄ tə́ ní. Ndangən̄ na: Sḭḭ̄ ngán Israel gə̄, dan ń ī-ndiīneé kem dəla loo tə́ ɓāl̄ kutə sɔ́ ní, ī-tɔ̄lī dā̰ gə̄ ī-ndējə̄mī ō, ādə̄mī yá̰á̰ kə́ ndējə̄ gə̄ ō a?

Najə̄ kə́ Majə yā Jeju ń Luk ndang ní 2:13

Kə̄ ta jī tə́ noō kósə de kə́ dɔ rā̰ tə́ kə́ ngá̰ý gə̄ reē ɓoon̄ rɔ̄də́ tū yā de kə́ dɔ rā̰ ní tə́, ba unən̄ pā tɔ̄ȳn̄neé Nə́ɓā, ədan̄ na:

IJAI 34:4

Ɓūtə̄ tə́yō̰ gə̄ malang tə́sōn̄, gájə́də́ gə̄ i dūbú. Dɔ rā̰ ɓír̄ rɔ̄n gidə naā tə́ tītə̄ makətūbə̄ beé. Yá̰á̰ kə́ dɔ rā̰ tə́ gə̄ malang urə̄n̄ tītə̄ mbī kāgə̄ nduú aláa mbī kāgə̄ kótə̄ kə́ tutə beé.

PĀ GƏ̄ 104:2

Ī-ɓír̄ rɔ̄í kə loo kunjú tītə̄ loo ɓír̄ rɔ̄ kə kūbūú beē. Ḭ̄ ī-teē kem dɔ rā̰ tītə̄ loo teē kem tandā beé.